Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iosua 21:1-45

21  Ona ō mai lea o ulu o aiga o sa Levī iā Eleasaro+ le ositaulaga, ma Iosua+ le atalii o Nuno, ma ulu o aiga o ituaiga o le fanauga a Isaraelu,  ua latou fai atu iā i latou i Sailo+ i le nuu o Kanana e faapea: “Na poloaʻi mai Ieova e ala mai iā Mose ina ia tuuina mai iā i matou o aai e nonofo ai, ma o latou fanua e aai ai a matou lafumanu.”+  Ona foaʻi atu lea e le fanauga a Isaraelu i le ituaiga o sa Levī,+ o nei aai ma fanua e aai ai lafumanu mai i lo latou tofi,+ e pei ona faatonu mai e Ieova.  Ua maua i le vili le tofi o aiga o Koato,+ ma e sefulu tolu aai na fai ma tofi ua maua e le fanauga a Arona le ositaulaga, o le ituaiga o sa Levī, mai i le ituaiga o Iuta,+ o le ituaiga o Simeona,+ ma le ituaiga o Peniamina.+  O atalii foʻi o Koato+ o ē na totoe ai i inā, na latou maua le tofi o aai e sefulu mai i aiga o le ituaiga o Efaraima,+ o le ituaiga o Tanu,+ ma le ʻafa o le ituaiga o Manase.+  A o le fanauga a Keresona,+ na latou maua le tofi o aai e sefulu tolu mai i aiga o le ituaiga o Isakara,+ o le ituaiga o Asera,+ o le ituaiga o Nafatali,+ ma le ʻafa o le ituaiga o Manase i Vasana.+  A ua maua e le fanau a Merari+ e tusa ma o latou aiga, o aai e sefulu lua mai i le ituaiga o Reupena,+ o le ituaiga o Kato,+ ma le ituaiga o Sepulona.+  O lea la, ua tuuina atu e le fanauga a Isaraelu i le ituaiga o sa Levī, o nei aai ma o latou fanua e aai ai a latou lafumanu+ e fai ma tofi,+ e pei ona poloaʻi mai ai Ieova e ala iā Mose.+  Ua latou tuuina atu nei aai mai i ituaiga o le fanauga a Iuta, ma le ituaiga o le fanauga a Simeona e tusa ma o latou igoa,+ 10  ua fai nei aai mo le fanauga a Arona mai i aiga o Koato, o le fanauga a Levi, auā na latou maua le tofi muamua.+ 11  Ona latou tuuina atu lea iā i latou o Kiriata-arapa+ (lea na taʻua o Arapa, le tamā o Anaki)+ o Heperona+ lea, i le vaega maugā o Iuta+ ma ona fanua uma e aai ai lafumanu; 12  a o fanua o le aai ma nuu e nonofo ai, ua latou tuuina atu iā Kalepo le atalii o Iefune e fai ma ona tofi.+ 13  A ua latou avatu i le fanauga a Arona le ositaulaga le aai o sulufaʻiga+ mo lē e fasioti tagata,+ o Heperona+ lea, ma ona fanua e aai ai lafumanu, o Lipena+ ma ona fanua e aai ai lafumanu, 14  o Iatira+ ma ona fanua e aai ai lafumanu, o Esetemoa+ ma ona fanua e aai ai lafumanu, 15  o Horona+ ma ona fanua e aai ai lafumanu, o Tiperi+ ma ona fanua e aai ai lafumanu, 16  o Aino+ ma ona fanua e aai ai lafumanu, o Iutaa+ ma ona fanua e aai ai lafumanu, ma Petesemesa+ ma ona fanua e aai ai lafumanu; o aai ia e iva mai i nei ituaiga e lua. 17  E mai i le ituaiga o Peniamina, o Kipeona+ ma ona fanua e aai ai lafumanu, o Kepa+ ma ona fanua e aai ai lafumanu, 18  o Anatota+ ma ona fanua e aai ai lafumanu, ma Alemoni+ ma ona fanua e aai ai lafumanu; o aai ia e fā. 19  O aai uma o le fanauga a Arona+ le ʻauositaulaga, e sefulu tolu aai ma o latou fanua e aai ai lafumanu.+ 20  Ua maua e aiga o atalii o Koato, o le ituaiga o sa Levī o ē na totoe ai o atalii o Koato, lo latou tofi o aai mai i le ituaiga o Efaraima.+ 21  Ua latou avatu iā i latou Sekema+ le aai o sulufaʻiga+ mo lē e fasioti tagata,+ ma ona fanua e aai ai lafumanu+ i le vaega maugā o Efaraima, o Kasera+ ma ona fanua e aai ai lafumanu, 22  o Kipesaima+ ma ona fanua e aai ai lafumanu, ma Peteorana+ ma ona fanua e aai ai lafumanu; o aai ia e fā. 23  E mai i le ituaiga o Tanu o Eliteka ma ona fanua e aai ai lafumanu, o Kipetonu+ ma ona fanua e aai ai lafumanu, 24  o Ailona+ ma ona fanua e aai ai lafumanu, ma Katarimoni+ ma ona fanua e aai ai lafumanu; o aai ia e fā. 25  E mai i le ʻafa o le ituaiga o Manase, o Tanaka+ ma ona fanua e aai ai lafumanu, ma Katarimoni ma ona fanua e aai ai lafumanu; o aai ia e lua. 26  O aai uma ma o latou fanua e aai ai lafumanu o aiga o le fanauga a Koato o ē na totoe, e sefulu ia. 27  A o le fanauga a Keresona+ o aiga o sa Levī, na latou maua mai i le ʻafa o le ituaiga o Manase+ le aai o sulufaʻiga mo lē e fasioti tagata, o Koleni+ lea i Vasana ma ona fanua e aai ai lafumanu, ma Peseteri+ ma ona fanua e aai ai lafumanu; o aai ia e lua. 28  E mai i le ituaiga o Isakara+ o Kiseona+ ma ona fanua e aai ai lafumanu, o Taparata+ ma ona fanua e aai ai lafumanu, 29  o Iaremuta+ ma ona fanua e aai ai lafumanu, ma Enekanima+ ma ona fanua e aai ai lafumanu; o aai ia e fā. 30  E mai i le ituaiga o Asera+ o Meseala+ ma ona fanua e aai ai lafumanu, o Apetonu+ ma ona fanua e aai ai lafumanu, 31  o Helekata+ ma ona fanua e aai ai lafumanu, ma Reopa+ ma ona fanua e aai ai lafumanu; o aai ia e fā. 32  E mai i le ituaiga o Nafatali+ o le aai o sulufaʻiga+ mo lē e fasioti tagata,+ o Ketesa+ lea i Kalilaia ma ona fanua e aai ai lafumanu, o Amatatoro+ ma ona fanua e aai ai lafumanu, ma Karetana ma ona fanua e aai ai lafumanu; o aai ia e tolu. 33  O aai uma o le ituaiga o Keresona e tusa ma o latou aiga, e sefulu tolu ia aai ma o latou fanua e aai ai lafumanu. 34  Na maua e aiga o le fanauga a Merari,+ o sa Levī o ē na totoe ai, mai i le ituaiga o Sepulona,+ o Iokeneama+ ma ona fanua e aai ai lafumanu, o Karata ma ona fanua e aai ai lafumanu, 35  o Timena+ ma ona fanua e aai ai lafumanu, ma Naalali+ ma ona fanua e aai ai lafumanu; o aai ia e fā. 36  E mai i le ituaiga o Reupena,+ o Peseri+ ma ona fanua e aai ai lafumanu, o Iaesa+ ma ona fanua e aai ai lafumanu, 37  o Katemoti+ ma ona fanua e aai ai lafumanu, ma Mefata+ ma ona fanua e aai ai lafumanu; o aai ia e fā. 38  E mai i le ituaiga o Kato,+ o le aai o sulufaʻiga mo lē e fasioti tagata, o Ramota i Kiliata+ lea, ma ona fanua e aai ai lafumanu, o Maanaima+ ma ona fanua e aai ai lafumanu, 39  o Hesepona+ ma ona fanua e aai ai lafumanu, ma Iasaru+ ma ona fanua e aai ai lafumanu; o aai uma ia e fā. 40  O aai uma na maua e le fanauga a Merari+ e tusa ma o latou aiga, o ē na totoe ai mai i aiga o sa Levī, o o latou tofi ia, o aai e sefulu lua. 41  O aai uma o sa Levī i totonu o le tofi o le fanauga a Isaraelu, e fā sefulu ma le valu aai+ ma o latou fanua e aai ai lafumanu.+ 42  O nei aai uma sa tofu ma ona fanua e aai ai lafumanu e faataamilo ai, e pei foʻi o isi aai uma.+ 43  Ona tuuina atu lea e Ieova iā Isaraelu o le laueleele uma na ia tautō ai e avatu i o latou augātamā,+ ona fai lea ma o latou tofi+ ma nonofo ai. 44  Ua tuuina atu foʻi e Ieova iā i latou le mapusaga+ i itu uma, e tusa ai ma mea uma na ia tautō+ ai i o latou augātamā, ma e leai foʻi se tasi o o latou fili uma e tū atu i o latou luma.+ Ua tuuina atu e Ieova o latou fili uma i o latou lima.+ 45  E leai se folafolaga e leʻi taunuu o folafolaga lelei uma na faia e Ieova i le aiga o Isaraelu; na taunuu uma lava.+

Faamatalaga Pito i Lalo