Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Iopu 40:1-24

40  Ona tali mai lea o Ieova iā Iopu, ua faapea mai:   “Pe e tatau ea i le tagata ona vaavaai masei i Lē e ona le malosi uma lava,+ ma finau atu iā te ia?  Ia tali mai i ai o lē e na te aʻoaʻia le Atua.”+  Ona tali atu lea o Iopu iā Ieova, ua faapea atu:   “Faauta! Ua faatauvaa lava aʻu.+ O le ā ea se mea ou te tali atu ai iā te oe? Ua tuu aʻe foʻi loʻu lima i loʻu gutu.+   Ua faatasi ona ou tautala atu, ma ou te lē toe tali atu; Ua faalua foʻi, ma ou te lē faaopoopo i ai se upu.”  Ona tali mai lea o Ieova iā Iopu i le matagi malosi,+ ua faapea mai:   “Inā fusi ia lou sulugātiti, e pei o se tagata malosi;+ Ou te fesili atu iā te oe, ma ia e faailoa mai iā te aʻu.+   Pe e te faalēaogāina moni lava laʻu faamasinogatonu? Pe e te taʻuleagaina ea foʻi aʻu ina ia taʻutonuina ai oe?+   Pe e iai sou lima e pei o le aao o le Atua moni,+ Ma sou leo e pei o lona leo, e taalili e pei o le faititili?+ 10  Inā teuteu ia oe i le malosi+ ma le malualii;+ Ma ia e ofu i le mamalu+ ma le matagofie.+ 11  Inā sasaa atu ia le tele o lou ita,+ Ma iloa ai o ē uma e faamaualuluga ma faamaulaloina o ia. 12  Inā vaai atu ia i ē uma e faamaualuluga, ma ia faamaulaloina o ia,+ Ma ia solia o ē e amioleaga i mea o loo latou iai. 13  Ia natia faatasi i latou i le efuefu,+ Ia noatia foʻi i latou i le mea lilo, 14  O aʻu, o aʻu lava ou te faamālō atu iā te oe, Auā ua mafai e lou lima taumatau ona faaolaina oe. 15  O lea, o le puaa sami* lenei na ou faia, faapea foʻi ma oe. E ʻai o ia i le mutia+ e pei o le povi poʻa. 16  O lenei, o loo i ona suilapalapa lona mana, O loo i maso foʻi o lona manava lona malosi tele.+ 17  E loloʻu ifo e ia lona siʻusiʻu e pei o le arasi; E felavasaʻi foʻi uaua o ona ogāvae. 18  O ona ponaivi, o faagaʻau ʻapamemea ia; O ona ponaivi malolosi foʻi e pei o tootoo uʻamea. 19  O le amataga lea o ala o le Atua; O Lē na faia o ia+ ua ia tuu atu i ai lana pelu. 20  Auā e fua mai e mauga o latou fua mo ia,+ E taaalo ai foʻi i inā manufeʻai uma o le fanua. 21  E taoto o ia i lalo o laau tuitui, I nofoaga lilo i lalo o ū+ ma le taufusi.+ 22  E malu o ia i le paolo o laau tuitui; E siʻomia foʻi e laau o garava o le ālia. 23  Afai e tafe malosi le vaitafe, e lē sola o ia ona o le popole. E mautinoa lava e ia, e ui ina pā mai le vai o Ioritana+ iā te ia. 24  Pe e iai se tasi e na te mafai ona puʻe o ia a o vaai mai? Pe e mafai foʻi e se tasi ona tui i lona isu i ni mailei?

Faamatalaga Pito i Lalo

Po o le “pemota.”