Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Iopu 34:1-37

34  Ua faaauau ona tali mai Eliu, ua faapea mai:   “Inā faalogo mai ia i aʻu upu, o outou o ē e atamamai; O outou foʻi o ē e iloa mea, inā faalogo mai ia iā te aʻu.   Auā e tofotofo e le taliga o upu,+ E pei ona tofo e le gutu o meaʻai.+   Seʻi o tatou filifili ia e i tatou lava le faamasinogatonu; Ma iloa ai e i tatou lava le mea lelei.   Auā ua faapea mai Iopu, ‘E saʻo lava aʻu,+ A ua liliuese e le Atua loʻu faamasinogatonu.+   Po ou te pepelo atu ea e tusa ai ma loʻu faamasinoga? E leai se togafiti o loʻu manuʻa tugā, e ui e leai saʻu solitulafono.’+   O ai se tagata e pei o Iopu,+ O lē ua inu i tauemuga e pei o se vai?+   Ua faauō lava o ia i ē e faia mea e tigā ai Ma savavali ma tagata amioleaga.+   Auā ua fai mai o ia, ‘E lē aogā le tagata+ Pe a fiafia o ia i le Atua.’ 10  O le mea lea, inā faalogo mai ia iā te aʻu o outou o tagata mafaufau.+ E mamao lava i le Atua moni ona faia o se mea leaga,+ Ma Lē e ona le malosi uma lava ona faia o se mea e lē tonu!+ 11  Auā e na te tauia+ le tagata e tusa ma lana gaoioiga, E na te tauia foʻi le tagata e tusa ma lona ala. 12  Ioe, e moni lava e lē faia e le Atua se mea leaga,+ E lē faapiʻoina foʻi e Lē e ona le malosi uma lava le faamasinoga.+ 13  O ai na tuuina atu iā te ia le pule i le lalolagi, O ai na tofia atu iā te ia le laueleele uma lava? 14  Afai e uaʻi mai lona finagalo i se tasi, Pe afai e na te toe faafoʻisia mai le agaga ma le mānava o lenā tagata iā te ia,+ 15  O le a feoti ma mamate meaola uma, E toe foʻi atu foʻi le tagata i le efuefu.+ 16  O lea, afai ua e malamalama, inā faalogo mai ia i lenei mea; Ia faalogo mai ia i aʻu upu. 17  E pule ea se tasi e ʻinoʻino i le faamasinogatonu,+ Ma afai e amiotonu se tasi e malosi, pe e te taʻuleagaina o ia?+ 18  Pe e fai atu ea se tasi i se tupu, ‘E leai sou aogā’? Ma i tamālii foʻi, ‘O outou o ē e amioleaga’?+ 19  E iai Lē e na te lē faailogaina perenise Ma e lē sili atu lona manatu mamafa i le tamālii nai lo o le tagata faatauvaa,+ Auā o i latou uma lava o galuega a ona aao.+ 20  E feoti i latou i se taimi faafuaseʻi,+ e oo lava i le vaeluapō;+ E gatete tagata ma mavae atu, E ō ese foʻi o ē e malolosi ae e lē o se lima e avea ai.+ 21  Auā o loo silasila ona fofoga i ala o le tagata,+ E silafia foʻi e ia ona ala uma. 22  E leai se pogisa po o se pōuliuli tele Mo i latou e faia mea e tigā ai ina ia lilo ai i latou i inā.+ 23  Auā e leʻi atofaina e ia se taimi mo le tagata E alu atu ai i luma o le Atua ina ia faamasinoina ai. 24  E na te gauia o ē e malolosi+ e aunoa ma se iloiloga, E na te faatulaʻi foʻi isi nai lo o i latou.+ 25  O le mea lea, ua silafia ai e ia a latou galuega,+ Ma e na te faatoʻilaloina i latou i le pō, ona tuʻimomomoina ai lea o i latou.+ 26  Ua ia taia i latou o ē e amioleaga I le mea e vaavaai ane ai tagata;+ 27  Talu ai ua latou liliuese mai i le mulimuli atu iā te ia,+ Ua latou lē manatunatu foʻi i ona ala,+ 28  Ina ia faaoo atu iā te ia le alaga a lē e faatauvaa; Ua ia faafofoga ai i le alaga a ē ua puapuagatia.+ 29  O ai la e na te mafaia ona taʻusalaina o ia, ina ua ia faapogaia le filemu? Ma ina ua natia ona fofoga,+ o ai e na te mafaia ona vaai atu iā te ia, Pe e faia i se nuu+ pe e faia foʻi i se tagata, o le mea lava e tasi? 30  Ina ia lē pule se tagata ua fulitua i le Atua,+ Ma ia leai se mea e maileia+ ai le nuu. 31  Auā pe e fai atu ea se tasi i le Atua, ‘Ua ou puapuagatia e ui ou te lē amio faapiʻopiʻo;+ 32  E ui ou te lē iloa se mea, ia e aʻoaʻo mai iā te aʻu; Afai ua ou faia so o mea e lē tonu, Ou te lē toe faia lava’?+ 33  Pe e tauia ea e ia lea mea e tusa ma lou manatu, auā ua e teena le faamasinoga, Auā o oe na e filifilia, ae e lē o aʻu? Ua e tautala foʻi i mea ua e iloa. 34  E fai mai foʻi iā te aʻu tagata mafaufau+ E oo lava i le tagata atamai o lē e faalogo mai iā te aʻu, 35  ‘Ua tautala Iopu ma le lē iloa,+ Ua faia ana upu e aunoa ma le tofā mamao.’ 36  Loʻu tamā e, ia tofotofoina Iopu i le mea e gata mai ai Ona o ana tali atu i tagata faatigā.+ 37  Auā ua ia faaopoopoina le fouvale i lana agasala;+ Ua pati ona lima a o iai ma i tatou, ma ua faateleina foʻi ana upu e tetee atu ai i le Atua moni!”+

Faamatalaga Pito i Lalo