Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iopu 29:1-25

29  Ua toe fai atu e Iopu ana upu, ua faapea atu:   “E! pe ana ou iai i masina i aso ua mavae,+ E pei o aso ina o leoleoina aʻu e le Atua;+   Ina ua ia faasusulu mai lona molī i luga o loʻu ulu, Ma ou savali i le pōuliuli e ala i lona malamalama;+   E pei lava ona ou iai i aso o loʻu talavou,+ A o avea le Atua ma aʻu uō māfana ma iai foʻi i loʻu faleʻie;+   A o ma faatasi ma Lē e ona le malosi uma lava i lenā taimi, Ina o siʻosiʻomia aʻu e aʻu auauna uma!   Ina ua ou fufuluina oʻu laasaga i le pata, Ma ua tafe mai pea le suāuu mo aʻu i le papa;+   Ina ua ou alu atu i le faitotoʻa e latalata i le aai,+ Ou te saunia foʻi loʻu nofoa i le nofoaga faitele!+   Na iloa mai aʻu e tama ma latou lalafi ai, E oo foʻi i toeaina, na latou tutulaʻi ma laulaututū.+   Ua lē toe tautatala perenise, Ua tuu foʻi o latou alofilima i o latou gutu.+ 10  Ua lē toe lagona leo o taʻitaʻi, Ua pipii foʻi o latou laulaufaiva i o latou gutu.+ 11  Auā ua faalogo i ai taliga ma faaamuia mai iā te aʻu, Ua vaai foʻi i ai mata ma ua fai lea ma molimau iā te aʻu. 12  Auā ou te laveaʻiina lē ua mafatia ua alaga mai mo se fesoasoani,+ Faapea foʻi le tama ua leai sona tamā, ma so o se tasi ua leai sona fesoasoani.+ 13  E oo mai iā te aʻu le faamanuia+ a lē o le a fano, Ou te faafiafia foʻi i le loto o le fafine ua oti lana tane.+ 14  Na ou ofu i le amiotonu, ma na ia faaofuina aʻu.+ Sa pei foʻi laʻu faamasinoga o se ofu talaloa, ma se pulou ʻie. 15  Na fai aʻu ma mata o lē ua tauaso;+ Ma vae o lē ua pipili. 16  Na fai aʻu ma tamā moni o ē e matitiva;+ Ma na ou iloiloina foʻi le faamasinoga o lē ou te leʻi iloa.+ 17  Ou te gauia le ivi auvae o lē e fai mea sesē,+ Ou te faoa foʻi mai i ona nifo le mea ua saeia. 18  Na ou faapea ane, ‘Ou te oti+ i loʻu faamoega, Ma e faateleina oʻu aso e pei o le oneone.+ 19  Ua sosolo atu oʻu aa i le vai,+ E toʻa foʻi le sau i oʻu lālā i le pō. 20  E fou pea loʻu mamalu iā te aʻu, Ma ou te fana atu pea lava le ʻaufana o loo i loʻu lima.’ 21  Ua latou faalogo mai iā te aʻu; ma latou faatalitali, Ua latou faalologo foʻi mo saʻu fautuaga.+ 22  E leʻi toe tautatala mai i latou ina ua uma ona fai atu o aʻu upu, Ua sinasina ifo foʻi aʻu upu i o latou luga.+ 23  Ua latou faatalitali mai iā te aʻu e pei ona faatalitali i le timu,+ Ua faamamaga foʻi o latou gutu mo le timu i le tau e totogo ai mea.+ 24  Ou te ʻataʻata atu iā i latou, ae e latou te lē talitonu ai Ua latou lē tineia foʻi le malamalama o oʻu mata.+ 25  Ua ou filifilia le ala mo i latou, ma ou nofo o sē e sili iā i latou; Sa ou nofo foʻi e pei o se tupu i totonu o ana vaegaʻau,+ E pei o lē e na te faamāfanafanaina o ē e faanoanoa.+

Faamatalaga Pito i Lalo