Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 18:1-7

18  Auē, le atunuu e, ua faapepepepe ai iniseti e fai apaʻau, o loo i le vaipanoa o le vaitafe o Aitiope!+  O lē na te aauina atu avefeʻau+ i luga o le sami, e ala i vaa kome* i le fogātai, e faapea: “Inā ō atu ia outou o avefeʻau televavave i le nuu e uumi ma lamolemole o latou paʻu, i se nuu e fefefe ai nuu uma, o le nuu e mataʻutia lona malosi ma manumalo, o ē ua tafia e vaitafe o latou laueleele.”+  O outou uma o loo nonofo i le laueleele ua fua tele mai,+ ma outou o ē o loo nonofo i le lalolagi, o le a outou vaaia se mea e pei o le taimi e faatū ai se faailoilo i luga o mauga,+ o le a outou faalogo foʻi i se leo e pei o le taimi e ili ai le pū.+  Auā o le fetalaiga lenei a Ieova iā te aʻu: “Ou te nofo filemu ma vaavaai atu i loʻu nofoaga ua faamausalīina,+ e pei o le vevela tele i le taimi o le ao,+ e pei o le sau foʻi ua totō ifo i le tau vevela o le seleselega.+  Auā a o leʻi oo i le seleselega, pe a mamae le fuga, ma ua toeitiiti pula lelei le vine, e ao i se tasi ona sala ese tātupu i le pelu teu laau, ia aveese foʻi moemoe ma sala ese ia mea.+  O le a tuua faatasi i latou uma mo manulele taufeʻai o mauga, ma manu o le lalolagi.+ I le tau māfanafana, e ʻaina ai i latou e manulele taufeʻai, ma e ʻaina foʻi e isi manu uma o le lalolagi i le taimi o le seleselega.+  “O le taimi lea o le a latou aumaia ai se meaalofa iā Ieova o ʻau,+ mai i le nuu e uumi ma lamolemole o latou paʻu,+ e mai foʻi i tagata e fefefe ai nuu uma, o le nuu e mataʻutia lona malosi ma manumalo, o ē ua tafia e vaitafe o latou laueleele, e aumaia i le mea ua iai le suafa o Ieova o ʻau, o le Mauga lea o Siona.”+

Faamatalaga Pito i Lalo

Po o se pusa laʻitiiti faatafafā o le laau o le ū.