Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iosua 16:1-10

16  Ua maua e le fanauga a Iosefa+ le tofi+ e amata mai i Ioritana+ i Ieriko, e oo atu i vai i le itu i sasaʻe o Ieriko, e alu aʻe mai i le toafa i Ieriko, e oo atu i vaega maugā o Peteli.+  E alu atu mai i Peteli lea e latalata i Lusa,+ ma ui atu i le tuaoi o tagata Araki+ i Atarota,  e alu ifo i le itu i sisifo i le tuaoi o tagata Iafeleti, e oo atu i le tuaoi i le pito i lalo o Peteorana+ ma Kasera,+ ma e gata mai i le sami.+  Na maua foʻi e le fanauga a Iosefa+ o Manase ma Efaraima+ o lo latou tofi i le laueleele.+  O le tuaoi o le fanauga a Efaraima e tusa ma o latou aiga, o le tuaoi lea o lo latou tofi e agaʻi atu i le itu i sasaʻe, o Atarota-atara+ lea, e oo atu i le pito i luga o Peteorana;+  e oo atu le tuaoi i le sami. O Mekemeta+ sa i le itu i mātū, e faataamilo le tuaoi i le itu i sasaʻe e oo atu i Taana-sailo, ma ui atu i le itu i sasaʻe i Ianoka.  Ona alu ifo lea mai i Ianoka e oo i Atarota ma Naara, ma oo atu i Ieriko+ ma alu atu ai i Ioritana.  Ua alu atu le tuaoi mai i Tapua+ i le itu i sisifo i le ālia o Kana,+ ma e gata mai i le sami.+ O le tofi lea o le ituaiga o le fanauga a Efaraima e tusa ma o latou aiga.  O aai+ ua vavaeeseina o le fanauga a Efaraima e i totonu o le tofi o le fanauga a Manase, o aai uma ma nuu e latou te nonofo ai. 10  E latou te leʻi tuliesea tagata Kanana+ o ē na nonofo i Kasera,+ ae sa nonofo ai pea tagata Kanana faatasi ma Efaraima e oo mai i aso nei,+ ma na faapologaina i latou i galuega mamafa.+

Faamatalaga Pito i Lalo