Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 11:1-16

11  O le a tupu mai se lālā itiiti+ i le pogati o Iese;+ o le a tupu mai foʻi se tātupu+ e fuatele mai i ona aa.+  O le a oo iā te ia le agaga o Ieova ma tumau ai,+ o le agaga o le atamai+ ma le malamalama,+ o le agaga o le fautuaga ma le mana,+ o le agaga o le poto+ ma le mataʻu iā Ieova;+  e fiafia o ia i le mataʻu iā Ieova.+ O le a lē faamasino e ia e tusa ma mea e vaai i ai ona mata, e lē aʻoaʻi atu foʻi e tusa ma mea e faalogo i ai ona taliga.+  E faamasino e ia ma le amiotonu ē ua faatauvaa,+ e aʻoaʻi atu foʻi e ia ma le amio saʻo ina ia maua aogā e tagata agamalu o i le lalolagi. O le a taia e ia le lalolagi i le tootoo o lona fofoga;+ ma o le a faaumatia e ia o ē e amioleaga i afioga* mai i lona fofoga.+  E fai le amiotonu ma fusi o ona suilapalapa,+ e fai foʻi le faamaoni ma fusi o ona puimanava.+  O le a mālōlō faatasi le luko ma le tamaʻi mamoe poʻa,+ o le a taooto faatasi le tamaʻi ʻoti ma le nameri,* e faatasi foʻi le tamaʻi povi ma le leona+ taanoa ma le manu peti;+ ma o le a taʻitaʻiina i latou e le tamaitiiti.*  E aai faatasi le povi fafine ma le pea; e taooto faatasi a laʻua fanau. E ʻai foʻi e le leona vao mamago e pei o le povi poʻa.+  O le a taalo foʻi le tama e leʻi teʻa ma le susu i le lua o le asipi;*+ e tuu atu e le tama ua teʻa ma le susu lona lima i le lua o le gata uogo.  E latou te lē faia se mea e lamatia+ ai pe faaleagaina se mea i loʻu mauga paia uma;+ auā o le a tumu le lalolagi i le poto e uiga iā Ieova e pei ona ufitia o le ilititai i le suāsami.+    10  O lea aso,+ o le a tulaʻi ai le aa o Iese+ e fai ma faailoilo mo nuu.+ E vāai atu iā te ia nuu mo se taʻitaʻiga,+ ma e matagofie lona afioaga.+ 11  O lea aso, e toe tuu faalua atu ai e Ieova lona aao+ ina ia aoaoina o ē o le a totoe o lona nuu, o ē o le a totoe mai i Asuria,+ mai i Aikupito,+ mai i Patoro,+ mai i Kuso,+ mai i Elama,+ mai i Senara,+ mai i Amato ma motu o le sami.+ 12  O le a faatūina e ia se faailoilo mo nuu ma aoaoina o ē ua faataapeapeina o Isaraelu;+ o le a ia faapotopotoina foʻi o ē ua salalau solo o Iuta mai i pito e fā o le lalolagi.+ 13  Ona mavae atu lea o le lotoleaga o Efaraima,+ ma e faaumatia i latou o ē e feita iā Iuta. E lē lotoleaga Efaraima iā Iuta pe e ita foʻi Iuta iā Efaraima.+ 14  E la te felelei atu i le tauʻau o Filisitia i le itu i sisifo;+ e la te faoa faatasi oloa a atalii o atunuu i Sasaʻe.+ O le a la faatoʻilaloina Etoma ma Moapi,+ ma e usiusitaʻi atalii o Amoni iā i laʻua.+ 15  E aveesea lava e Ieova le vaifagaloa o le sami o Aikupito,+ ma e faalālā atu lona aao i le Vaitafe+ i le aasa o lona agaga. E taia e ia le vaitafe i ona ālia e fitu, e faaui atu ai e ia tagata ia sopoʻia i o latou seevae tosotoso.+ 16  O le a iai se ala tele+ mo ē o le a totoe o lona nuu,+ o ē o le a totoe i Asuria,+ e pei lava ona sa iai se ala mo Isaraelu i le aso na latou ō mai ai, mai i le atunuu o Aikupito.

Faamatalaga Pito i Lalo

I le gagana Eperu, “le agaga o lona fofoga.”
O se manu pulepule taufeʻai e pei o se pusi lapoʻa. E taʻua i le faa-Peretania o le leopard.
I le gagana Eperu, “o le a avea le tamaitiiti ma taʻitaʻi iā i latou.”
O se ituaiga o gata uogo e maua i Asia ma Aferika.