Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 10:1-34

10  Oi talofa iā i latou ua faamamaluina faaiʻuga sauā ma i latou e tusitusia tulafono+ e faapuapuagatia ai tagata,  ina ia taofia o ē e faatauvaa mai i le faia o se mataupu faaletulafono, ma aveesea le faamasinotonu mai i ē o loo puapuagatia o loʻu nuu,+ ina ia fai ma a latou vete mea a fafine ua oti a latou tane, ma faoa mea mai i tama ua leai ni o latou tamā!+  O le ā se mea tou te faia i le aso e tauia+ ai outou ma oo mai ai le faafanoga, pe a sau mai i se mea mamao?+ O ai tou te sosola atu i ai mo se fesoasoani,+ ma o fea o le a outou tuu ai lo outou mamalu,+  auā o le mea e tupu o le a punonou nisi o outou ma pagota ma e paʻuʻū pea tagata faatasi ma ē ua fasiotia?+ Ona o nei mea uma e leʻi liliuese ai lona toʻasā, ae ua faaloaloa atu pea lona aao.+  “Vaai, o le Asuria,+ o le tootoo lea o loʻu ita,+ ma le laau foʻi o loo i lona lima e faaoo ai laʻu faasalaga!  Ou te auina atu o ia i se nuu ua fulitua*+ ma ou te avatu se faatonuga iā te ia e faasagatau i le nuu o loʻu ita tele,+ ina ia ave le vete ma faoa mea a tagata, ia faia foʻi ma mea e solia e pei o le palapala o le auala.+  E ui e lē faapena lona manatu, ae e mafai ona ia faia lenei mea; e ui e lē loto i ai i lenā mea ae na te fuafua e faia lenei mea, auā e loto+ o ia e fasiotia ma faaumatia le tele o atunuu.+  Auā e faapea ane o ia, ‘Pe e lē o avea ea foʻi perenise o ē o loo auauna iā te aʻu ma tupu?+  Pe e lē o pei ea Kaleno+ o Karekimisa?+ Pe e lē o pei ea Amato+ o Arepa?+ Pe e lē o pei ea Samaria+ o Tamaseko?+ 10  O le taimi lava e oo ai loʻu lima i malo o atua lē aogā, o ē ua tele atu o latou faatusa ua tā nai lo o Ierusalema ma Samaria,+ 11  pe e lē pei ona ou faia i Samaria ma ona atua lē aogā,+ e faapea foʻi ona ou faia i Ierusalema ma ona faatusa?’+ 12  “Pe a faauma e Ieova ana galuega uma i le Mauga o Siona ma Ierusalema, ou te faasalaina le tupu o Asuria ona o le fua o le faualuga o lona loto, ma le fia tagata o ona mata faasiasia.+ 13  Auā ua ia faapea mai, ‘O le malosi o loʻu lima o le a ou gaoioi ai,+ atoa ma loʻu atamai auā ua iā te aʻu le malamalama; ou te aveesea ai tuaoi o tagata,+ ou te faoa foʻi a latou mea ua faaputuina,+ ma e pei o se toa ou te faatoʻilaloina ē o loo nonofo ai.+ 14  E pei ona tago le lima i le faamoega, e faapea ona tago loʻu lima+ i oloa a tagata;+ e pei ona aoina e se tasi o fuāmoa ua tuulafoaʻiina, o aʻu, ou te aoina lava foʻi le lalolagi uma, ma e leai se tasi e faapepepepe ona apaʻau pe tatala lona gutu pe ʻīʻī foʻi lona leo.’ ” 15  Pe e faasilia e le toʻi o ia lava i lē o loo tātā ai, pe e faasilisilia ea e le ʻili o ia lava i lē o loo ʻiliina, e peiseaʻī ua lūlūina e le tootoo lē ua siitia i ai, e peiseaʻī ua sii i luga e le tootoo lē o loo uuina?+ 16  O le mea lea e faaoo ai pea e le Alii moni o Ieova o ʻau, le maʻi+ e tino vale ai ona* tagata puputa, ma o le a faamūina pea le mū i lalo o lona mamalu e pei o le mumū o le afi.+ 17  E avea foʻi le Malamalama+ o Isaraelu ma afi,+ e avea o Lē e Paia ma afi mumū;+ ma e ao ona aasa ma mū ai ona vao leaga ma ona vao tuitui+ i le aso e tasi. 18  O le a faaumatia aʻiaʻi e Ia le aano o le tino,+ o le mamalu o ona vaomatua ma ona togālaau, ma e mou atu e pei o le tagata maʻi.+ 19  O le a faaitiitia laau o le a totoe o lona vaomatua, ma e mafai e se tamaitiiti ona tusia le aofaʻiga.+ 20  O lea aso, o ē o le a totoe i Isaraelu+ ma i latou o le a faasaoina o le aiga o Iakopo, e latou te lē toe faalagolago i lē na taia i latou,+ ae e latou te faalagolago faamaoni atu iā Ieova, o Lē e Paia o Isaraelu.+ 21  O le a toe foʻi mai se vaega totoe, o le vaega totoe o Iakopo, i le Atua Malosi.+ 22  Isaraelu e, e ui e toʻatele lou nuu e pei o le oneone o le sami,+ ae o le a toe foʻi mai na o se vaega totoe mai iā i latou.+ O le faaumatiaga+ ua uma ona faatulagaina, o le a oo mai e pei o se lolo, ma e amiotonu foʻi,+ 23  auā o le a faaoo mai le faaumatiaga+ ma le iʻuga e lē masuia a le Alii Pule Silisili Ese o Ieova o ʻau, i le atunuu atoa.+ 24  O le mea lea, o le fetalaiga lenei a le Alii Pule Silisili Ese+ o Ieova o ʻau: “Loʻu nuu e, o ē o loo nonofo i Siona,+ aua tou te fefefe ona o le Asuria, o lē sa masani ona taia outou i le tootoo,+ ma sii i luga lana laau e faasagatau ai iā te outou e pei ona faia e Aikupito.+ 25  Auā e toeitiiti ona uma lea o le faasalaga,+ ma e uma foʻi loʻu ita pe a faaumatia i latou.+ 26  E faalālā e Ieova o ʻau le sasa faasaga iā te ia+ e pei o le faatoʻilaloina o Mitiana i le papa o Oreva;+ o lona tootoo foʻi e i luga o le sami,+ e na te sii i luga e pei ona sa ia faia iā Aikupito.+   27  “O lea aso, e sii ese ai le avega mai i lou tauʻau,+ ma lana amo mai i lou ua,+ ma o le a gausia le amo ona o le suāuu.”+ 28  Ua oo o ia i Aiata;+ ua ia ui ane foʻi i Mekerona; ma ua ia tuu ana mea i Mekemase.+ 29  Ua latou sopoʻia le asaga, ua latou mālōlō i Kepa+ i le pō, ua gatete Rama,+ ua sola Kipea+ o Saulo. 30  Inā alaga atu ia i se leo iʻī, oe le tama fafine a Kali.+ Leisa e, ia e uaʻi atu. Anatota e, o lē ua puapuagatia inā alaga atu ia!+ 31  Ua sola Matemena. Ua saʻili e ē o loo nonofo i Kipima se mea e malu ai. 32  Ua mālōlō o ia i Nove+ a o ao pea. Ua ia faalālā lona lima ina ia faamataʻu ai i le mauga o le tama fafine a Siona, o le mauga o iai Ierusalema.+ 33  Faauta! O le Alii moni o Ieova o ʻau, o loo ia tā i lalo lālā laau ma le paʻō tele;+ ua ia tātuu foʻi i ē ua tutupu maualuluga, ma ua faamaulaloina o ē e faamaualuluga.+ 34  Ua ia tā i lalo vao o le vaomatua i le auupega uʻamea, ma o le a paʻū Lepanona ona o lē e malosi.+

Faamatalaga Pito i Lalo

O i latou ua fulitua i le tapuaʻiga moni po o i le Atua.
O lona uiga “o le Asuria” lea e taʻua i le fuai e 5 ma le 24.