Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 19:1-25

19  O le feʻau faasaga iā Aikupito:+ Faauta! O loo tiʻetiʻe Ieova i le ao saoasaoa+ ma o loo afio atu i Aikupito. O le a gatete atua lē aogā o Aikupito ona o ia,+ ma o le a liusuavai loto o tagata Aikupito i totonu iā i latou.+  “Ou te faaoso tagata Aikupito e tetee i isi tagata Aikupito, e tau le tagata ma lona uso, e taʻitoʻatasi ma faasagatau i lana uō, e faasagatau le tasi aai i le isi aai, ma le tasi malo i le isi malo.+  O le a lē mautonu Aikupito,*+ ma ou te faafenumiaʻia a latou fuafuaga.+ O le a latou saʻili atu i atua lē aogā,+ o i latou foʻi e fai togafiti faataulāitu, o ē e saʻili i agaga ma ē e vavalo i mea e tutupu.+  O le a ou tuuina atu Aikupito i le lima o se taʻitaʻi sauā, ma o le a malosi le tupu e pule iā i latou,”+ ua fetalai mai ai le Alii moni, o Ieova o ʻau.  O le a pē le vai mai i le vaitafe, ma e mate foʻi ma mātūtū le vaitafe.+  E elo le vaitafe; e papaʻu ma mamate alāvai o le Naila i Aikupito.+ E pala foʻi ū+ ma vao ʻutuʻutu.  O le a mamago fanua i tala ane o le Vaitafe o le Naila, i le gutu o le Vaitafe o le Naila, ma laufanua uma ua totō ai mea o le Vaitafe o le Naila.+ O le a faataapeape solo ia mea ma e lē toe iai lava.  E faanoanoa le ʻaufaifaiva, ma e feoi i latou ua sasau a latou mātau i le Vaitafe o le Naila, e mou atu foʻi i latou e lafo le upega i luga o le vai.+  E māsiasi le ʻaufaigaluega e talaina filo o le laau o le lino;*+ atoa ma ē e lalagaina ʻie papaʻe. 10  E nutimomoia loto o tagata lalaga+ o Aikupito, e tigā foʻi loto o ē uma e faigaluega mo se totogi. 11  Ua vālea perenise o Soana.+ E lē talafeagai faaiʻuga a tagata atamamai o le ʻaufaufautua a Farao.+ E faapefea ona outou fai atu iā Farao: “O aʻu o le atalii o ē e atamamai, o le atalii o tupu o aso anamua”? 12  O fea la o iai i latou, o ou tagata atamamai+ ina ia latou logo atu iā te oe, pe afai latou te iloa le finagalo o Ieova o ʻau e faatatau iā Aikupito?+ 13  Ua gaoioi ma le valea perenise o Soana,+ ua ʻolegia perenise o Nafi,+ ua faasesēina Aikupito e alii sili+ o ona ituaiga. 14  Ua liligi ifo e Ieova i le atunuu o Aikupito le agaga o le lē mautonu;+ ma ua faasesēina ai Aikupito i ana galuega uma e o latou taʻitaʻi, e pei ona tautevateva le tagata onā i ana puaʻiga.+ 15  E lē toe iai lava se galuega a Aikupito, o se galuega e fai e le ulu po o le siʻusiʻu, o le tātupu po o le vao ʻutuʻutu foʻi.+ 16  O lea aso, o le a pei ai Aikupito o ni fafine, ma o le a gatete lava ma fefefe+ ona ua faalālā atu e Ieova o ʻau lona aao faasaga iā i latou.+ 17  E avea le laueleele o Iuta ma mea e fefefe ai Aikupito.+ O i latou uma o ē e taʻu atu i ai Iuta e latou te fefefe ona o le finagalo o Ieova o ʻau, o loo ia faafinagaloina faasaga iā Aikupito.+ 18  O lea aso, o le a iai aai e lima i le laueleele o Aikupito+ o loo tautatala i le gagana a Kanana+ ma tautō+ iā Ieova o ʻau. E taʻua le tasi, o le Aai o le Malaia. 19  O lea aso, o le a iai le fata faitaulaga iā Ieova i totonu o le laueleele o Aikupito,+ ma le poutū e faamamaluina ai Ieova i tala ane o lona tuaoi. 20  E fai ia mea ma faailoga ma molimau iā Ieova o ʻau i le atunuu o Aikupito;+ auā o le a latou alalaga atu iā Ieova ona o ē e faasauā mai,+ o le a auina atu foʻi e ia iā i latou se faaola, o lē ua sili, o le a laveaʻiina i latou.+ 21  E faailoaina Ieova i tagata Aikupito;+ ma o le a iloa e tagata Aikupito Ieova i lea aso, e latou te avatu taulaga ma meaalofa,+ ma e faia foʻi se tautoga iā Ieova ma faatinoina.+ 22  O le a taia lava Aikupito e Ieova.+ O le a taia e ia ma faamālōlōina;+ e latou te toe foʻi iā Ieova,+ ona ia talia lea o la latou ʻaiʻoi atu ma faamālōlō iā i latou.+ 23  O lea aso, o le a iai le auala tele+ mai i Aikupito e oo atu i Asuria, o le a ō atu ai Asuria i Aikupito, ma e ō mai ai foʻi Aikupito i Asuria; o le a latou fai ai le auaunaga, o Aikupito faatasi ma Asuria. 24  O lea aso, o le a avea ai Isaraelu ma vaega lona tolu faatasi ma Aikupito ma Asuria,+ o se faamanuiaga lea i totonu o le lalolagi,+ 25  auā o le a faamanuia e Ieova+ o ʻau i latou e faapea: “Ia manuia oʻu tagata o Aikupito, ma Asuria+ le galuega a oʻu lima, ma loʻu tofi o Isaraelu.”+

Faamatalaga Pito i Lalo

I le gagana Eperu, “O le a lē mautonu le agaga o Aikupito.”
O se laau ua totō i Aikupito e fai mai ai ofu lino.