Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iosua 2:1-24

2  Ona aauina faalilolilo atu lea e Iosua le atalii o Nuno mai i Setima+ ni tamāloloa se toʻalua o ni sipai, ma faapea atu: “Inā ō ia oulua ma vaavaai solo i le laueleele, faapea ma Ieriko.” Ona la ō ai lea ma taunuu atu i le fale o se fafine talitane e igoa iā Raava,+ ua la nonofo ai i inā.  Mulimuli ane, ona taʻu atu lea i le tupu o Ieriko: “Faauta! Na ō mai i le pō nei ni tamāloloa mai i le fanauga a Isaraelu e vaavaai solo i le laueleele.”  Ona avatu lea o le feʻau a le tupu o Ieriko iā Raava, e faapea: “Ia aumai i fafo tamāloloa na ō atu iā te oe i lou fale, auā na ō mai i laʻua ina ia vaavaai solo i le laueleele uma.”+  Ua ave e le fafine o tamāloloa e toʻalua ma faalafi iā i laʻua. Ona ia faapea atu lea: “Ioe, na ō mai tamāloloa iā te aʻu, ae ou te lē iloa po o fea e ō mai ai.  A ua oo ina o le a tapuni le faitotoʻa o le pā+ ina ua pogisa, ona ō ai lea i fafo o tamāloloa. Ou te lē iloa po o fea ua ō i ai i laʻua. Ia vave ona outou tuliloa iā i laʻua, auā e tou te maua atu lava.”  Ae ua ia ave i laʻua i le taualuga o lona fale,+ ma tanumaʻi i laʻua i lālā laau o lino na ia fola ai i luga o le fale.  Ona tuliloa lea e tagata mai i le tupu o i laʻua agaʻi atu i asaga+ o le vaitafe o Ioritana, ona latou tapuni loa lea o le faitotoʻa o le pā ina ua ō i latou o ē na tuliloaina i laʻua.  A o leʻi taooto i laʻua, ua alu ane le fafine iā i laʻua i le taualuga o le fale.  Ona faapea atu lea o ia i tamāloloa: “Ua ou iloa e foaʻi atu lava e Ieova iā te outou le laueleele+ lenei, ma ua matou matataʻu foʻi ona o outou,+ ua vaivai foʻi loto o i latou uma o loo nonofo i le laueleele ona o outou.+ 10  Auā ua matou faalogo na faapaʻumātū e Ieova vai o le Sami Ulaula i o outou luma, ina ua outou ō ese mai i Aikupito,+ ma mea na outou faia i tupu e toʻalua o tagata Amorī o Sekono+ ma Oko,+ o ē sa i le isi itu o le vaitafe o Ioritana, na outou faaumatia i laʻua.+ 11  Ina ua matou faalogo i lea mea, ona vaivai+ ai lea o o matou loto, ua lē toe iai foʻi se malosi* i se tasi ona o outou,+ auā o Ieova lo outou Atua, o le Atua o le lagi i lugā ma le lalolagi i lalo nei.+ 12  O lea, faamolemole ia oulua tautō mai iā te aʻu iā Ieova,+ auā ua ou alofa faamaoni atu iā te oulua, ia oulua alolofa faamaoni mai foʻi i le aiga o loʻu tamā,+ ma faailoa mai iā te aʻu se faailoga maufaatuatuaina.+ 13  Ia outou faasao i loʻu tamā,+ o loʻu tinā, o oʻu tuagane, oʻu uso, ma ē uma ua iā i latou, ia laveaʻi foʻi iā i matou mai i le oti.”+ 14  Ona faapea mai lea o tamāloloa iā te ia: “O o maʻua ola e sui ai outou!+ Afai tou te lē taʻuina atu la maʻua nei mataupu, a oo ina foaʻiina mai e Ieova iā i matou le laueleele, e matou te alolofa faamaoni ma faatuatuaina foʻi oe.”+ 15  Ona ia tuu ifo lea o i laʻua i se maea i le faamalama, auā o lona fale sa i le isi itu o le pā, ma sa nofo o ia i luga o le pā.+ 16  Ona ia faapea atu lea iā i laʻua: “Inā ō atu ia i vaega maugā, ina neʻi oulua fetaiaʻi ma ē o loo tuliloaina oulua; ia lalafi ai foʻi i inā mo aso e tolu, seʻia toe foʻi mai le tuliloaga, ona oulua ō ai lea i lo oulua ala.” 17  Ona fai mai lea o tamāloloa iā te ia: “E mamā i maʻua mai i le nofosala i lenei tautoga ua e faatautō+ ai i maʻua. 18  Faauta! O le a matou ō mai i le laueleele. Ia e nonoa lenei maea mūmū sesega i le faamalama na e tuu ifo ai i maʻua, ma ia e faapotopoto foʻi lou tamā, o lou tinā, o ou tuagane, ma tagata uma o le aiga o lou tamā i le fale.+ 19  A o se tasi e alu i fafo mai i le faitotoʻa o lou fale,+ e i luga o lona ulu lona lava toto, ma e taʻumamāina ai i maʻua; ma o se tasi e nonofo pea ma oe i le fale, e i luga o o ma ulu lona toto pe afai e oo se mea leaga iā te ia. 20  Afai e te taʻuina atu la maʻua nei mataupu,+ e taʻumamāina foʻi i maʻua i le tautoga na e faatautō ai i maʻua.” 21  Ua fai atu o ia: “Ia faia e tusa ma a oulua upu.” Ona ia aauina ese atu lea o i laʻua i lo la ala. Mulimuli ane, ona ia nonoa ai lea o le maea mūmū sesega i le faamalama. 22  Ona la ō ai lea ua oo atu i le vaega maugā, ua nonofo ai pea i inā mo aso e tolu, seʻia oo ina toe foʻi ē na tuliloaina i laʻua. Ua saʻili e ē na tuliloaina i laʻua i ala uma, ae e latou te leʻi mauaina. 23  Ona toe ō ifo ai lea o tamāloloa e toʻalua mai i le vaega maugā, ma sopoʻia le vaitafe ma ō atu iā Iosua le atalii o Nuno, ona la faamatala atu lea iā te ia o mea uma na tutupu iā i laʻua. 24  Ona la faapea atu lea iā Iosua: “Ua tuuina mai e Ieova le laueleele uma i o tatou lima.+ O le mea lea ua vaivai ai loto o tagata o le nuu ona o i tatou.”+

Faamatalaga Pito i Lalo

I le gagana Eperu, o le “agaga.”