Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iosua 5:1-15

5  Ua faalogo tupu uma o Amorī+ o ē na i le itu i sisifo o Ioritana, ma tupu uma o Kanana+ o ē o loo i tafatafa o le sami, e faapea, na faamateina e Ieova le vai o Ioritana i luma o le fanauga a Isaraelu seʻia o latou sopoʻia atu. Ona vaivai ai lea o o latou loto,+ ma ua lē toe iai se malosi* iā i latou ona o le fanauga a Isaraelu.+  O le taimi lea na fetalai mai ai Ieova iā Iosua e faapea: “Ia e faia mo oe ni naifi* ma toe peritome+ atalii o Isaraelu, o le faalua ai lea.”  Ona faia lea e Iosua o naifi mo ia ma peritome ai atalii o Isaraelu i Kipea-aralota.+  O le māfuaaga lenei na faia ai e Iosua le peritomega: auā o tagata uma na ō mai i Aikupito, o tane, o tamāloloa uma o le taua, na feoti+ i le ala i le toafa ina ua latou ō ese mai i Aikupito.  Talu ai o tagata uma na ō ese mai na peritomeina i latou, a o tagata uma na fananau i le ala i le toafa ina ua ō ese mai i Aikupito, e leʻi peritomeina i latou.  Auā na feoaʻi le fanauga a Isaraelu i le toafa i tausaga e fā sefulu,+ seʻia oo ina feoti o tane uma o le taua na ō mai i Aikupito, o ē e leʻi faalogo i le siʻufofoga o Ieova, o ē na tautō i ai Ieova o le a latou lē vaai i le nuu+ na tautō ai Ieova i o latou augātamā e foaʻiina mai iā i tatou,+ le nuu o loo tafe ai le suāsusu ma le meli.+  O o latou atalii na ia aumaia i le nuu e sui iā i latou,+ o i latou ia na peritomeina e Iosua auā e leʻi peritomeina i latou i le ala.  Ina ua uma ona peritomeina o le nuu uma, ona latou nonofo ai lea i le togālauapi seʻia toe malolosi.+  Ona fetalai mai lea o Ieova iā Iosua: “O le aso nei ua ou aveesea ai le luma o Aikupito mai iā te outou.”+ O le mea lea na faaigoa ai lenei nofoaga o Kilikala,+ e oo mai i aso nei. 10  Ua tolauapi pea le fanauga a Isaraelu i Kilikala, ma ua latou faia foʻi le paseka i le afiafipō o le aso lona sefulu fā o le masina,+ i fanua laugatasi o Ieriko. 11  I le aso ina ua mavae le paseka, na amata ai ona latou aai i fua o le laueleele, o le aso lava lea na aai ai i falaoa e lē faafefeteina+ ma saito* tao. 12  Na lē toe iai le manai i le aso na sosoo ai ina ua latou aai mai i fua o le laueleele, e leʻi toe maua foʻi le manai mo le fanauga a Isaraelu,+ a ua latou aai i fua o le laueleele o le nuu o Kanana i lenā tausaga.+ 13  Ua oo Iosua i Ieriko, ona ia tepa aʻe lea ma iloa atu, o loo tū mai se tagata+ i ona luma o loo uu lana pelu i lona lima.+ Ona savali atu lea o Iosua iā te ia ma faapea atu: “Pe e te ʻau ma i matou po o matou fili?” 14  Ona ia tali mai lea: “E leai, ae ua ou sau, o aʻu o le perenise o le ʻautau a Ieova.”+ Ona faapaʻū faō lea o Iosua i le eleele, ua ifo+ ma faapea atu iā te ia: “O le ā le fetalaiga a loʻu alii i lana auauna?” 15  Ona faapea mai lea o le perenise o le ʻautau a Ieova iā Iosua: “Ia toese ou seevae mai i ou vae, auā e paia le mea o loo e tū ai.” Ona faia loa lea faapea e Iosua.+

Faamatalaga Pito i Lalo

Po o le “agaga.”
I le gagana Eperu, o le “naifi e faia i le maa.”
Po o le karite, e faasino atu i se laau ʻaina e pei o le sana, sa ola i nuu o loo taʻua i le Tusi Paia lea na faaaogā e fai ai le falaoa.