Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Isaia 1:1-31

1  O le faaaliga+ iā Isaia+ le atalii o Amota, lea na ia vaaia e faatatau iā Iuta ma Ierusalema i aso o Usia,+ Iotama,+ Aasa,+ ma Esekia,+ o tupu ia o Iuta:+  Le lagi e, faalogo mai ia,+ Le lalolagi e, uaʻi mai ia ou taliga, auā ua fetalai mai Ieova: “Na ou tausia ma aʻoaʻoina atalii,+ peitaʻi ua latou fouvale mai iā te aʻu.+  Ua iloa lelei e le povi poʻa lē na faatauina o ia, ua iloa foʻi e le asini le mea e fafaga ai o ia e lē e ana o ia, a ua lē iloa e Isaraelu aʻu,+ ua gaoioi e aunoa ma le poto loʻu nuu.”+  Oi talofa i le nuu agasala,+ o le nuu e agasala tele lava, o le fanau amioleaga,+ ma atalii e faatupuina mala!+ Ua latou tuulafoaʻia Ieova+ ma ua latou lē faaaloalo i Lē e Paia o Isaraelu,+ ua fulitua i latou.+  Pe e tou te fouvale mai pea ea+ ma outou atili tigāina ai?+ Ua tigā le ulu atoa ma ua vaivai foʻi le lotoatoa.+  E leai se mea ua sao e amata mai i le alofivae e oo i le ulu.+ O manuʻa, totoulia, ma poʻu, o mea ia e leʻi faamamāina, pe fusi, pe faamālūina i le suāuu.+  Ua faatafunaina lo outou laueleele,+ ua susunuina o outou aai i le afi;+ ua ʻaina+ e tagata ese+ lo outou fanua i o outou luma, ma o le faatafunaga e pei ua osofaʻia e tagata ese.+  Ua tuua le tama fafine a Siona+ e pei o se fale lauvao i le togāvine, e pei o se tamaʻi fale e leoleo ai togākukama, e pei foʻi o se aai ua siʻosiʻomia.+  Pe ana lē faatotoeina e Ieova o ʻau ni ē e totoe iā i tatou,+ semanū e pei i tatou o Sotoma, ma semanū foʻi e pei i tatou o Komoro.+ 10  Pule sauā e,+ o Sotoma,+ inā faalogo mai ia i le afioga a Ieova.+ Le nuu e, o Komoro, inā uaʻi mai ia o outou taliga i le tulafono a lo tatou Atua. 11  Ua fetalai mai Ieova: “O le ā le aogā iā te aʻu o le tele o a outou taulaga? Ua ou fiu i taulaga mū*+ o tamaʻi mamoe poʻa+ ma le gaʻo o manu pepeti;+ ou te lē fiafia+ i le toto+ o tamaʻi povi poʻa, ma tamaʻi mamoe poʻa, ma ʻoti poʻa.+ 12  A outou ō mai ina ia iloa outou i oʻu luma,+ o ai ea na faatonuina outou e faia lenei mea ma soli ai loʻu lotoā?+ 13  Aua neʻi toe aumaia ni taulaga o meaʻai e lē aogā.+ Ou te ʻinoʻino i le faamūina o mea manogi.+ Ua outou tausia masina faatoʻā vaaia+ ma sapati,+ ma ua outou usuia ni fonotaga.+ Ae ua ou lē lavā+ onosaia faiga faataulāitu atoa ma faapotopotoga paia ua outou faia. 14  Ua ʻinoʻino loʻu loto i a outou masina faatoʻā vaaia ma aso o a outou tausamiga.+ Ua pei o se avega mamafa iā te aʻu;+ ua ou lē lavā tauave.+ 15  Pe a faaloaloa mai o outou lima,+ e ʻalo ese oʻu mata mai iā te outou.+ E tusa lava pe tele ni a outou tatalo+ e fai, ou te lē faalogo+ atu lava i ai; auā ua tutumu o outou lima i le faamasaatoto.+ 16  Inā fafano ia outou;+ inā faamamā ia outou;+ ia faateʻaese a outou gaoioiga leaga mai i oʻu luma;+ ma aua le toe faia mea leaga.+ 17  Ia outou faamasani e fai mea lelei;+ ia saʻili i le mea ua tonu;+ ia faasaʻo lē ua sauā;+ ia faia ni faaiʻuga tonu mo le tamaitiiti ua leai sona tamā;+ ma ia outou finau mo le fafine ua oti lana tane.”+ 18  Ua fetalai mai Ieova: “Inā ō mai ia outou, seʻi o tatou talanoa faatasi, ina ia faaleleia la outou faiā ma aʻu.+ E ui lava ina e pei o le ʻie mūmū sesega a outou agasala, ae o le a paʻepaʻe e pei o le kiona;+ e ui foʻi e pei o le ʻie mūmū ulaula, ae o le a avea e pei o fulufulu mamoe. 19  Pe afai e tou te faalogo ma usiusitaʻi, e tou te aai i mea lelei o le laueleele.+ 20  Ae afai tou te mumusu+ ma fouvale, e faaumatia outou i le pelu; auā ua fetalai mai ai le fofoga o Ieova.”+ 21  Auē, ua avea ma talitane+ le aai+ sa faamaoni! Sa tumu o ia i le faamasinotonu;+ sa nofo ai foʻi le amiotonu,+ a ua nonofo ai nei le ʻaufasioti tagata.+ 22  O au siliva ua avea ma otaota.+ Ua sui i le vai lau pia ua faia i le saito.+ 23  Ua lotomaaa ou perenise ma ua latou ʻau ma ē e gaoi.+ Ua naunau tele i latou uma i le mauaina o foaʻi faaalatua+ ma mananaʻo i meaalofa.+ Ua latou lē faia ni faaiʻuga tonu mo le tama ua leai se tamā; ua le oo atu foʻi iā i latou le mataupu faaletulafono a le fafine ua oti lana tane.+ 24  O le mea lea ua fetalai mai ai le Alii moni o Ieova o ʻau, o Lē e Malosi o Isaraelu:+ “Faalogo mai! O le a ou maua se mapusaga i le sasaaina atu o loʻu ita i oʻu fili,+ ma o le a ou taui+ atu iā i latou ua ita mai. 25  Ou te matuā aʻoaʻia oe, ou te faamamā* ese mea leaga mai iā te oe e pei ona faamamā i le fasimoli, ma ou te aveesea au mea lē aogā uma.+ 26  Ou te toe aumaia faamasino mo oe e pei ona sa iai muamua, ma le ʻaufaufautua e pei ona iai i le amataga.+ Mulimuli ane, ona faaigoaina ai lea o oe o le Aai o le Amiotonu, o le Aai Faamaoni.+ 27  E laveaʻiina Siona i le faamasinotonu,+ ma i latou e toe foʻi i ai i le amiotonu.+ 28  Ae e oo faatasi le malaia i ē e fouvale ma ē e agasala,+ ma o i latou ua lafoaʻia Ieova, e faaumatia lava i latou.+ 29  E māsiasi i latou i laau tetelē ia na outou mananaʻo i ai,+ ma e faamāina outou ona o togālaau ua outou filifilia.+ 30  Auā o le a pei outou o se laau telē o le a mamae+ ona lau, ma e pei foʻi o se togālaau ua leai ni vai. 31  O le a pei le tagata malosi o se manoa+ e mū gofie, o lana galuega foʻi ua pei o se aloiafi; e mumū faatasi ia mea e lua, ma e leai se tasi na te tapēina.”+

Faamatalaga Pito i Lalo

O nei taulaga na faaumatia atoa i le afi.
O le “faamamā” e faasino atu i le faaliusuavaia o ni uʻamea ina ia faamamā ai.