Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iosua 22:1-34

22  Ona valaau atu lea o Iosua i le ituaiga o Reupena, ma le ituaiga o Kato, ma le ʻafa o le ituaiga o Manase+  ua faapea atu iā i latou: “Ua outou tausia mea uma na poloaʻi atu ai Mose le auauna a Ieova iā te outou,+ ma ua outou usiusitaʻi foʻi i mea uma na ou poloaʻi atu ai iā te outou.+  Tou te leʻi tuua o outou uso i nei aso e tele+ e oo mai i le aso nei, ma ua outou tausia poloaʻiga a Ieova lo outou Atua.+  O lea la, ua avatu e Ieova lo outou Atua le mapusaga i o outou uso, e pei lava ona ia folafola atu iā i latou.+ O lenei, inā toe foʻi atu ia i o outou faleʻie i le nuu ua fai ma o outou tofi, lea na avatu e Mose le auauna a Ieova iā te outou i le isi itu o Ioritana.+  Tau ina ia outou matuā faaeteete e tausia le poloaʻiga+ ma le tulafono na poloaʻi atu ai Mose le auauna a Ieova iā te outou, tou te alolofa iā Ieova lo outou Atua,+ ma savavali i ona ala uma,+ ma tausia ana poloaʻiga,+ ma pipii iā te ia,+ ma auauna+ iā te ia ma o outou lotoatoa+ ma le tagata atoa.”+  Ona faamanuia+ lea o i latou e Iosua, ma aauina atu i latou ina ia ō i o latou faleʻie.  Na foaʻi atu e Mose i le ʻafa o le ituaiga o Manase se tofi i Vasana,+ a o le isi ʻafa na foaʻi i ai e Iosua se tofi faatasi ma o latou uso i le itu i sisifo o Ioritana.+ Ona faamanuia foʻi lea o i latou e Iosua, ma aauina atu i latou e ō i o latou faleʻie.  Ua ia faapea atu iā i latou: “Inā toe foʻi ia i o outou faleʻie, ma le tele o ʻoa, ma lafumanu e tele, faatasi ai ma siliva, ma auro, ma ʻapamemea, ma uʻamea, ma ofu e matuā tele lava.+ Inā ave ia o mea o le vete+ mai i o outou fili ma tufatufa atu i o outou uso.”  Ua mavae lenā, ona toe foʻi lea ma ō ese atu le fanauga a Reupena, o le fanauga a Kato, ma le ʻafa o le ituaiga o Manase, mai i le isi fanauga a Isaraelu mai i Sailo i le nuu o Kanana, e ō atu i le laueleele o Kiliata,+ i le nuu o lo latou tofi lea na latou nonofo ai e tusa ai o le faatonuga a Ieova e ala mai iā Mose.+ 10  Ina ua latou oo i vaipanoa o Ioritana o loo i le nuu o Kanana, ona fausia lea i inā e le fanauga a Reupena, ma le fanauga a Kato, ma le ʻafa o le ituaiga o Manase, o se fata faitaulaga e latalata i Ioritana, o se fata faitaulaga+ telē e iloagofie. 11  Mulimuli ane, ua faalogo+ isi o le fanauga a Isaraelu i le tala e faapea: “Faauta! Ua fausia e le fanauga a Reupena, ma le fanauga a Kato, ma le ʻafa o le ituaiga o Manase o se fata faitaulaga i luma o le nuu o Kanana i le itu o Ioritana i le itu a le fanauga a Isaraelu.” 12  Ina ua faalogo le fanauga a Isaraelu, ona faapotopoto ai lea o le faapotopotoga atoa o le fanauga a Isaraelu+ i Sailo,+ e ō atu e siitaua iā i latou.+ 13  Ona auina+ atu lea e le fanauga a Isaraelu o Fineaso+ le atalii o Eleasaro le ositaulaga i le fanauga a Reupena, ma le fanauga a Kato, ma le ʻafa o le ituaiga o Manase, 14  ma taʻitaʻi e toʻasefulu faatasi ma ia, e taʻitoʻatasi le taʻitaʻi mai i aiga taʻitasi o o latou tamā o ituaiga uma o Isaraelu, ma o i latou o ulu o aiga o o latou tamā mai i le faitau afe o Isaraelu.+ 15  Ua oo atu i latou i le fanauga a Reupena, ma le fanauga a Kato, ma le ʻafa o le ituaiga o Manase i le nuu o Kiliata ma faapea atu iā i latou:+ 16  “O le mea lenei ua fai mai ai le faapotopotoga uma a Ieova,+ ‘Aiseā ua outou lē faamaoni+ ai i le Atua o Isaraelu, ina ua outou liliuese+ i le aso nei mai i le mulimuli atu iā Ieova, ma outou fausia mo outou se fata faitaulaga+ e tou te fouvale ai iā Ieova i le aso nei? 17  Po ua faatauvaa ea iā i tatou le mea sesē na faia i Peoro,+ lea e leʻi faamamāina ai i tatou e oo mai i lenei aso, e ui ina oo le mala i le faapotopotoga a Ieova?+ 18  Po ua outou mananaʻo ea e liliuese mai i le mulimuli atu iā Ieova? Afai tou te fouvale iā Ieova i le asō, e oo mai lava taeao le toʻasā o Ieova i le faapotopotoga atoa o Isaraelu.+ 19  O lenei, afai e lē o mamā+ le laueleele o lo outou tofi, ia outou sopoʻia atu le laueleele o le tofi o Ieova+ lea o loo iai+ le faleʻie paia o Ieova, ma nonofo ai faatasi ma i matou; ae aua neʻi outou fouvale iā Ieova, aua foʻi neʻi tou faia se mea matou te fouvale ai, i lo outou fausia o se fata faitaulaga mo outou, e faaopoopo atu i le fata faitaulaga a Ieova lo tatou Atua.+ 20  Pe e lē o Akana+ ea le atalii o Sera lea na lē faamaoni i mea e tatau ona faaumatia, ma pe e leʻi oo mai ai ea le toʻasā i le faapotopotoga uma o Isaraelu?+ E lē na o ia na fano ai i le mea sesē na ia faia.’ ”+ 21  Ona tali+ mai lea o le fanauga a Reupena, ma le fanauga a Kato, ma le ʻafa o le ituaiga o Manase, ma faapea mai i ulu o le taʻitoʻaafe o Isaraelu:+ 22  “O Lē e malosi,+ o le Atua,+ o Ieova, o Lē e malosi, o le Atua, o Ieova,+ o loo silafia+ lava e ia, e iloa foʻi e Isaraelu.+ Afai ua matou fouvale+ ma ua matou lē faamaoni iā Ieova,+ aua neʻi faaolaina i matou i le asō. 23  Afai na matou fausia mo i matou se fata faitaulaga e liliuese ai mai i le mulimuli atu iā Ieova, afai foʻi na matou ofoina atu ai taulaga mū ma taulaga i meaʻai,+ ma afai foʻi na matou faia ai taulaga faifaatasi, e tauia lava e Ieova;+ 24  ae na matou faia lenei mea auā na matou popole neʻi iai se aso e faapea mai ai a outou fanau i a matou fanau: ʻ “Pe e iai ea sa outou faiā ma Ieova le Atua o Isaraelu? 25  O loo iai se tuaoi na tuuina e Ieova i le va o i matou ma outou le fanauga a Reupena, ma le fanauga a Kato, o Ioritana lea. E leai sa outou aiā iā Ieova.”+ E taofia ai foʻi e a outou fanau a matou fanau mai i le matataʻu iā Ieova.’+ 26  “Ona matou faapea ane lea, ‘Ia tatou fausia le fata faitaulaga mo i tatou, e lē faia ai ni taulaga mū po o se isi taulaga, 27  ae e avea o se molimau i le va o i matou+ ma outou, ma o tatou tupulaga e mulimuli mai, e tatou te faia ai le auaunaga i luma o Ieova ma a tatou taulaga mū, o isi taulaga, ma taulaga faifaatasi,+ ina neʻi iai se aso e faapea mai ai a outou fanau i a matou fanau: “E tou te lē maua se tofi mai iā Ieova.” ’ 28  Ona matou fai atu lea, ‘Ina neʻi latou fai mai iā i tatou ma o tatou tupulaga e mulimuli mai, ona tatou fai atu lea: “Tagaʻi i le faatusa lenei o le fata faitaulaga a Ieova na faia e o matou tamā, e lē ina ia faia ai taulaga mū po o se isi taulaga, ae ina ia avea ma molimau i le va o i matou ma outou.” ’ 29  Ia mamao iā i matou ona fouvale ma le loto i ai iā Ieova, ma liliuese i le aso nei mai i le mulimuli atu iā Ieova,+ e ala i le faia o se fata faitaulaga mo taulaga mū, o taulaga i meaʻai, ma isi taulaga, e ese mai i le fata faitaulaga a Ieova lo tatou Atua lea o loo i luma o lona faleʻie paia!”+ 30  O lea ina ua faalogo Fineaso+ le ositaulaga, o taʻitaʻi o le faapotopotoga,+ ma ulu o le faitau afe o Isaraelu o ē na faatasi ma ia, i upu na fai atu ai le fanauga a Reupena, o le fanauga a Kato, ma le fanauga a Manase, ua lelei ia iā i latou. 31  Ona fai atu lea o Fineaso le atalii o Eleasaro le ositaulaga i le fanauga a Reupena, i le fanauga a Kato, ma le fanauga a Manase: “Ua tatou iloa i le aso nei o loo faatasi Ieova ma i tatou,+ auā ua outou lē fouvale iā Ieova i le faia o lenei mea lē faamaoni. O lenei, ua outou laveaʻiina le fanauga a Isaraelu mai i le aao o Ieova.”+ 32  Ona toe foʻi+ lea o Fineaso le atalii o Eleasaro le ositaulaga ma taʻitaʻi, mai i le fanauga a Reupena, ma le fanauga a Kato i le nuu o Kiliata, ma ō atu i le nuu o Kanana i le isi fanauga a Isaraelu ma taʻu atu le tala iā i latou.+ 33  Ua lelei le tala i le fanauga a Isaraelu; ma ua vivii atu le fanauga a Isaraelu i le Atua,+ e latou te leʻi talanoa foʻi e ō atu e siitaua iā i latou e fano ai le nuu lea na nonofo ai le fanauga a Reupena ma le fanauga a Kato. 34  Ona faaigoa lea e le fanauga a Reupena ma le fanauga a Kato o le fata faitaulaga, auā “ua avea ma molimau iā i tatou e faapea o Ieova o le Atua moni ia.”+

Faamatalaga Pito i Lalo