Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iopu 6:1-30

6  Ona tali atu lea o Iopu ua faapea atu:   “E! pe ana fuatia uma oʻu tigā,+ Ma latou fuaina i le fua faatautau mea leaga ua oo iā te aʻu.   Auā ua sili atu lona mamafa i lo o oneone o le sami. O le mea lenā ua soonafai ai aʻu upu.+   Auā ua ati mai iā te aʻu o aū fanafana a Lē e ona le malosi uma lava,+ O le mea oona o iai e inumia e loʻu agaga;+ Ua faasaga mai iā te aʻu mea mataʻutia mai i le Atua.+   Pe e tagi ea le solofanua tusitusi+ ona o le vao, Po o le povi poʻa i lana meaʻai?   Pe e ʻaina ea meaʻai e leai se tofo e aunoa ma le masima, Pe e iai ea se tofo i le niu o le fuāmoa?   E lē mafai lava ona ou tago i se mea o na mea. Ua pei ia mea o ni meaʻai ua leaga.   E! pe ana talia laʻu talosaga, Ma foaʻi mai e le Atua le mea o oʻu faamoemoe i ai.   Ae ia finagalo le Atua e tuʻimomomoina aʻu, E na te aveese foʻi lona aao ma vavaeeseina aʻu!+ 10  Ae e avea pea lea ma faamāfanafanaga iā te aʻu; Ma ou te matuā olioli+ i loʻu tigā tele, Auā ou te leʻi natia afioga+ a Lē e Paia,+ e ui e lē alofa mutimutivale mai o ia. 11  O le ā ea loʻu malosi ou te saga faatalitali ai?+ O le ā foʻi loʻu iʻuga e faaumiumi ai pea loʻu ola? 12  Pe e pei loʻu malosi o le malosi o maa? Pe e pei foʻi loʻu tino o le ʻapamemea? 13  Po ona ua leai ea soʻu fesoasoani, Ma po ua mou atu ea aʻu galuega lelei? 14  O se tasi e lē faaalia le alofa faamaoni i lona lava uso,+ Ua tuua e ia le mataʻu i Lē e ona le malosi uma lava.+ 15  Ua faaʻoleʻole oʻu lava uso+ e pei o le ālia i le tau mālūlū, E pei foʻi o alāvai o ālia e tafe ese atu pea. 16  Ua sua palapalā ona o le aisa, Ua ufitia i latou i le kiona. 17  Ua leai ni vai i lona lava tau,+ ua mamate i latou; Pe a vevela le tau ona mamate ai lea i le mea sa iai.+ 18  Ua liliuese o latou ala; Ua latou ō atu foʻi i le mea e gaogao ma fano ai i latou. 19  Ua vaavaai atu le ʻaumalaga a Tema,+ Ua faatalitali foʻi mo i latou le ʻaumalaga a Seepa.+ 20  Ua māsiasi i latou auā na latou faatuatua i ai; Ua latou oo mai foʻi i le nofoaga ma ua latou faanoanoa ai.+ 21  Ua leai so outou aogā;+ Ua outou iloa le mataʻu, ma ua outou fefefe ai.+ 22  Po ona ua ou fai atu ea, ‘Aumai se mea iā te aʻu, Po o se meaalofa mai i a outou oloa e sui ai aʻu; 23  Ma laveaʻi aʻu mai i lima o le fili,+ Ma togiolaina foʻi aʻu mai i lima o pule sauā’?+ 24  Inā aʻoaʻo mai ia iā te aʻu, ae o le a ou filemu;+ Ia faamalamalama+ mai foʻi iā te aʻu le mea sesē ua ou faia. 25  E lē tigā+ upu e tonu! Ae o le ā se aogā o a outou aʻoaʻiga?+ 26  Po ua outou faufau ina ia aʻoaʻia ai aʻu upu, Ina ua tusa ma le matagi+ upu a lē ua leai sona faamoemoe?+ 27  Tou te faia lava le vili ma faatau atu ai lē e leai sona tamā,+ Ma faafesuiaʻi ai la outou aumea ma se isi mea!+ 28  A o lenei, ia uaʻi mai iā te aʻu, Ma vaai po ou te pepelo+ i o outou luma. 29  Ia outou foʻi mai, aua neʻi iai le amiolētonu, Ia outou foʻi mai, o loo iai i inā laʻu amiotonu.+ 30  Pe e iai se upu e lē tonu i loʻu laulaufaiva, Pe e lē iloa ea e loʻu gutu se mea leaga?

Faamatalaga Pito i Lalo