Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 22:1-25

22  O le feʻau i le vanu o le faaaliga:+ O le ā la le mea ua tupu iā te oe, ua ō aʻe uma ai ou tagata i taualuga o fale?+  Sa tumu oe i le vevesi, o le aai sa pisapisaō, o le aai foʻi sa olioli.+ O ou tagata ua fasiotia e leʻi fasiotia i latou i le pelu, e leʻi feoti foʻi i le taua.+  Ua sosola faatasi uma ou pule sauā.+ Ua ave faapagota i latou e aunoa ma le faaaogāina o le ʻaufana. O i latou uma ua maua iā te oe ua ave faapagota faatasi.+ Ua mamao le mea ua latou sosola i ai.  O le mea lea ou te fai atu ai: “Ia liliuese o outou mata mai iā te aʻu. O le a ou tagi ona o le tigā o loʻu loto.+ Aua tou te maumauaʻi e faamāfanafana mai iā te aʻu ona ua faatafunaina le tama fafine a loʻu nuu.+  Auā o le aso o le fenuminumiaʻi+ ma le faatoʻilaloina,+ ma le fememeaʻi mai+ i le Alii Pule Silisili Ese o Ieova o ʻau i le vanu o le faaaliga. Ua lepetia le pā,+ ua iai foʻi le alaga atu i le mauga.+  Ua ave e Elama+ le taga e tuu ai aū i le kariota o le taua ua iai tagata, lea ua tosoina e solofanua; ma ua toese foʻi e Kiri+ le ufiufi o le talipupuni.  O lea, o le a faatumuina lou fanua laugatasi e sili ona lelei i kariota o le taua, ma e tutū foʻi solofanua i luma o le faitotoʻa o le pā,  o le a aveesea e se tasi le pā pupuni o Iuta. O le a e vaai foʻi i lea aso i le mea e teu ai auupega+ i le fale o le vaomatua,+  o le a outou vāai foʻi i mea lepetia o le Aai a Tavita, auā o le a matuā tele lava.+ O le a outou faaputuina vai i le vailepa pito i lalo.+ 10  O le a outou faitauina lava fale o Ierusalema. O le a outou lepetia fale ina ia faamalosi ai le pā.+ 11  O le a outou elia se pū i le va o pā e lua e tali ai le vai mai i le vailepa tuai.+ E tou te lē vāai atu i Lē e Sili na faatupuina lea mea, ma o le a outou lē vāai atu foʻi i Lē na saunia lea mea i aso anamua. 12  “O lea aso, o le a faatonu mai e le Alii Pule Silisili Ese+ o Ieova o ʻau, ia fetagisi,+ ia faavauvau, ia sele mamā lauulu ma oofu i ʻie talatala.+ 13  Ae faauta foʻi! o le olioli ma le fiafia, o le fasiga o povi ma le fasiga o mamoe, o le ʻaina o aano o manu ma le inuina o le uaina,+ ‘Ia aai ma inu auā o a taeao tatou te feoti ai.’ ”+ 14  Ua taʻu mai e Ieova o ʻau lenei mea i oʻu taliga:+ “ ‘E lē togisalaina lava lenei agasala+ mo outou e oo i lo outou oti,’+ ua fetalai mai ai le Alii Pule Silisili Ese o Ieova o ʻau.” 15  O le fetalaiga lenei a le Alii Pule Silisili Ese o Ieova o ʻau: “Inā alu atu ia i le auauna pule, iā Sevena,+ o lē e vaavaaia le aiga ma ia faapea atu,+ 16  ‘Po o iai sou tofi i inei, ma o ai foʻi se tasi o lou aiga ua iai i inei, ua e eli ai mo oe lava ia se tuugamau i lenei mea?’+ Ua eli e ia lona tuugamau i se mea maualuga; ua ia tipi le papa e faia ai se nofoaga mo ia lava. 17  ‘Faauta! le tamāloa e, o le a matuā lafoina oe i lalo e Ieova ma le malosi tele ma matuā uu lava iā te oe. 18  O le a ia matuā tāʻai mau oe e pei o se polo e faataavalevale i le laufanua lautele. O i inā o le a e oti ai, ma o le a avea au kariota matagofie ma mea e faalumaina ai le aiga o lou matai. 19  Ou te tulia oe mai i lou tofiga; ma o le a aveese oe e se tasi mai i lou tulaga aloaʻia.+ 20  “ ‘O lea aso, ou te aami ai i laʻu auauna+ o Eliakimo+ le atalii o Hilikia.+ 21  Ou te faaofu iā te ia i lou ofu tele, ou te fusi iā te ia i lou fusi ʻie,+ ma ou tuuina atu lau pule i lona lima; o le a avea foʻi o ia ma tamā i ē o loo nonofo i Ierusalema atoa ma le aiga o Iuta.+ 22  Ou te tuuina atu foʻi le ki+ o le aiga o Tavita i lona tauʻau, o le a ia tatalaina ae e leai se isi e na te punitia, o le a ia punitia ae e leai se isi e na te tatalaina.+ 23  O le a ou tutuʻiina o ia e pei o se pine+ i se mea tumau, ma e avea o ia e pei o se nofoālii mamalu i le aiga o lona tamā.+ 24  E latou te tautau i ona luga o le mamalu uma o le aiga o lona tamā, o fanau ma ē tupuga mai ai, o ipu uma o ituaiga lāiti, o ipu faaofuofu atoa ma fagu tetele uma. 25  “Ua fetalai mai Ieova o ʻau: ‘O lea aso, o le a aveese+ ai le pine+ ua tutuʻi i le mea tumau, e tā foʻi ma paʻū i lalo, ma e paʻū foʻi i lalo le avega ua i luga o lea mea, auā ua fetalai mai ai Ieova lava ia.’ ”+

Faamatalaga Pito i Lalo