Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iopu 27:1-23

27  Ua toe fai atu e Iopu o ana upu,+ ua faapea atu:   “O loo soifua le Atua,+ o lē ua ia aveesea loʻu faamasinoga,+ O loo soifua foʻi Lē e ona le malosi uma lava, o lē ua ia faatigā mai iā te aʻu,+   A o iai i totonu iā te aʻu laʻu mānava, Ma iai foʻi i oʻu pogaʻiisu le agaga o le Atua,+   E lē tautala oʻu laugutu i ni upu e lē tonu E lē tautala faaʻoleʻole foʻi loʻu laulaufaiva!   Ia mamao lava iā te aʻu ona ou taʻua outou e amiotonu!+ Seʻia oo lava i loʻu oti, ou te lē aveesea loʻu faamaoni!+   Ou te taofimau i laʻu amio saʻo, ou te lē tuuesea lava;+ E lē faifai mai foʻi loʻu loto iā te aʻu i oʻu aso uma.+   O lē ua fai ma oʻu fili, ia avea o ia e pei o se tagata amioleaga,+ Ia avea foʻi o lē e tetee mai iā te aʻu, ma sē e fai mea sesē.   Auā o le ā le faamoemoe o sē ua fulitua i le Atua, pe a fasiotia e ia o ia+ Pe a aveesea e le Atua lona ola mai iā te ia?+   Pe e faafofoga ea le Atua i lana alaga Pe a oo puapuaga iā te ia?+ 10  Pe e matuā fiafia ea o ia i Lē e ona le malosi uma lava? Po o le a ia valaau atu ea i le Atua i taimi uma? 11  Ou te faatonu atu outou e ala i le aao o le Atua; Ou te lē natia+ mai i Lē e ona le malosi uma lava. 12  Faauta! Ua vaaia e outou uma lava faaaliga; Aiseā ea ua avea ai outou ma ē ua matuā vālea?+ 13  O le tofi lea o le tagata amioleaga mai i le Atua;+ O le tofi foʻi o pule sauā e latou te mauaina mai i Lē e ona le malosi uma lava. 14  Afai e toʻatele ona atalii, e fai mo i latou le pelu;+ E lē lava foʻi meaʻai a ē e tupuga mai iā te ia. 15  E tanumia o ē e sao mai iā te ia i le faamaʻi e oti ai, E lē fetagisi foʻi o latou fafine ua oti a latou tane.+ 16  Afai e na te faaputuina le siliva e pei o le efuefu, Ma ia saunia le ofu e faapei o le ʻele 17  E saunia e ia, ae e ofu ai o lē e amiotonu,+ E fai foʻi le siliva ma tofi o lē ua lē sala. 18  Ua ia faia lona fale e pei o le lelefua, E pei foʻi o le fale lauvao+ na faia e le tagata vāai. 19  E taoto le mauʻoa, ae e leai se mea e na te aoaoina mai; E pupula aʻe ona mata, a ua leai se mea.+ 20  E lofia o ia i mea mataʻutia e oo faafuaseʻi mai e pei o vai;+ E aveesea foʻi o ia i le pō e le afā. 21  E aveesea o ia e le matagi+ mai i sasaʻe, ona alu ese ai lea, Ma e lelea ese ai o ia mai i le mea na nofo ai.+ 22  E agi atu iā te ia e aunoa ma se alofa;+ E lē mafai lava ona ia sola ese mai ai i lona malosi.+ 23  E pati lima le tagata iā te ia+ Ma e tuufaaili+ atu iā te ia mai i le mea o loo nofo ai.

Faamatalaga Pito i Lalo