Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 15:1-9

15  O le feʻau faasaga iā Moapi:+ Ua faatafunaina Aro+ o Moapi i le pō, ua faaumatia lava. Ua faatafunaina Kiri+ o Moapi i le pō, ua faaumatia lava.  Ua ia alu aʻe i le Malumalu ma Tipona,+ ma mea maualuluga, ina ia tagi ai. Ua tagiauē Moapi ona o Nepo+ ma Metepa.+ Ua sele mamā o latou ulu uma; ua sele+ foʻi a latou ʻava uma.  Ua latou oofu i ʻie talatala+ i luga o ona auala. Ua tagiauē tagata uma i luga o taualuga+ o fale ma nofoaga faitele, ua ō ifo ma le fetagisi.+  Ua alalaga Hesepona ma Eleale.+ Ua lagona o latou leo e oo lava i Iaesa.+ O le mea lea ua alalaga leotetele ai fitafita o Moapi. Ua matuā fefefe lava o latou loto.  Ua alaga loʻu loto ona o Moapi lava ia.+ Ua oo atu ē ua sosola i Soara+ ma Ekalata-selisa.*+ Ua taʻitoʻatasi ma alu aʻe i le aʻega o Luita+ a o tagi; i le ala foʻi o Horonaima+ ua latou alalaga ona o le mala ua tupu.  Ua avea vai o Nimara+ ma mea mātūtū. Ona ua mago le vaomuʻa, ua pē le mutia; ua leai se mea e lanu meamata.+  O le mea lea, ua latou amo ai mea ua totoe atoa ma a latou oloa ua teu ma sopoʻia le vanu o laau o le garava.  Ua oo atu le alaga i fanua atoa o Moapi.+ Ua lagona le tagiauē e oo lava i Ekilaima; ua lagona foʻi le tagiauē e oo lava i Pere-alima,  auā ua tumu vai o Timone i le toto. Ou te faaoo atili ni mea leaga iā Timone, e pei o le leona i ē e sosola o Moapi ma sao ai, i ē foʻi e totoe i le laueleele.+

Faamatalaga Pito i Lalo

Atonu e faatatau atu i se nofoaga i Moapi. Ua faaliliuina i isi Tusi Paia, “o le povi fafine e tolu tausaga.”