Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 21:1-17

21  O le feʻau faasaga i le toafa o le sami:*+ E pei o matagi+ malolosi i le itu i saute o loo ui ane, o loo sau mai i le toafa, mai i le atunuu mataʻutia.+  Ua iai se faaaliga+ faigatā ua faailoa mai iā te aʻu: O lē e amio piʻopiʻo o loo amio faapiʻopiʻo o ia, ma o lē ua faoa mea o loo fao e ia o mea.+ Elama e, inā alu aʻe ia! Metai e,+ inā osofaʻi atu ia! Ua ou faamutaina mapuitigā uma ua tutupu ona o ia.+  O le mea lea ua matuā tigā ai oʻu puimanava.+ Ua maua aʻu i le tigā e pei o le faatigā o le fafine o le a fanau.+ Ua ou lē toʻa ma ua lē mafai ai ona ou faalogo; ua ou atuatuvale foʻi ma ua lē mafai ai ona ou vaai.  Ua tātā vale loʻu fatu; ma ua ou fefe i le gatete tele. O le pogipogi lea ou te fiafia i ai ua avea o se mea ou te fefe ai.+  Ua teu faalelei le laulau, ua faatulaga nofoa, o loo aai ma o loo feinu!+ Outou perenise e,+ inā tutulaʻi ia ma faauu le talita.+  Auā o le mea lenei ua fetalai mai ai Ieova iā te aʻu: “Inā alu ia, ia tuu se leoleo i se mea e vaai atu i ai ma taʻu mai mea ua ia vaai i ai.”+  Ona ia iloa lea o le kariota o le taua ua toso e solofanua e lua, o le kariota o le taua ua toso e asini, ma le kariota o le taua ua toso e kamela. Ua ia matuā uaʻi atu ma le lē gasē.  Ua ia valaau atu e pei o le leona:+ “Ieova e, ua ou tū nei e lē aunoa i le ao i luga o le olomatamata, ma o loo oʻu tū i le mea ua tofia i ai aʻu e leoleo ai i pō uma.+  Ae o loo sau se kariota o le taua o loo iai ni tamāloloa i totonu, o loo toso e solofanua e lua!”+ Ua ia faapea mai: “Ua paʻū o ia! Ua paʻū Papelonia,+ ma ua ia nutipalaina faatusa uma ua tā o ona atua i le eleele!”+ 10  Oʻu tagata e, o ē ua solia e pei o saito ma le atalii o laʻu mea e soli ai saito,*+ ua ou taʻu atu iā te outou tala na ou faalogo ai mai iā Ieova o ʻau, o le Atua o Isaraelu. 11  O le feʻau faasaga iā Tuma:* Ua valaau mai iā te aʻu se isi mai i Seira:+ “Le leoleo e, e faapefea la le pō? Le leoleo e, e faapefea la le pō?”+ 12  Ua faapea atu le leoleo: “Ua oo mai le taeao atoa ma le pō. Afai e tou te fesili atu, ia fesili atu. Inā toe ō mai ia!” 13  O le feʻau faasaga i fanua laugatasi o le toafa: O outou tagata malaga e* o Titana, o le a outou mālōlō i le pō i le vaomatua o le fanua laugatasi o le toafa.+ 14  Ia outou aumai ni vai e faafetaui ai lē ua fia inu. O outou o loo nonofo i le laueleele o Tema,+ inā faafetaui ia i lē ua sola ese ma avatu se meaʻai iā te ia. 15  Ua sosola i latou ona o le pelu, o le pelu foʻi ua tō aʻe, ona ua loloʻu le ʻaufana ma ua faateteleina le taua. 16  Auā o le fetalaiga lenei a Ieova iā te aʻu: “O le a faamuta le mamalu uma o Kitara+ a o leʻi uma le tausaga, e tusa ma le tausaga e faigaluega totogi+ ai se tagata. 17  O le a faatoʻaitiitia le aofaʻi o ē e totoe o le ʻaufana aū, o tagata totoa o atalii o Kitara,+ auā ua faapea ona fetalai mai ai Ieova, o le Atua o Isaraelu.”+

Faamatalaga Pito i Lalo

E foliga mai e faatatau atu “le toafa o le sami” i le itu i saute o Papelonia anamua, lea e masani ona pa ai vai o Eufirate ma Tikarise i tausaga taʻitasi.
Pe e faasino atu foʻi i le karite (barley).
O le igoa faavaloaga lea mo Etoma.
O tagata faimalaga faatasi ma a latou manu ave avega.