Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iosua 3:1-17

3  Ona tulaʻi lea o Iosua ma le fanauga uma a Isaraelu i le taeaopō, ua ō ese mai i Setima+ ma ō atu agaʻi i le vaitafe o Ioritana; ma momoe ai i inā i le pō ae latou te leʻi sopoʻia atu.  Ua mavae aso e tolu+ ia na ō atu ai alii+ i totonu o le togālauapi  ma poloaʻi atu i le nuu e faapea: “A outou vaaia loa le atolaau o le feagaiga a Ieova lo outou Atua, ma ositaulaga o le ituaiga o Levi o ave le atolaau,+ ona outou ō ese mai lea i mea o loo outou nonofo ai ma mulimuli atu i ai,  tau lava ia iai se va e va aʻi outou ma le atolaau, pe tusa e lua afe kupita pe a fua;+ aua neʻi faalatalata atu foʻi i ai, ina ia iloa ai le ala e tou te ui ai, auā tou te leʻi uia muamua lenā ala.”  Ona fai atu lea o Iosua i le nuu: “Inā faapaia+ ia outou, auā o taeao e faia ai e Ieova o mea ofoofogia i o outou luma.”+  Ona fai atu lea o Iosua i ositaulaga: “Ia outou ave le atolaau o le feagaiga+ ma muamua atu i luma o le nuu.” Ona latou ave lea o le atolaau o le feagaiga ma ō atu i luma o le nuu.  Ua fetalai mai foʻi Ieova iā Iosua: “E amata atu i le aso nei ona ou faamamaluina oe i luma o Isaraelu+ uma, ina ia o latou iloa ai, e pei lava ona ou faatasi ma Mose,+ e faapea foʻi ona ou faatasi ma oe.+  A o oe, ia e poloaʻi+ atu i ositaulaga o loo aveina le atolaau o le feagaiga, e faapea, ‘Pe a outou oo atu i le auvai o le vaitafe o Ioritana, ona outou tutū+ ai lea i inā.’ ”  Ona fai atu lea o Iosua i le fanauga a Isaraelu: “Inā sōsō mai ia i inei ma faalogologo mai i afioga a Ieova lo outou Atua.” 10  Ona faapea atu lea o Iosua: “O le mea lenei e tou te iloa ai ua iā te outou+ le Atua soifua, ma o le a ia tuliesea mai i o outou luma o le ʻau Kanana, ʻau Hetī, ʻau Hivī, ʻau Perisē, ʻau Kirekasē, ʻau Amorī, ma le ʻau Iepusē.+ 11  Faauta! Ua muamua atu i o outou luma le atolaau o le feagaiga a le Alii o le lalolagi uma i le vaitafe o Ioritana. 12  O lenei, ia outou ave ni tamāloloa se toʻasefulu lua mai i ituaiga o Isaraelu, e taʻitoʻatasi mai i le ituaiga.+ 13  O le taimi lava e papaʻi ai alofivae o ositaulaga o loo aveina le atolaau a Ieova le Alii o le lalolagi uma i vai o Ioritana, ona vaeluaina ai lea o le vaitafe o Ioritana, o vai e tafe ifo mai i luga, e tū foʻi le vai e pei o se mea maupuʻepuʻe.”+ 14  Ona ō ese lea o le nuu mai i o latou faleʻie a o leʻi sopoʻia atu le vaitafe o Ioritana, faatasi ma ositaulaga o loo aveina le atolaau+ o le feagaiga i luma o le nuu, 15  ma ina ua oo atu i latou o loo aveina le Atolaau i le vai o Ioritana, ua fufui vae o ositaulaga o loo aveina le Atolaau i le auvai (a o lea o loo lofia auvai+ o le vaitafe i aso uma o le seleselega), 16  ona tū ai lea o le vai o loo tafe ifo mai i luga. Ua tupu aʻe e pei o se mea maupuʻepuʻe+ e oo atu lava i le aai o Atamu, o loo i le itu o Saretana,+ a ua mamate vai o loo tafe agaʻi i le sami o le Arapa, o le Sami Oona+ lea. Ua vaeluaina, ma ua ui atu le nuu i luma o Ieriko. 17  Ona tutū ai lea ua lē toe gaoioi ositaulaga o loo aveina le atolaau a Ieova, i le ilitivai* mātūtū+ i le ogatotonu o Ioritana, a o savavali atu Isaraelu uma i le ilitivai mātūtū,+ seʻia sopoʻia Ioritana e le nuu atoa.

Faamatalaga Pito i Lalo

O le uiga o le upu “ilitivai,” o le eleele i lalo ifo o le vai.