Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Iopu 26:1-14

26  Ona tali atu lea o Iopu, ua faapea atu:   “Maʻeu lava lou fesoasoani atu i lē ua leai se malosi! Maʻeu foʻi lou faasaoina o le lima ua vaivai!+   Maʻeu lava lou fautuaina o lē ua leai se atamai,+ Ma e faailoa mai le atamai i le toʻatele!   Po o ai o fai i ai au upu, Ma o ai foʻi na ia fai atu na upu iā te oe?   Ua gatete pea i latou ua feoti I lalo ifo o le sami ma mea uma o iai.+   Ua taatia fua mai le Tuugamau* i ona luma,+ Ua lē ufiufia foʻi le nofoaga o le faaumatiaga.   Ua ia fofola le itu i mātū i luga o le mea gaogao,+ Ma tautau le lalolagi ae e leai se mea o tautau ai;   Ua ia ofuofuina vai i ona ao,+ Ina ia lē masae ao i o latou lalo ifo;   Ua ia ufiufia lona nofoālii, Ua ia fofola ai i luga lona ao.+ 10  Ua ia tusi se faataaliʻoliʻo i le fogātai,+ I le tuaoi o le malamalama ma le pōuliuli. 11  Ua lūlūina poutū o le lagi, Ua latou taufaiofo foʻi ona o lana aʻoaʻiga. 12  O lona mana ua ia fesouaʻiina ai le sami,+ O lona malamalama foʻi na te nutililiia+ ai le meaola o le sami.+ 13  Ua ia faamatagofie le lagi i lona matagi,+ Ua ia tutui i lona aao le gata e sosolo lemū.+ 14  Faauta! O ni vaega itiiti nei o ana galuega,+ E itiiti foʻi mea ua tatou faalogo ai iā te ia! Ae peitaʻi, o ai ea e mafai ona malamalama i lona faititili malosi?”+

Faamatalaga Pito i Lalo

Tagaʻi i le Faaopoopoga e 6.