Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 17:1-14

17  O le feʻau faasaga iā Tamaseko:+ “Faauta! ua lē toe avea Tamaseko o se aai, a ua fai ma faupuʻega o fale ua faaleagaina.+  O aai o Aroeru+ ua tuulafoaʻiina ua fai ma nofoaga o lafumanu, e taooto ai ia manu ma e leai se isi e faamataʻu i ai.+  Ua lē toe iai foʻi aai malupuipuia i Efaraima,+ ma le malo i Tamaseko;+ ma o le mamalu o ē e totoe i Suria, o le a pei lava o le mamalu o le fanauga a Isaraelu,” ua fetalai mai ai Ieova o ʻau.+  “O lea aso, o le a faamaulaloina+ ai le mamalu o Iakopo, o le a oo ina paee lona tino sa puta.+  Pe a aoaoina e lē e selesele fatu le togāsaito* ma tago atu lona lima ma selesele ʻau o fatu,+ e ao ona avea o ia e pei o se tasi na te selesele ʻau o fatu i fanua laugatasi o Rafaimi.+  E tatau ona iai ni nai fua e totoe i le fanua e pei o le sasaina o le laau o le olive: pe lua pe tolu ni olive pula e totoe i le tumutumu o le lālā; pe fā pe lima i lālā e fua mai,” ua fetalai mai ai Ieova le Atua o Isaraelu.+  O lea aso, e vaai atu ai le tagata i Lē na faia o ia, ma e pulatoʻa atu ona mata i Lē e Paia o Isaraelu.+  O le a lē vaai atu o ia i fata faitaulaga,+ o galuega a ona lima;+ ma e lē pulatoʻa atu o ia i mea na faia e ona tamatamaʻilima, po o pou paia po o fata faitaulaga e mū ai mea manogi.+  O lea aso, o le a avea ai ona aai malupuipuia e pei o se nofoaga ua tuua i le vaomatua, e oo lava i le lālā laau ua latou tuulafoaʻiina ona o le fanauga a Isaraelu; e avea foʻi ma mea e faatafunaina.+ 10  Auā ua galo iā te oe*+ le Atua o lou faaolataga;+ ma ua e lē manatua le Papa+ e malupuipuia ai oe. O le mea lea ua e totōina ai faatoʻaga mananaia, ma ua e totō ai foʻi le tātupu o se tagata ese.* 11  I le ao e te faia lelei ai se pā o lou faatoʻaga, i le taeao foʻi e te faatupu ai lau fatu ia ola, ae o le a mou atu le seleselega i le aso o le faamaʻi ma le tigā e leai se togafiti.+ 12  Auē, le vāvāō o le toʻatele o tagata, o ē ua paʻō e pei o le paʻō o le sami! Ua pisapisaō foʻi nuu, o ē ua malomaloā e pei o le ū o vai tetele!+ 13  O le a malomaloā nuu+ e pei o le taalili o vai e tele. O le a Ia aʻoaʻia malosi i latou,+ ma e sosola ai i se mea mamao ae e tuliloaina e pei o aputi o saito i luga o mauga i luma o le matagi, ma e pei o vao tuitui e taavavale i le asiosio.+ 14  I le afiafipō faauta! ua oo faafuaseʻi mai le mataʻu tele. A o leʻi oo i le taeao, ua lē toe iai i latou.+ O le tofi o i latou o ē ua faoa a tatou mea, ma le vaega a i latou o ē e faasauā mai iā i tatou.+

Faamatalaga Pito i Lalo

Pe e faasino atu foʻi i le karite (barley).
I le gagana Eperu ua tusia lenei upu i le kenera (gender) fafine o lea la e faatatau atu iā Ierusalema.
Atonu “o se atua ese.”