Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 30:1-33

30  O le fetalaiga lenei a Ieova: “Oi talofa i atalii lotomaaa”+ o ē e mananaʻo e faia fuafuaga, ae e lē mai iā te aʻu;+ e sasaa foʻi le taulaga i meainu,* ae e lē faia i loʻu agaga, ina ia faaopoopo le isi agasala i luga o le isi agasala,+  o i latou o ē ua sauniuni e ō ifo i Aikupito,+ o i latou o ē e leʻi fesili mai iā te aʻu,+ ina ia malu ai i le puipuiga a Farao ma sulufaʻi ai i le paolo o Aikupito!+  E avea le puipuiga a Farao iā te outou ma mea e faamāina ai,+ ma le sulufaʻi i le paolo o Aikupito ma mea e māsiasi ai.+  Auā ua iai ona perenise i Soana+ ma ua oo atu ana avefeʻau i Sanesa.  O le a māsiasi ai lava tagata uma ona o se nuu e lē aogā i se tasi, e lē mafai ona fesoasoani atu ma e lē aogā i se isi, ae ua fai ma mea e māsiasi ai ma māfua ai le faalumaina.”+  O le feʻau faasaga i manu i le itu i saute:+ O loo ō atu i le laueleele o le puapuaga+ ma tulaga faigatā, ua iai le leona ma le nameri o loo ū, o le gata feʻai ma le gata e pei o le afi mumū o loo lele,+ ua latou ave a latou oloa i tauʻau o asini matutua, ma a latou uta i mea patupatu i tua o kamela.+ Ae o le a lē aogā nei mea i tagata.  Ae e lē aogā tagata Aikupito ma e leai se fesoasoani e maua mai ai.+ O lea la, ua ou faaigoa ai o ia: “O Raava,+ ua latou nonofo fifilemu.”  “O lenei, sau ia ma tusi i le laupapa i o latou luma, ma tusia foʻi i se tusi,+ ina ia iai pea i aso o i le lumanaʻi e fai ma molimau i aso uma.+  Auā o le nuu fouvale lenei, o fanau pepelo i latou,+ o fanau+ foʻi ua mumusu e faalogo i le tulafono a Ieova;+ 10  o ē ua fai atu i ē o loo vāai, ‘Aua tou te vāai,’ ma iā i latou ua maua faaaliga, ‘Aua tou te valoia mai mea saʻo e faatatau iā i matou.+ Ia faamatala mai iā i matou tala e logolelei; ia valoia mai mea pepelo.+ 11  Ia ʻaloese mai i le ala; ia liliuese mai i le auala.+ Ia aua neʻi matou toe faalogo i se tala e faatatau i Lē e Paia o Isaraelu.’ ”+ 12  O lea, o le fetalaiga lenei a Lē e Paia o Isaraelu: “Ona ua outou teena lenei upu,+ ma ua outou faatuatuaina faiga faagaoi ma mea faaʻoleʻole, ma ua outou faalagolago i lea mea,+ 13  e avea ai lenei agasala iā te outou e pei o se vaega malepelepe o le pā ua toetoe a paʻū, o se mea foʻi ua ʻosoʻoso mai i le pā maualuga,+ lea e solo faafuaseʻi i lalo, i se taimi puupuu lava.+ 14  O le a nutililiia ai e se tasi e pei ona nutililiia o se fagu lapoʻa na faia e ē fai ipu omea,+ e matuā tuʻininiia lava e lē faasaoina, e lē maua ai i mea ua nutililiia se taʻega fagu e salu mai ai le afi mai i le taʻinafi pe e asu mai ai ni vai mai i se nofoaga faataufusi.”+ 15  O loo faapea ona fetalai mai le Alii Pule Silisili Ese o Ieova, o Lē e Paia o Isaraelu:+ “O le a faaolaina outou pe a outou toe foʻi mai ma mālōlō. O le a malolosi outou pe a outou nonofo fifilemu pea ma le faatuatua.”+ Ae ua outou lē mananaʻo e faia faapea.+ 16  A ua outou faapea atu: “E leai, e matou te sosola i solofanua!”+ O le mea lea tou te sosola ai lava. “E matou te tiʻetiʻe i solofanua saoasaoa!”+ O le mea lea e saoasaoa ai foʻi o ē o le a tuliloaina outou.+ 17  O le a gatete le toʻaafe ona o le faamataʻuina o le toʻatasi;+ ae ona o le faamataʻuina o le toʻalima e tou te sosola ai lava seʻia oo ina avea o ē e totoe o outou e pei o se fanā i le tumutumu o le mauga ma le faailoilo i luga o le aʻega.+ 18  O le mea lea o le a faatalitali ai pea Ieova ina ia agalelei atu iā te outou,+ o le a tulaʻi foʻi o ia ina ia alofa mutimutivale iā te outou.+ Auā o Ieova o le Atua e faamasinotonu.+ E fiafia+ i latou uma o ē e faatalitali iā te ia.+ 19  Pe a nonofo le nuu i Siona+ i Ierusalema,+ e te lē tagi.+ O le a matuā agalelei mai lava o ia iā te oe pe a e alaga atu; o le taimi lava e faafofoga mai ai o ia o le a tali mai o ia iā te oe.+ 20  O le a avatu iā te outou e Ieova le meaʻai o le puapuaga ma le vai o le sauā;+ o le a lē toe lafi lo outou Aʻoaʻo Sili, ma e avea ou mata ma mata e vaai atu i lo outou Aʻoaʻo Sili.+ 21  Pe afai tou te ō ese mai i le ala saʻo ma afe ane i le itu taumatau pe afe ane i le itu tauagavale,+ o le a faalogo o outou taliga i le upu mai i o outou tua o loo faapea mai: “O le ala lenei.+ Ia outou savavali ai.” 22  E ao ona outou faaleaga le ufiufi siliva o o outou tupua ua tā+ ma le ufiufi auro+ o outou tupua ua faia mai i mea e liusuavai.+ E te lafoaʻiina ia mea.+ E pei o se fafine ua fai lona maʻi masina, o le a e fai atu i ia mea: “O le eleele nei mea!”+ 23  O le a ia foaʻi mai lava le timu i au fatu e lūlūina i le eleele, ma o meaʻai o fua ia o le eleele,+ e lololo ma gaʻoa.+ E aai lau lafu i le fanua lafulemu.+ 24  O le a aai lafu povi ma asini matutua i meaʻai lelei ua faafefiloi faatasi, lea na faamamāina i le suō+ ma le tui. 25  O le a iai vaitafe ma vaivai i luga o mauga maualuluga uma ma aʻega maualuluga uma+ i le aso o le fasiotiga tele lava pe a paʻuʻū i lalo ʻolo.+ 26  O le a pei le malamalama o le masina ua atoa, o le susulu malosi o le lā; ma le malamalama o le susulu malosi o le lā e faafitu ona malosi+ atu e pei o le malamalama o aso e fitu, i le aso e fusi ai e Ieova le manuʻa+ o lona nuu ma faamālōlōina+ e oo i le manuʻa matuiā e māfua mai i lona tāina o i latou. 27  Faauta! O loo afio mai le suafa o Ieova mai i se mea mamao lava, o loo mū i lona toʻasā+ faatasi ma ao mamafa. Ua tumu foʻi ona laugutu i faasalaga, o lona laulaufaiva foʻi ua peiseaʻī o se afi e faaumatia ai.+ 28  O lona agaga e pei o se vaitafe ua pa ua oo i le ua,+ e lūlūina foʻi i nuu i le tasi itu ma i le isi itu i se vaimamā+ e lē aogā; e iai foʻi i auvae o le nuu le faagutu+ e faasesē ai.+ 29  E tou te usuina foʻi le pese+ e pei ona faia i le pō lea e sauniuni ai se tasi mo se tausamiga+ paia, ma le olioli o le loto e pei o se tasi ua savali ma le fagufagu+ ina ia oo atu i le mauga o Ieova,+ i le Papa o Isaraelu.+ 30  O le a faalogoina e tagata le mamalu o le siʻufofoga o Ieova,+ e faaalia foʻi e ia le paʻū ifo o lona aao,+ i lona toʻasā+ tele ma le mumū o le afi+ e faaumatia ai ma timuga mamafa,+ o matagi malolosi ma le uatoʻa.+ 31  O le siʻufofoga o Ieova o le a malaia ai Asuria i le matuā fefefe lava;+ e na te taia o ia i se tootoo.+ 32  O sasau uma o lona tootoo o le aʻoaʻiga lea o le a faaoo e Ieova i luga o Asuria, e oo mai faatasi ma topa ma kitara;+ ma e tau faasaga iā i latou i le faalālā atu o auupega.+ 33  Auā ua saunia lana Tofeta*+ talu mai aso ua mavae; ua saunia foʻi mo le tupu lava ia.+ Ua ia faateleina lana faaputuga ina ia faatumu ai se mea loloto. Ua mū saesae le afi ma e tele fafie. O le mānava a Ieova e pei o le tafe o le teiō* o loo faamūina ai.+

Faamatalaga Pito i Lalo

O lona uiga, “ia faia se sootaga faapaaga e ala i le sasaaina o se taulaga i meainu.”
Ua faaaogāina i inei le Tofeta i se auala faafaatusa e faaataina ai se nofoaga e mū i le afi e faaata ai le faaumatiaga. Tagaʻi i le 2No 23:10.
O le elemeni samasama e faigofie ona mū e iai sona manogi malosi. O le upu Peretania o le sulphur.