Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 3:1-26

3  Auā, faauta! o loo aveesea e le Alii moni+ o Ieova o ʻau mai i Ierusalema+ ma Iuta mea uma e manaʻomia mo le tausiga o le ola, o meaʻai ma vai,+  o le tagata malosi, o le toa, o le faamasino, o le perofeta,+ o lē e faia valovaloga faataulāitu ma le toeaina,+  o le taʻitaʻiʻau o le toʻalima sefulu,+ o le tane faaaloalogia, o le faufautua, o lē e atamai e faia faiga faaagaga, ma lē e atamai e faaʻoleʻole gata i togafiti faataulāitu.+  Ou te faia tama e avea ma o latou perenise, ma e pulea i latou e se pulega tautalatasi.+  O le a sauā le tasi tagata i le isi, e faapena foʻi le tagata i lona tuaoi.+ O le a tetee atu i latou, o le tama i le toeaina,+ ma le tagata faatauvaa i lē e ao ona faamamaluina.+  Ona taʻitoʻatasi lea ma tago atu le tagata i lona uso i le aiga o lona tamā, ma faapea atu: “Ua iai sou ofu tele. E ao ona fai oe ma pule malosi+ iā i matou, ma pulea lenei faupuʻega o mea ua faaleagaina.”  O le a leotele o ia i lea aso ma faapea atu: “E lē avea aʻu ma sē e fofōina manuʻa; ma e leai se meaʻai po o se ofu tele i loʻu fale. Aua neʻi outou faia aʻu ma pule malosi i le nuu.”  Ua tautevateva Ierusalema, ma ua paʻū Iuta,+ auā ua faasagatau o latou laulaufaiva ma a latou gaoioiga iā Ieova,+ i le fouvale i lana silafaga mamalu.+  Ua molimau o latou foliga vaaia iā i latou lava,+ ma ua latou taʻua foʻi a latou agasala e pei ona faia e Sotoma.+ Ua latou lē natia. Oi talofa iā i latou! Auā o i latou lava ua māfua ai ona oo mai o mala.+ 10  Ia outou faapea atu, o le a lelei mea uma mo le tagata amiotonu,+ auā o le a latou aai i fua o a latou gaoioiga.+ 11  Oi talofa i le tagata amioleaga! E malaia o ia; auā o mea na ia faia i isi e faapea foʻi ona faia iā te ia!+ 12  A o loʻu nuu, ua sauā i ai ē e faafaigaluegaina isi ma ua pule ai fafine.+ Loʻu nuu e, ua faasesēina outou e i latou o loo taʻitaʻia outou, ma ua latou faafenuminumiaʻi o outou ala e savavali ai.+ 13  Ua tulaʻi mai Ieova e finau ma ua tulaʻi foʻi e faamasinoina nuu.+ 14  E faia e Ieova le faamasinoga ma toeaina o lona nuu ma ona perenise.+ “Ua outou susunu le togāvine. Ua teuina i o outou fale mea na gaoia mai i ē ua puapuagatia.+ 15  O le ā le māfuaaga ua outou tuʻimomomo ai loʻu nuu, ma outou olo ai mata o ē ua puapuagatia?”+ ua fetalai mai ai le Alii Pule Silisili Ese o Ieova o ʻau. 16  Ua fetalai mai Ieova: “Talu ai ua faualuga tama fafine a Siona, ma ua latou savavali ma o latou ua* fālō, ma o latou mata faatosina, ua latou laalaa lemū foʻi, ma o latou vae ua iai tauvae tagitagi,+ 17  o le a faia e Ieova ia poʻupoʻua tumuaʻi o ulu o tama fafine a Siona,+ ma o le a faataatia fua mai e Ieova o latou muāulu.+ 18  O lea aso, o le a aveesea ai e Ieova le matagofie o tauvae, o mea e tatao ai le lauulu ma teuteu e pei o le masina,+ 19  o tautaliga tautau ma taulima ma veli,+ 20  o ufiulu ma filifili i tapuvae, o fusi,+ o ‘fagu manogi’* ma mea teuteu tagitagi e maua ai le laki,+ 21  o mama e tuu i lima, ma mama e tuu i isu,+ 22  o ofu talaloa, o ofu pito i fafo, o ofu uumi ma ato tupe, 23  o faata+ e uu i lima, o ofu pito i totonu, o pulou ʻie+ ma veli uumi.+ 24  “O le a iai na o le manogi leaga nai lo o le sasala o le suāuu pasama;+ o le maea, nai lo o le fusipaʻu; o le ulutula,+ nai lo o le lauulu teuteu lelei; o le ofu ʻie talatala,+ nai lo o le ofu taugatā; o le faailoga mū,*+ nai lo o le aulelei. 25  O le a paʻuʻū ou tane i le pelu, ma ou tagata malolosi i le taua.+ 26  O le a faavauvau+ ma faanoanoa faitotoʻa o Siona, o le a faagaogaoina foʻi o ia. O le a nofo o ia i lalo i le eleele.”+

Faamatalaga Pito i Lalo

I le gagana Eperu, o le “faaʻī.”
I le gagana Eperu, “o fale ua iai le ola.”
O se faailoga e susunuina i le tino o se pologa po o se pagota.