Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iopu 39:1-30

39  “Po ua e iloa ea le taimi atofaina e fananau ai ʻoti o le mauga o loo i papa?+ Po o e mātauina pe a fananau+ mai ʻaila ma le tigā?   Pe e te faitauina ea masina e faataunuu ai, Po ua e iloa ea le taimi atofaina latou te fananau ai?   E latou te tootutuli pe a fananau a latou tama, E latou te faateʻaina foʻi o latou tigā.   E oo ina malolosi a latou tama, ma tutupu tele i le fanua; E latou te ō, e lē toe foʻi mai iā i latou.   O ai na faasaʻolotoina le solofanua tusitusi,+ Ma o ai na tatalaina noataga o le asini o le vao,   O lē na ou tofia le fanua laugatasi o le toafa e fai ma ona fale Ma le nuu oona+ e fai ma mea e tataa ai?   E ʻataʻata o ia i le vevesi o le taulaga; E lē lagona foʻi e ia le leo o le tagata taufaamataʻu.+   E fealuaʻi solo o ia i mauga mo ni ana meaʻai+ E na te saʻilia foʻi ituaiga o laau lanu meamata uma.+   Pe e fia auauna ea iā te oe le povi poʻa o le vao,+ Pe e moe ea o ia i le pō i lou fale povi? 10  Pe e te nonoa mau ea se povi poʻa o le vao i se maea i le fanua, Pe e mulimuli ea iā te oe a o ia faamalūina+ fanua laugatasi? 11  Pe e te faatuatuaina o ia ona o le tele o lona malosi, Ma pe e te tuu atu lau galuega mamafa iā te ia? 12  Pe e te faalagolago i ai e na te aumaia mea na e seleseleina Ma e na te faaputuina foʻi saito i mea e soli ai saito? 13  Po ua apatā fiafia ea apaʻau o le iaena* fafine, Pe e iai ea ni ona apaʻau ma fulufulu o le kasita?+ 14  E na te tuuina ona fua i le eleele Ma ua ia faamāfanafanaina ai i le efuefu, 15  E galo iā te ia e ono solia e tagata E ono solia foʻi e manufeʻai o le vao. 16  E na te soonafai ana tama, e peiseaʻī e lē o ni ana tama,+ E lē aogā foʻi lona tautigā, auā e leai se mea e fefe ai o ia. 17  Auā na faia o ia e le Atua ia galo le atamai, E na te leʻi avatua foʻi i ai sina malamalama.+ 18  Pe a apatā aʻe i luga ona apaʻau, E ʻataʻata o ia i le solofanua ma lē o loo tiʻetiʻe ai. 19  Pe e mafai ona e avatua i le solofanua le malosi?+ Pe e mafai ona e ufiufia lona ua i fulufulu e lelelelea? 20  Pe e mafai ea ona e faatuuoso o ia e pei o le sē akerise? O le mataʻutia o lona fogifogi e fefe ai.+ 21  Ua eli e ona vae+ le fanua ma oso atu ma le malosi; Ua alu atu o ia e faafetaiaʻi le auupega.+ 22  E ʻataʻata o ia i le fefe, e lē mataʻu foʻi o ia;+ E lē liliuese o ia i le pelu. 23  E tete le taga e tuu ai aū pe a papaʻi i lona itu, Faapea le tao ma le pelu. 24  O le patapatatū ma le fiafia ua ia folo ai le eleele, E lē talitonu o ia i le leo o le pū. 25  Pe a ili loa le pū, ua ia faapea ane, A! Ma ua sosogi e ia le taua mai i le mea mamao, O le feʻei o alii ma le alaga o le taua.+ 26  Po o lou malamalama ea ua ala ai ona lele maualuga le nesa, Ma faaloloa atu ona apaʻau i le matagi mai i saute? 27  Po o lau faatonuga ea e lele ai i luga le aeto+ Ma fausia lona faamoega i le mea maualuga,+ 28  E nofo o ia i le papa ma moe ai i le pō, I luga o le tumutumu o le papa ma le nofoaga e faigatā ona sao i ai se tasi? 29  E saʻili e ia ni meaʻai+ mai i inā; E vaavaai atu pea foʻi ona mata i le mea mamao. 30  E feinu lana toloaʻi i le toto; O le mea foʻi o iai ē ua fasiotia, e iai lava o ia.”+

Faamatalaga Pito i Lalo

O se manu e umī lona ua, e iai ona apaʻau ae e lē lele. O le upu Peretania o le ostrich.