Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iopu 42:1-17

42  Ona tali atu lea o Iopu iā Ieova, ua faapea atu:   “Ua ou iloa e mafai ona e faia mea uma lava,+ E lē mafai foʻi ona vaoia se mea e te finagalo i ai.+   ‘O ai lenei ua ia faafenumiaʻia le fautuaga e aunoa ma le poto?’+ O lea la, sa ou tautala ae ou te leʻi malamalama Ua ofoofogia tele mea, ua ou lē iloa ai.+   ‘Faamolemole, ia faafofoga mai seʻi oʻu tautala atu. Ou te fesili atu iā te oe, ona e faailoa mai lea iā te aʻu.’+   Ua faalogo oʻu taliga e uiga iā te oe, A o lenei ua vaai atu oʻu mata iā te oe.   O le mea lea ou te toe faafoʻi mai ai aʻu upu, Ma ua ou salamō+ i le efuefu ma le lefulefu.”  Ina ua uma ona fetalai mai Ieova iā Iopu i nei upu, ona faapea ane lea o Ieova iā Elifasa le Timanu: “Ua ou matuā ita lava iā te oe ma au aumea e toʻalua,+ auā ua outou lē tautatala ma le faamaoni+ e uiga iā te aʻu, e pei o laʻu auauna o Iopu.  O lenei, ia outou ave ni povi poʻa se fitu ma ni mamoe poʻa se fitu,+ ma ō atu i laʻu auauna o Iopu,+ ma ia outou fai ai se taulaga mū mo outou; ia tatalo foʻi laʻu auauna o Iopu mo outou.+ E na o ia lava ou te talia ina neʻi oʻu faalumaina outou ona o lo outou vālea, auā ua outou lē tautatala ma le faamaoni e uiga iā te aʻu, e pei o laʻu auauna o Iopu.”+  Ona ō ane lea o Elifasa le Timanu, o Pilitati le Sua, ma Sofara le Naama, ma faia e pei ona fetalai mai ai o Ieova iā i latou; ma ua talia foʻi e Ieova le tatalo a Iopu. 10  Ona faaiʻu lea e Ieova o puapuaga o Iopu ina ua tatalo Iopu+ mo ana aumea,+ ma ua faaopoopo e Ieova o mea uma sa iā Iopu, ua faaluaina foʻi.+ 11  Ua ō mai iā te ia ona uso uma, ma ona tuafāfine, ma i latou uma na iloa muamua o ia,+ ua latou aai faatasi ma ia+ i lona fale, ua faamatalaloto iā te ia, ma faamāfanafana iā te ia ona o puapuaga uma na faataga e Ieova e oo iā te ia; ua taʻitasi foʻi i latou ma aumai iā te ia le tupe e tasi ma le mama auro e tasi. 12  A ua faamanuia e Ieova+ le iʻuga o Iopu e sili atu i lo o lona amataga,+ ua iā te ia o mamoe e sefulu fā afe, o kamela e ono afe, o povi taʻilua e afe, ma asini fafine e afe. 13  Na fanaua foʻi e ia o atalii e toʻafitu ma afafine e toʻatolu.+ 14  Ua ia faaigoa foʻi le teine matua iā Iemaima, o le igoa o le lona lua o Kesia, ma o le igoa o le lona tolu o Kerenapuka. 15  E leai foʻi ni fafine sa i le nuu atoa e lalelei e pei o afafine o Iopu, na avatu e lo latou tamā iā i latou se tofi faatasi ma o latou tuagane.+ 16  Ina ua mavae lenei mea, na faaauau ona soifua Iopu mo tausaga e selau fā sefulu,+ na vaai foʻi o ia i lana fanau ma le fanau a lana fanau,+ e fā tupulaga. 17  Ona iʻu ai lea ina maliu o Iopu ina ua toeaina lava, e tele foʻi tausaga na soifua ai o ia.+

Faamatalaga Pito i Lalo