Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Iosua 18:1-28

18  Ona faapotopoto ai lea o le faapotopotoga uma o le fanauga a Isaraelu i Sailo,+ ma latou faatū ai le faleʻie o le feiloaʻiga i inā,+ auā ua uma ona faatoʻilaloina le laueleele.+  Ae na totoe pea i le fanauga a Isaraelu i latou e leʻi iai ni tofi, o ituaiga ia e fitu.  Ona faapea atu lea o Iosua i le fanauga a Isaraelu: “O le ā ea le umi tou te faatuai ai ona ō atu e fai mo outou le laueleele,+ ua tuuina atu iā te outou e Ieova le Atua o o outou augātamā?+  Ia tofia mo outou ni tane e taʻitoʻatolu mai i le ituaiga ina ia ou aauina atu i latou, e latou te ō atu ma feoaʻi solo i le laueleele, ma tusia e tusa ma o latou tofi, ona latou ō mai ai lea iā te aʻu.+  Ia latou vaevaeina le laueleele iā i latou i vaega e fitu.+ E tumau Iuta i lona laueleele i le itu i saute,+ ma e tumau foʻi le aiga o Iosefa i lo latou laueleele i le itu i mātū.+  A o outou, ia outou tusia le laueleele i vaega e fitu, ma aumai iā te aʻu, ou te faia le vili+ mo outou i luma o Ieova lo tatou Atua.  A o sa Levī, e leai so latou tofi iā te outou,+ auā o ositaulaga iā Ieova o lo latou tofi+ lea; ua maua foʻi e Kato ma Reupena+ ma le ʻafa o le ituaiga o Manase+ o latou tofi i le isi itu o Ioritana e agaʻi i sasaʻe, lea na tuuina atu e Mose le auauna a Ieova iā i latou.”+  Ona tutū lea i luga o tamāloloa o le a ō, ma na poloaʻi+ atu Iosua iā i latou o le a ō atu e tusia le laueleele, e faapea: “Inā ō atu ia ma feoaʻi solo i le laueleele, ma tusia ma toe foʻi mai iā te aʻu, ma o i inei ou te faia ai le vili+ mo outou i luma o Ieova i Sailo.”+  Ona ō atu lea o tamāloloa ma ui atu i le laueleele, ma tusia+ i le tusi ona aai i vaega e fitu. Ua latou toe foʻi mai iā Iosua i le togālauapi i Sailo, 10  ona faia lea e Iosua o le vili mo i latou i luma o Ieova+ i Sailo. Ona vaevaeina lea i inā e Iosua o le laueleele mo le fanauga a Isaraelu e tusa ma o latou tofi.+ 11  Ona maua lea i le vili+ e le ituaiga o le fanauga a Peniamina+ e tusa ma o latou aiga, ua ui atu foʻi le laueleele o lo latou tofi i le va o le fanauga a Iuta+ ma le fanauga a Iosefa.+ 12  O lo latou tuaoi sa i le tulimanu i mātū e amata mai i Ioritana, ona alu aʻe lea o le tuaoi i le malifa o Ieriko+ i le itu i mātū ma alu aʻe i le mauga i le itu i sisifo, ma na gata mai i le toafa o Petavene.+ 13  Ua ui atu le tuaoi mai i inā i Lusa,+ i le malifa i saute o Lusa, o Peteli+ lea; ona alu ifo lea o le tuaoi i Atarota-atara+ i le mauga i le itu i saute i Peteorana i Lalo.+ 14  Na faailoga le tuaoi ma faataamilo i le itu i sisifo e oo atu i le itu i saute mai i le mauga e faafesagaʻi ma Peteorana i le itu i saute; ma e gata mai i Kiriata-paala, o Kiriata-iarima+ lea, o se aai o le fanauga a Iuta. O le itu i sisifo lea. 15  O le itu i saute na amata mai i le faatausiʻusiʻuga o Kiriata-iarima, ma na alu atu le tuaoi i le itu i sisifo ma alu atu i vaipuna o Nafatoa.+ 16  Ua alu ifo le tuaoi i le faatausiʻusiʻuga o le mauga o loo fesagaʻi ma le vanu o le atalii o Hinoma,+ lea e i le fanua laugatasi o Rafaimi+ i le itu i mātū, ma alu ifo ai i le vanu o Hinoma, ma oo atu ai i le malifa o Iepusē+ i le itu i saute ma alu ifo ai i Enerokelu.+ 17  Na faailoga i le itu i mātū ma alu atu i Enesemesa ma alu atu foʻi i Kelilota, lea e i luma o le aʻega o Atumema;+ ma alu ifo i le maa+ o Poana+ le atalii o Reupena. 18  Ona ui atu lea i le malifa i le itu i mātū i luma o le Arapa, ma alu ifo ai i le Arapa. 19  Ua ui atu le tuaoi e oo i le malifa i le itu i mātū o Peteokelu,+ ma e gata mai le tuaoi i le itu i mātū o le vaifagaloa o le Sami Oona,+ i le faatausiʻusiʻuga i saute o Ioritana. O le tuaoi lea i le itu i saute. 20  Ua avea Ioritana ma lona tuaoi i le itu i sasaʻe. O le tofi lea o le fanauga a Peniamina e tusa ai ma o latou aiga, i ona tuaoi uma. 21  O aai nei o le ituaiga o le fanauga a Peniamina e tusa ma o latou aiga, o Ieriko,+ o Peteokelu, o Emete-kisesa, 22  o Petearapa,+ o Semaraima, o Peteli,+ 23  o Gavi, o Para, o Ofira,+ 24  o Kifa-amoni, o Ofini, ma Kepa;+ e sefulu lua aai ma nuu e latou te nonofo ai. 25  O Kipeona,+ o Rama, o Perota, 26  o Mesepa,+ o Kafira,+ o Mosaa, 27  o Rekima, o Irefelu, o Taralu, 28  o Siela,+ o Elifa, o Iepusē, o Ierusalema+ lea, o Kipea,+ ma Kiriata; e sefulu fā aai ma nuu e latou te nonofo ai. O le tofi lea o le fanauga a Peniamina e tusa ma o latou aiga.+

Faamatalaga Pito i Lalo