Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 2:1-22

2  O le mea na vaaia e Isaia le atalii o Amota e faatatau iā Iuta ma Ierusalema:+  O aso e gata ai,+ e oo ina faatumauina ai le mauga o le fale+ o Ieova i luga o tumutumu o atumauga,+ e faamaualugaina foʻi e sili i aʻega;+ ma e gasolo ane i ai nuu uma.+  E ō mai lava nuu e tele ma faapea ane: “Ō mai ia,+ tatou ō aʻe i le mauga o Ieova, i le fale o le Atua o Iakopo; e na te aʻoaʻoina ai i tatou i ona ala, ma tatou savavali ai i ona ala.”+ Auā e alu atu le tulafono mai i Siona, ma le afioga a Ieova mai i Ierusalema.+  E faamasino foʻi o ia i atunuu,+ ma faasaʻo+ mataupu a tagata e toʻatele.+ E latou te tuʻi a latou pelu e fai ma uʻamea suōtosina ma o latou tao e fai ma pelu e teu ai laau.+ E lē toe sii le pelu e le tasi atunuu i le tasi atunuu, pe latou te toe aʻoaʻo foʻi i taua.+  Le aiga o Iakopo e, ō mai ia tatou savavali i le malamalama o Ieova.+  Ua e tuulafoaʻiina lou nuu le aiga o Iakopo.+ Auā ua tumu le nuu i mea mai i Sasaʻe,+ ua latou faia faiga faaagaga+ e pei o tagata Filisitia, ma ua tumu foʻi le nuu i fanau a tagata ese.+  Ua tumu lo latou laueleele i siliva ma auro, ma ua lē mafaitaulia a latou ʻoa.+ Ua tumu foʻi lo latou laueleele i solofanua, ma ua lē mafaitaulia a latou kariota.+  Ua tumu lo latou laueleele i atua lē aogā.+ Ua latou ifo i mea ua faia e lima o le tagata, o mea na faia e ona lava tamatamaʻilima.+  Ua paʻū maulalo le tulaga o le tagata, ua faamaulaloina o ia, ma e te lē faamagaloina lava i latou.+ 10  Alu atu ia i totonu o le papa ma lafi ai i le eleele, ona o le mataʻutia o Ieova, ma le ofoofogia o lona silisili ese.+ 11  E faamaulaloina mata faasausili o tagata, e faamaulaloina foʻi le faamaualuga o tagata;+ ma e na o Ieova lava e faasilisilia i lenā aso.+ 12  Auā o le aso lenā o Ieova o ʻau.+ E oo atu i ē uma e fia tagata, o ē e faamaualuluga, o ē e faafefeteina ma ē e faatauvaa;+ 13  e oo atu i arasi o Lepanona+ e uumi ma maualuluga, ma laau tetele uma o Vasana;+ 14  e oo atu i mauga maualuluga ma aʻega maualuluga uma;+ 15  e oo atu i ʻolo maualuluga ma pā malolosi uma;+ 16  e oo atu foʻi i vaa uma o Tasesa+ ma vaa matagofie uma. 17  E faamaulaloina le faasiasia o le tagata, e faamaulaloina foʻi le faamaualuluga o tagata;+ ma e na o Ieova lava e faasilisilia i lenā aso.+ 18  O le a matuā mou atu atua lē aogā.+ 19  E ulu atu foʻi tagata i totonu o ana o papa, ma lua i le eleele, ona o le mataʻutia o Ieova ma le ofoofogia o lona silisili ese,+ pe a tulaʻi o ia e lūlūina le lalolagi.+ 20  O lea aso, o le a lafoaʻi ai e le tagata ona atua lē aogā o siliva ma atua lē aogā o auro, ia na latou faia mo ia e ifo i ai i isumu ma peʻa,+ 21  ina ia ulu ai i totonu o pu o papa, atoa ma va o papa, ona o le mataʻutia o Ieova ma le ofoofogia o lona silisili ese,+ pe a tulaʻi o ia e lūlūina le lalolagi. 22  A o outou, aua tou te faatuatua i le tagata, o lē o loo iai le mānava i ona pogaʻiisu,+ aiseā la e manatu ai fua iā te ia?+

Faamatalaga Pito i Lalo