Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iosua 23:1-16

23  Ua mavae aso e tele talu ona avatu e Ieova iā Isaraelu le mapusaga+ mai i o latou fili uma i itu uma, ua toeaina Iosua ma ua afu lona soifua,+  ona valaau atu lea o Iosua iā Isaraelu uma,+ o ona toeaina, o ulu o o latou aiga, o ona faamasino, ma ona alii,+ ma ua faapea atu o ia iā i latou: “Ua ou toeaina ma ua ou matua foʻi.  A o outou, ua outou vāai i mea uma na faia e Ieova lo outou Atua i nei nuu uma ona o outou,+ auā o Ieova lo outou Atua, o lē na tau mo outou.+  Silasila foʻi, ua ou tofia+ atu iā te outou nuu uma nei o totoe, e fai ma tofi o o outou ituaiga, ma nuu uma na ou faaumatia+ e amata mai i Ioritana, e oo atu i le Sami Tele i le mea e goto i ai le lā.+  O Ieova lo outou Atua na ia teena i latou i o outou luma,+ ma ia tuliesea i latou ona o outou, ma fai mo outou lo latou laueleele, e pei lava ona folafola mai e Ieova lo outou Atua iā te outou.+  “Ia outou matuā lototetele+ e tausi ma faia mea uma ua tusia i le tusi+ o le tulafono a Mose, ia lē liliuese mai ai i le itu taumatau po o le itu tauagavale,+  ia aua lava neʻi outou ō atu i nei nuu+ o loo totoe pea iā te outou. Aua neʻi outou taʻua igoa o o latou atua+ pe tautō i ai,+ aua foʻi neʻi outou auauna pe ifo i ai.+  Ae ia outou pipii+ atu iā Ieova lo outou Atua, e pei ona outou faia e oo mai i le aso nei.  E tuliesea foʻi e Ieova o nuu tetele ma malolosi mai i o outou luma.+ (A o outou, e leai foʻi se tasi e tū atu i o outou luma e oo mai lava i le aso nei.)+ 10  E na o le toʻatasi o outou e tulia le toʻaafe,+ auā o Ieova lo outou Atua o loo tau mo outou,+ e pei lava ona ia folafola atu iā te outou.+ 11  Ia outou matuā faaeteete+ ina ia outou alolofa iā Ieova lo outou Atua.+ 12  “Ae afai e tou te toe foʻi i tua+ ma outou pipii i ē o loo totoe o nei nuu,+ o i latou ia o ē o loo totoe iā te outou, ma outou faaipoipo+ atu i o latou atalii ma afafine, ma ō atu iā i latou, ma ō mai foʻi i latou iā te outou, 13  ia outou iloa lelei, e lē toe tuliesea e Ieova lo outou Atua nei nuu ona o outou;+ ae fai i latou ma mailei ma matāsele iā te outou, ma sasa i o outou tua,+ e fai foʻi ma mea matuitui i o outou mata seʻia faaumatia outou mai i lenei laueleele lelei, na foaʻiina atu e Ieova lo outou Atua iā te outou.+ 14  “Faauta! O le a ou oti,*+ ae ua outou iloa lelei ma o outou lotoatoa, ma o outou tagata atoa, e leʻi iʻuvale se upu e tasi i upu lelei uma na fetalai mai ai Ieova lo outou Atua iā te outou. Ua faataunuuina uma iā te outou. E leʻi iʻuvale se tasi o na upu.+ 15  O lenei, e pei ona taunuu o upu lelei uma na fetalai mai ai Ieova lo outou Atua iā te outou,+ e faapea foʻi ona faaoo mai e Ieova iā te outou o mala uma, seʻia faaumatia e ia o outou mai i lenei laueleele lelei, lea na foaʻiina atu e Ieova lo outou Atua iā te outou,+ 16  auā ua outou solia le feagaiga a Ieova lo outou Atua na ia poloaʻi mai ai iā te outou, ma ua outou ō atu ma auauna i isi atua ma ifo i ai.+ O le mea lea, e matuā toʻasā ai Ieova iā te outou,+ ma vave ona faaumatia outou mai i le nuu lelei na ia foaʻiina atu iā te outou.”+

Faamatalaga Pito i Lalo

I le gagana Eperu, “o le a ou alu i le aso nei i le ala o le lalolagi uma.”