Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 20:1-6

20  O le tausaga na sau ai Taretana*+ i Asetota,+ ina ua auina atu o ia e Sarekona le tupu o Asuria,+ ona tau ai lea o ia ma Asetota ma faatoʻilaloina le aai;+  o le taimi lea ua oo mai ai le afioga a Ieova iā Isaia le atalii o Amota,+ e faapea: “Ia e alu+ ma tatala ese le ʻie talatala mai i lou puimanava;+ ma tatala ese seevae mai i ou vae.”+ Ona ia faia lea faapea, ua fesavaliaʻi e lē lavalavā* ma e leai ni ona seevae.+  Ona fetalai mai ai lea o Ieova: “E pei ona fesavaliaʻi laʻu auauna o Isaia e lē lavalavā ma e leai ni ona seevae mo tausaga e tolu, e fai ma faailoga+ ma mea na valoia faasaga iā Aikupito+ ma e faasaga foʻi iā Aitiope,+  e faapea foʻi ona taʻitaʻia e le tupu o Asuria o pagota o Aikupito+ ma ē ua faaaunuua o Aitiope, o tama ma toeaina, e lē lavalavā ma e leai ni seevae, e leai foʻi ni mea e ufiufi ai o latou nofoaga, o le lē lavalavā lea o Aikupito.+  O le a latou matuā fefefe ma māsiasi ona o Aitiope lea sa latou faamoemoe+ i ai, ma Aikupito lea sa latou viiviia lona matagofie.+  O lea aso, e fai ane ai lē ua nofo i fanua tū matafaga, ‘Vaai i le tulaga o lē na tatou faamoemoe i ai, o lē na tatou sosola atu i ai mo se fesoasoani, ina ia laveaʻiina ai i tatou ona o le tupu o Asuria!+ E faapefea la ona tatou sao ai?’ ”

Faamatalaga Pito i Lalo

Po o le “taʻitaʻiʻau.”
Po o “na o ni nai ofu ua ofu ai.”