Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iosua 11:1-23

11  Ina ua faalogo Iapino le tupu o Hasora i lenei mea, ona alu atu lea o lana feʻau iā Iopapa le tupu o Matona,+ faapea le tupu o Semarona, ma le tupu o Akasafa,+  ma i tupu sa i le itu i mātū o vaega maugā, i le toafa i le itu i saute o Kinereta,+ i vaipanoa o Sefila,+ ma vaega maugā o Toro+ i le itu i sisifo,  o tagata Kanana+ i le itu i sasaʻe ma sisifo, o tagata Amorī,+ o tagata Hetī,+ o tagata Perisē,+ o tagata Iepusē+ i vaega maugā, ma tagata Hivī+ i le auvae mauga o Heremoni+ i le nuu o Mesepa.+  Ona latou ō atu lea, ma a latou ʻautau uma faatasi ma i latou, o tagata e matuā toʻatele lava e pei o le oneone o le matafaga,+ ma solofanua e matuā tele+ lava ma kariota o le taua.  Ona faapotopoto lea o nei tupu uma e pei ona fuafuaina, ua ō atu ma tolauapi faatasi i le vai o Meroma, e siitaua atu ai iā Isaraelu.+  Ona fetalai mai lea o Ieova iā Iosua: “Aua e te fefe ona o i latou,+ auā o taeao i le taimi faapenei, ou te tuu atu ai i latou uma ua fasiotia iā Isaraelu. Ia e selei uaua o vae i tua o a latou solofanua,+ ma e susunu i a latou kariota i le afi.”+  Ona osofaʻia faafuaseʻi lea e Iosua ma tagata uma o le taua o faatasi ma ia, o i latou i le vai o Meroma.  Ona tuuina atu lea e Ieova o i latou i lima o Isaraelu,+ ua latou fasia ma tuliloa iā i latou e oo i le aai toʻatele o Saitonu+ ma Meserefomaima,+ ma le vanu o Mesepa+ i le itu i sasaʻe; ma fasiotia pea i latou, ma e leai se tasi na faatotoeina.+  Ona faia lea e Iosua iā i latou e pei ona fetalai mai ai Ieova iā te ia: ua ia selei uaua o vae i tua o a latou solofanua,+ ma susunu i a latou kariota i le afi.+ 10  E lē gata i lea, ua toe foʻi Iosua i lenā taimi+ ma faatoʻilaloina Hasora;+ na ia fasiotia foʻi lona tupu i le pelu,+ auā o Hasora na avea muamua ma faauluuluga o nei malo uma. 11  Ua latou ō atu ma fasiotia tagata uma na iai i le pelu, ua faaumatia+ i latou. E leai se mea e iai le ola na totoe,+ na ia susunu Hasora i le afi. 12  Ua faatoʻilaloina e Iosua o aai uma o nei tupu ma puʻea o latou tupu, ma fasiotia i latou i le pelu.+ Ua ia faaumatia+ i latou, e pei ona poloaʻi+ mai ai Mose le auauna a Ieova. 13  E na o aai na tutū i luga o mea maupuʻepuʻe e leʻi susunuina e Isaraelu, ae na o Hasora lava na susunu e Iosua. 14  Ua ave foʻi e le fanauga a Isaraelu mo i latou o le vete uma mai i nei aai ma manu lalata.+ E na o tagata na latou fasiotia i le pelu seʻia faaumatia uma i latou.+ E leai se tasi na latou faatotoeina.+ 15  E pei ona poloaʻi mai o Ieova i lana auauna o Mose, ua faapea ona poloaʻi mai ai o Mose iā Iosua,+ ma na faia faapea e Iosua. E leʻi tuua e ia se upu o upu uma na poloaʻi mai ai Ieova iā Mose.+ 16  Ua maua e Iosua o lenei laueleele uma, o le vaega maugā, o vaipanoa uma o Nekepi,+ o le laueleele uma o Kosena,+ o vaipanoa o Sefila+ ma Arapa,+ ma le vaega maugā o Isaraelu ma lona nuu maulalo,+ 17  e amata mai i le Mauga o Kalaka,+ ma alu aʻe ai i Seira,+ ma oo atu i Paalakato+ i le vanu o Lepanona i le auvae mauga o le Mauga o Heremoni,+ ua ia puʻea o latou tupu uma ma taia i latou, ma fasiotia foʻi i latou.+ 18  E tele aso na tau ai Iosua ma nei tupu uma. 19  O le mea moni, e leai se aai na faia se leleiga ma le fanauga a Isaraelu, e na o tagata Hivī+ o loo nonofo i Kipeona.+ A o isi uma aai na latou maua i le taua.+ 20  Auā na tuu e Ieova o latou loto e faamaaa+ e ō mai ai e siitaua iā Isaraelu, ina ia faaumatia ai i latou, ina ia lē alofagia+ ai i latou ae ia faaumatia ai, e pei ona poloaʻi mai ai Ieova iā Mose.+ 21  Ona alu atu ai lea o Iosua i lenā aso ma faaumatia tagata Anakima+ mai i vaega maugā, mai i Heperona, mai i Tiperi, mai i Anapa,+ mai i vaega maugā uma o Iuta, ma vaega maugā uma o Isaraelu.+ Na faaumatia foʻi e Iosua o latou aai.+ 22  E leai se tagata Anakima na totoe i le nuu o le fanauga a Isaraelu. E na o Kasa,+ o Kata,+ ma Asetota+ na totoe ai.+ 23  Ua maua e Iosua le laueleele uma e tusa ma mea uma na folafola e Ieova iā Mose,+ ona avatu ai lea e Iosua iā Isaraelu, e fai ma o latou tofi e tusa ma mea ua vaevaeina iā i latou ma o latou ituaiga.+ Ua lē toe iai foʻi ni taua i le laueleele.+

Faamatalaga Pito i Lalo