Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iopu 36:1-33

36  Ua faapea atili mai Eliu:   “Seʻi e onosaʻi laʻitiiti mai lava iā te aʻu, ona ou faailoa atu ai lea iā te oe E iai pea upu e fai atu mo le Atua.   Ou te aumaia loʻu poto mai i le mea mamao, Ou te taʻutaʻu atu foʻi le amiotonu o Lē na faia aʻu.+   O le mea moni, e lē pepelo aʻu upu; O loo faatasi foʻi ma oe o Lē e atoatoa lona poto.+   Faauta! e malosi+ le Atua ma e na te lē teena se tagata; Ua silisili o ia i le malosi o lona finagalo;   E na te lē faaolaina so o se tasi e amioleaga,+ Ae e na te tuuina mai le faamasinogatonu mo ē ua puapuagatia.+   E lē aveesea foʻi ona fofoga mai i so o se tasi e amiotonu;+ E oo lava i tupu i o latou nofoālii,+ E na te faatumauina i latou e faavavau, ma e faaeaina foʻi i latou.   Afai e saisaitia i latou i mea e faamau ai vae,+ Ona puʻea lea o i latou i maea o puapuaga.   E na te taʻu atu iā i latou le auala e latou te gaoioi ai Ma a latou solitulafono, ona o lo latou faamaualuluga tele. 10  E na te faaoo mai apoapoaʻiga i o latou taliga,+ E na te fai atu foʻi e tatau ona latou liliuese mai i mea e tigā ai.+ 11  Afai latou te usiusitaʻi ma auauna iā te ia, Ona iʻu lelei lea o o latou aso Ma e iʻu foʻi o latou tausaga i le fiafia.+ 12  Ae afai latou te lē usiusitaʻi, e feoti+ i latou i le auupega,+ E tō foʻi a latou mānava ae e latou te lē iloa se mea. 13  O ē ua fulitua i le Atua i o latou loto, ua latou faatupuina le toʻasā.+ E lē tatau ona latou alalaga atu mo se fesoasoani auā ua ia saisaitia i latou. 14  E oti i latou a o talavou lava,+ Ma e iʻu o latou ola faatasi ma tamāloloa talitane i le malumalu.+ 15  E na te faasaoina lē ua puapuagatia i lona tigā, E na te faapogaia foʻi i latou e faalogo a o sauāina. 16  E na te faaliliueseina oe mai i le nofoaga o puapuaga!+ O le a suia ai le mea vaiti i le mea vatele,+ O faamāfanafanaga mai i lau laoai e tumu i mea lololo.+ 17  E te vaai lava i le tele o faasalaga o faamasinoga o ē e amioleaga;+ E manumalo lava faasalaga o faamasinoga ma le faamasinogatonu. 18  Ia e faaeteete ina neʻi faaosoosoina oe e patipati ma le aamu ona o lou ita tele,+ Aua foʻi neʻi taʻitaʻisesēina oe e se togiola+ tele. 19  Po ua aogā+ ea lou alaga mo se fesoasoani? E leai, e oo lava i puapuaga E faapena foʻi au taumafaiga malolosi uma.+ 20  Aua e te naunau tele i le pō, Auā o le pō e toe foʻi atu ai tagata mai i mea na latou iai. 21  Ia e leoleo iā te oe ina neʻi e liliu atu i le mea e tigā ai,+ Auā ua e filifilia lenei mea nai lo o mea tigā.+ 22  Faauta! Ua faasilisilia le Atua i lona mana; O ai ea sē e aʻoaʻo e pei o ia? 23  O ai ua ia tuuaʻia o ia i lona ala,+ Ma o ai foʻi ua faapea atu, ‘Ua e faia le amiolētonu’?+ 24  Ia manatua, ia e faasilisilia lana galuega+ Lea na pepese ai tagata.+ 25  Ua pulatoʻa i ai tagata uma lava; Ua vāai mamao atu pea i ai tagata.+ 26  Faauta! E sili atu ona maualuga le Atua i lo o le mea ua mafai ona tatou iloa;+ E lē masuʻesuʻeina foʻi le aofaʻiga o ona tausaga.+ 27  Auā ua ia ave aʻe matāua o vai;+ Ua avea ma timu ma puao, 28  Ua mauluulu mai ao,+ Ua matuā totō mai i luga o tagata. 29  O ai ea e mafai ona malamalama i faaputuga o ao, Ma le taalili mai i lona faleʻie?+ 30  Faauta! Ua ia fofola atu lona malamalama,+ Ua ia ufitia ai foʻi le ilititai. 31  O mea ia ua ia finau ai mo tagata;+ Ua ia foaʻi mai le anoanoaʻi o meaʻai.+ 32  Ua ia ufitia uila i ona aao, Ma tuu ai se poloaʻiga e faasaga i lē e fasi tagata.+ 33  O lona taalili+ ua taʻu mai ai e uiga iā te ia, O le lafumanu foʻi ua taʻu mai ai e faatatau i lē o loo alu aʻe.

Faamatalaga Pito i Lalo