Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 27:1-13

27  O lea aso, o le a faasala ai e Ieova+ i lana pelu malō,+ mataʻutia ma malosi le korokotaila,*+ o le gata e sosolo televave,+ e oo lava i le korokotaila, o le gata e taataʻai, ma o le a ia fasimatea le meaola lapoʻa+ o loo i le sami.  O lea aso, ia outou pepese+ atu iā te ia: “O le togāvine+ o uaina ua piapiā!  O aʻu o Ieova, o loo oʻu leoleoina o ia.+ Ou te faasūsūina o ia i taimi uma.+ Ou te leoleo iā te ia i le pō ma le ao ina neʻi oo iā te ia se leaga mai i se tasi.+  Ou te lē ita lava.+ O ai na te aumaia iā te aʻu laau tuitui+ ma vao leaga i le taua? Ou te solia na mea. Ou te susunuina faatasi ia mea.+  A lē o lenā, ia tago atu o ia i loʻu lafitaga malosi, ma ia faalelei o ia ma aʻu; ia lelei foʻi o ia ma aʻu.”+  O aso o i luma o le a sosolo ai aa o Iakopo, o le a fuga mai lava Isaraelu+ ma oso aʻe tātupu; ma o le a latou faatumuina le fogāeleele ua fua mai i faaeleeleaga.+  Pe e tatau ea ona taia o ia i le tā a lē na taia o ia? Pe e tatau foʻi ona fasiotia o ia e pei ona fasiotia o ona tagata ua fasiotia?+  O le alaga taufaafefe, e te lua finau ai ma ia pe a tulia o ia. E na te faateʻaina o ia i lona agi faataʻutaʻu mai, i le aso e agi mai ai le matagi mai i sasaʻe.+  O lea, e ala i lenei mea o le a ufiufia ai sesē o Iakopo,+ ma o āuga uma ia pe a aveesea lana agasala,+ pe a ia faia maa uma o le fata faitaulaga e pei o maa penisina ua nutililiia, ina ia lē toe tutū ai i luga o pou paia+ ma fata faitaulaga e mū ai mea manogi.+ 10  O le a tuufua le aai malupuipuia, e tuulafoaʻiina fanua e aai ai lafumanu e pei o le toafa.+ O le a tataa ai i inā tamaʻi povi, e taooto ai ma aai ai foʻi i ona lālā laau.+ 11  Pe a mamago ona lālā laau, ona gauiesea lea ma susunu e fafine o loo ō mai.+ Auā e lē o se nuu e iai le faautaga loloto.+ O le mea lea e lē alofa mutimutivale i ai o Lē na faia i latou, ma e lē faaalia foʻi i ai le agalelei e lo latou Mataisau.+ 12  Le fanauga a Isaraelu e, o lea aso o le a sasa ifo ai e Ieova ona fua,+ e mai i le mea e tafe ai le Vaitafe+ e oo atu i le vanu o Aikupito,+ ma o le a aoaoina outou taʻitoʻatasi.+ 13  O lea aso, o le a ilia leotele ai le pū,+ ma o i latou ua lamatia o latou ola i le atunuu o Asuria+ ma i latou ua faataapeapeina i le atunuu o Aikupito,+ o le a latou ō mai ma ifo+ iā Ieova i le mauga paia i Ierusalema.+

Faamatalaga Pito i Lalo

Po o le “Leviatana.”