Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iopu 30:1-31

30  “Ua toē mai i latou iā te aʻu,+ O ē e lāiti ifo iā te aʻu,+ O ē ou te lē manaʻo e tuufaatasi o latou tamā Ma taʻifau o loo leoleoina laʻu lafu mamoe.   E oo lava i le malosi o o latou lima, o le ā le aogā iā te aʻu? Ua fano foʻi le malosi sa iā i latou.+   Ua vaivai i latou ona o le matitiva ma le fia aai, Ua latou ʻatiina le nuu naumati,+ A o ananafi, na iai le afā ma le faatafunaga.   Na latou tau mai lau o le laau masima i tafatafa o vao, Na fai foʻi le aa o le ratami ma a latou meaʻai.   Ua tuliesea i latou mai i le nuu;+ Ua tulia ma feʻei atu tagata iā i latou e pei o loo tuli i se gaoi.   Ina ia nonofo i latou i le malifa o vanu, I lua o le eleele ma papa.   E alalaga i latou mai i le vao; E faaputuputu faatasi i latou i lalo o laau tuitui.   O le fanau a lē ua valea,+ o le fanau foʻi a lē ua leai se igoa, Ua tuliesea i latou mai i le nuu.   A o lenei ua avea aʻu ma matua o la latou pese,+ Ua fai foʻi aʻu ma autū o a latou tauemuga.+ 10  Ua latou ʻinoʻino mai iā te aʻu, ua latou taumamao foʻi ma aʻu;+ E leʻi taofia lo latou feanu mai i oʻu mata.+ 11  Auā ua ia tatalaina le manoa o laʻu ʻaufana ma faamaulaloina aʻu, Ma ua latou lafoaʻia foʻi le faagutu ona o aʻu. 12  Ua tulaʻi mai tama leaga i loʻu itu taumatau; Ua latou tuu foʻi aʻu ou te alu, Ae peitaʻi, ua latou tanu se mea maupuʻepuʻe ia malaia ai aʻu.+ 13  Ua latou lepeti i lalo oʻu ala; Ua na ona latou faaopoopo mai ai o faigatā iā te aʻu,+ Ae e leai se tasi e fesoasoani iā i latou. 14  Ua latou ō mai i se avanoa lautelē; Ua latou faanatinati atu pea lava e pei o se afā. 15  Ua oo faafuaseʻi mai iā te aʻu mea mataʻutia; Ua tulia foʻi loʻu mamalu e pei o le matagi, Ua mavae atu loʻu faaolataga e pei o se ao. 16  O lenei, ua sasaa+ atu loʻu loto i totonu iā te aʻu; Ua oo mai aso o puapuaga+ iā te aʻu. 17  I le pō, e matuā tigā tele ai oʻu ivi+ ma toetoe a toʻulu ese ai, O le maʻatiʻati mai foʻi o tigā, ua lē mafai ai ona ou mālōlō.+ 18  Ona o le malosi tele o loʻu maʻi, ua suia ai foliga o loʻu ofu; Ua fusia ai aʻu e pei o le kola o loʻu ofu talaloa. 19  Ua ia ave ifo aʻu i le eleele, Ona ou faaali atu lea o aʻu e pei o le efuefu ma le lefulefu. 20  Na ou alaga atu iā te oe mo se fesoasoani, ae e te leʻi tali mai iā te aʻu;+ Na ou tū foʻi, ina ia e uaʻi mai ai iā te aʻu. 21  Ua e liua oe ma e agaleaga mai ai iā te aʻu;+ Ua e taia aʻu i lou aao malosi ona o lou ʻinoʻino mai iā te aʻu. 22  Ua e siitia aʻu i le matagi, ma ua ou tiʻetiʻe ai; Ona e faaumatia lea o aʻu i se matagi malosi. 23  Auā ua ou iloa lelei, e te toe faafoʻi mai iā te aʻu mai i le oti,+ Ma le faleʻie o le feiloaʻiga o tagata ola uma. 24  Ae peitaʻi, e leai se tasi ua aapa atu lona lima i se faaputuga o mea ua faatafunaina,+ I le taimi foʻi o ona mala, e leai se tasi e alaga atu i se fesoasoani e tusa ai o na mea. 25  E moni lava na ou tagi ona o le tagata ua puapuagatia;+ Na ōi foʻi loʻu loto ona o le tagata mativa.+ 26  E ui sa ou faatalitali i le lelei, ae peitaʻi, ua oo mai le leaga;+ Na ou faatalitali atu pea i le malamalama, ae peitaʻi, ua oo mai le pogisa. 27  Ua fegoloaʻi loʻu manava,* ma ua lē mapu; Ua feagai foʻi aʻu ma aso o le puapuaga. 28  Na ou fesavaliaʻi solo ma le faanoanoa+ ina ua lē susulu mai le lā; Na ou tulaʻi foʻi i le faapotopotoga, ma ou tagi pea mo se fesoasoani. 29  Na avea aʻu ma uso o taʻifau o le vao, Ma aumea a tama fafine a le iaena.*+ 30  Ua uliuli+ loʻu paʻu ma ua mafoʻe ese, Ua mū foʻi oʻu ivi i le vevela. 31  Ua avea laʻu kitara* ma faanoanoaga, O laʻu faaili foʻi ua pei o leo o ē o loo fetagisi.

Faamatalaga Pito i Lalo

I le gagana Eperu, “ua pupuna oʻu gaʻau.”
O se manu e umi lona ua, e iai ona apaʻau ae e lē lele. O le upu Peretania o le ostrich.
O se meafaifaaili anamua e ese mai i le kitara i aso nei. O le upu Peretania, o le harp.