Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 25:1-12

25  Ieova e, o loʻu Atua lava oe.+ Ou te faaneenee atu iā te oe,+ ou te viiviia lou suafa,+ auā ua e faia mea ofoofogia,+ o mea na e finagalo+ ai mai anamuā, i le faamaoni+ ma le maufaatuatuaina.+  Auā ua e faia le aai ma faupuʻega maa, ua lepetia le aai malupuipuia, ma e lē toe iai foʻi se maota o tagata ese, e lē toe fausia lava.+  O le mea lea e faamamaluina ai oe e le nuu malosi; e matataʻu foʻi iā te oe le aai o nuu sauā.+  Auā ua avea oe ma lafitaga malosi i lē e faatauvaa, o le lafitaga malosi i lē ua mativa i ona puapuaga,+ o le lafitaga mai i timuga mamafa, o le paolo+ i le vevela, pe a oo mai foʻi le ita o ē e sauā e pei ona taia le pā i le timu mamafa.  Ua e faafilemuina le pisapisaō o tagata ese, e pei ona faaitiitia o le vevela i le laueleele ua leai ni vai, i le paolo o le ao.+ Ua taofia le pese a tagata sauā.+  O le a saunia e Ieova o ʻau i lenei mauga+ mo tagata+ uma se faigaʻai o mea taumafa e sili ona lelei,+ o se taumafataga o uaina e sili ona lelei,* o meaʻai e sili ona lelei ua iai mea lololo o ponaivi,+ ma le uaina+ e sili ona lelei ua uma ona faamamāina.+  O le a ia faaumatia i lenei mauga le ʻie ufiufi lea o loo ufitia ai tagata uma lava,+ ma le ʻie ua lalagaina lea ua ufitia ai nuu uma.  O le a faaumatia e ia le oti e faavavau,+ o le a soloiesea foʻi e le Alii Pule Silisili Ese o Ieova loimata mai i mata uma.+ E aveesea foʻi e ia le faalumaina o ona tagata i le lalolagi uma,+ auā ua fetalai mai ai Ieova lava ia.  O lea aso, o le a faapea mai ai se tasi: “Faauta! O lo tatou Atua lenei.+ Ua tatou faamoemoe iā te ia+ ma o le a ia faaolaina i tatou.+ O Ieova lava lenei.+ Ua tatou faamoemoe iā te ia. Ia tatou fiafia ma olioli i le faaolataga mai iā te ia.”+ 10  Auā o le a mālōlō le aao o Ieova i luga o lenei mauga,+ ma e solia i lalo Moapi i lona nofoaga+ e pei ona soli i lalo o se faaputuga o vao mamago i le mea ua iai otaota o manu.+ 11  E faaloaloa atu e ia ona aao ma taia ai Moapi e pei ona faaloaloa atu e se tagata aau ona lima ma taia ai le vai pe a aau, e na te faamaulaloina lona faualuga+ i le faaaogāina ma le atamai o ona aao. 12  E na te faaumatia le aai malupuipuia ma ou pā maualuluga ia e saogalemu ai; e na te faalumaina le aai, ma faagatasi i le eleele, e oo lava i le efuefu.+

Faamatalaga Pito i Lalo

Po o le “uaina ua teu mo se taimi umi ina ia toʻa lelei ʻalu.”