Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iosua 14:1-15

14  O laueleele nei na ave e le fanauga a Isaraelu e fai ma o latou tofi i le nuu o Kanana,+ ia na avatu e Eleasaro le ositaulaga, o Iosua le atalii o Nuno, ma ulu o aiga o le fanauga a Isaraelu e fai ma o latou tofi.+  Ua fai o latou tofi i le vili,*+ e pei ona poloaʻi mai ai Ieova e ala iā Mose mo ituaiga e iva, ma le ʻafa o le ituaiga.+  Na avatu e Mose le tofi o isi ituaiga e lua, ma le isi ʻafa o le ituaiga i le isi itu o Ioritana;+ e na te leʻi tuuina atu foʻi se tofi i le fanauga a Levi faatasi ma i latou.+  Auā e lua ituaiga+ o le fanauga a Iosefa, o Manase+ ma Efaraima,+ e latou te leʻi tuuina atu se vaega o le laueleele i le ituaiga o sa Levī, e na o aai+ e nonofo ai ma fanua e aai ai a latou lafumanu, ma a latou meatotino.+  E pei ona poloaʻi mai ai o Ieova iā Mose, ua faapena lava ona faia e le fanauga a Isaraelu; ona latou vaevaeina lea o le laueleele.  Ona ō mai lea o le fanauga a Iuta iā Iosua i Kilikala,+ ma Kalepo+ le atalii o Iefune le Kinasa,+ ua faapea mai iā te ia: “Ua e iloa lelei le fetalaiga+ a Ieova iā Mose le tagata o le Atua moni,+ e faatatau iā te oe ma aʻu i Katesapanea.+  E fā sefulu oʻu tausaga ina ua auina atu aʻu e Mose le auauna a Ieova mai i Katesapanea e ō atu faalilolilo e mataʻi le nuu,+ ma na ou toe foʻi mai ma tala mai le tala e tusa ma mea na i loʻu loto.+  A o oʻu uso na matou ō faatasi, ua latou faavaivaia loto o tagata;+ a o aʻu, na ou matuā mulimuli iā Ieova loʻu Atua.+  Ona tautō lea o Mose i lenā aso, e faapea, ‘O le laueleele na soli e ou vae,+ o le a fai ma ou tofi ma lau fanau i aso uma lava, auā ua e matuā mulimuli iā Ieova loʻu Atua.’+ 10  A o lenei ua faaolaina+ mai aʻu e Ieova e pei ona ia folafola+ mai, ua fā sefulu lima nei tausaga talu ona folafola mai e Ieova iā Mose a o feoaʻi Isaraelu i le toafa,+ ma o lenei ua valu sefulu lima oʻu tausaga. 11  O loo tumau pea loʻu malosi e pei lava o le aso na auina atu ai aʻu e Mose.+ E pei o loʻu malosi i lenā taimi, ua faapea foʻi loʻu malosi e tau ai i le taimi nei, e alu atu ma toe sau.+ 12  Inā aumai ia iā te aʻu o lenei vaega maugā lea na folafola mai e Ieova i lenā aso,+ auā na e faalogo i lenā aso o loo iai tagata Anakima+ i inā ma aai tetele e malupuipuia.+ E faapea foʻi ona faatasi Ieova iā te aʻu,+ ma ou te tuliesea foʻi i latou, e pei ona folafola mai e Ieova.”+ 13  Ona faamanuia atu lea o Iosua iā te ia, ma tuuina atu Heperona iā Kalepo le atalii o Iefune e fai ma ona tofi.+ 14  O le mea lenā ua avea ai Heperona ma tofi o Kalepo le atalii o Iefune, le tagata Kinasa e oo mai i aso nei, auā na ia matuā mulimuli iā Ieova le Atua o Isaraelu.+ 15  O le igoa muamua o Heperona o Kiriata-arapa+ (na taʻua o Arapa,+ le tagata sili i tagata Anakima). Ua lē toe iai ni taua i le laueleele.+

Faamatalaga Pito i Lalo

O se laueleele ua fuaina ma maua e ala i le faia o le vili.