Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Isaia 23:1-18

23  O le feʻau iā Turo:+ Inā tagiauē ia outou vaa o Tasesa!+ auā ua faatafunaina Turo ma ua lē toe avea ma taulaga e taula ai vaa, ma se mea e ulu atu ai.+ Ua faailoaina atu iā i latou lea mea mai i le atunuu o Kitimo.+  O outou o ē e nonofo i gataifale aua tou te pisa. Auā ua faatumulia oe e tagata faatauʻoa o Saitonu,+ o ē o loo sopoʻia atu le sami.  Na aumaia fatu o Seora i luga o vai e tele,+ o le seleselega foʻi o le Vaitafe o le Naila, na mauʻoa ai o ia; ma ua avea ai ma polofiti a nuu.+  Saitonu e,+ ia māsiasi oe; auā ua tautala mai le sami, o oe o le mea malupuipuia o le sami, ua faapea mai: “E leʻi oo iā te aʻu le tigā a fanau, ou te leʻi fanau, ma ou te leʻi tausia foʻi ni tauleleʻa po o ni teine muli.”+  E pei ona tigā tagata i le tala e uiga iā Aikupito,+ o le a faapea foʻi ona matuā tigā tagata ona o le tala iā Turo.+  Ia sopo atu i Tasesa; ia tagiauē outou o ē o nonofo i le gataifale.  Po o lo outou aai ea lea sa olioli mai i aso ua leva, e mai lava i lona amataga? Sa masani ona ave o ia e ona vae i se mea mamao e aumau ai o se tagata ese.  O ai ea ua ia faia lenei faaiʻuga+ faasaga iā Turo, o lē e tuuina atu palealii, o ona faatauʻoa o perenise i latou, o ona tagata fefaatauaʻi o tagata aloaʻia ia i le lalolagi?+  O Ieova o ʻau lava ia ua ia aumaia lenei faaiʻuga,+ ina ia faalēaogāina ai le mimitavale o mea matagofie uma,+ ma ʻinoʻino i tagata aloaʻia uma o le lalolagi.+ 10  Le tama fafine a Tasesa e,+ inā sopo atu ia i lou laueleele e pei o le Vaitafe o le Naila. Ua lē toe iai ni uafu e taula ai vaa.+ 11  Ua faaloaloa atu lona aao i luga o le sami; ua ia faavevesiina malo.+ Ua tuuina atu e Ieova lava ia se poloaʻiga faasaga iā Foinie, ina ia faatamaʻia ana mea malupuipuia.+ 12  Ua ia fetalai mai: “O lē ua puapuagatia, o le tama fafine a Saitonu+ aua neʻi e toe olioli.+ Inā tū ia i luga ma sopo atu i Kitimo.+ Peitaʻi e te lē maua lava se mālōlōga i lea mea.” 13  Faauta foʻi! O le atunuu o Kaletaia.+ O le nuu lenei, ae e lē o Asuria,+ o i latou ia ua faia lenei aai ma mea e nonofo ai manu o le toafa.+ Ua latou faatutū o latou fata maualuluga+ e fesiitaʻi i le taua; ua latou faatamaʻia ona maota;+ ma ua avea lenei aai ma faupuʻega o fale ua faaleagaina.+ 14  Ia tagiauē outou vaa o Tasesa, auā ua faatafunaina la outou mea malupuipuia.+ 15  O lea aso, o le a galo ai Turo mo tausaga e fitu sefulu,+ e pei o aso o le tupu e toʻatasi. Pe a mavae tausaga e fitu sefulu, o le a pei Turo o le fafine talitane lea na usu i ai le pese: 16  “O oe le fafine talitane ua faagaloina+ ia ave le kitara, ma ia fealuaʻi i le aai. Ia e faia le mea sili i le tāina o uaua; ia faatele au pese, ina ia toe manatua ai oe.” 17  Pe a mavae le fitu sefulu tausaga ona toe liliu atu ai lea o Ieova iā Turo, ma e toe maua e le aai lona totogi,+ ma faitaaga ai ma malo uma o le lalolagi o loo i le fogāeleele.+ 18  O le a avea ana polofiti ma lona totogi+ o se mea paia iā Ieova.+ O le a lē teuina pe faaputuina, auā o lona totogi o le a fai mo i latou o ē o nonofo i luma o Ieova, ina ia aai ai ia maoona ma oofu ai i ofu matagofie.+

Faamatalaga Pito i Lalo