Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iopu 24:1-25

24  “Aiseā na lē atofa ai e Lē e ona le malosi uma lava se aso,+ Ma ua lē vāai ai i latou na iloa o ia i ona aso?+   E iai i latou o ē ua faafoʻi i tua pine o tuaoi;+ Ua latou faoa foʻi le lafu ina ia o latou leoleoina.   Ua latou tutuliesea asini poʻa a tamaiti ua leai ni tamā; Ua latou faoa foʻi le povi poʻa a le fafine ua oti lana tane e fai ma mea e faamau ai le aitalafu.+   Ua latou tuleiesea tagata matitiva mai i le ala;+ Ma ua lalafi foʻi o ē ua mafatia o le lalolagi i lea lava taimi.   Faauta! E pei o solofanua tusitusi+ o le toafa Ua latou ō atu i a latou galuega e saʻili mo ni meaʻai. Ua avatu foʻi e le fanua laugatasi o le toafa iā i latou taʻitoʻatasi, o meaʻai mo a latou tamaiti.   Ua latou selesele meaʻai a manu i le fanua, Ua latou faoa vave foʻi togāvine a lē e amioleaga.   Ua lē lavalavā i latou, ma ua latou momoe i le pō e aunoa ma ni ofu,+ E leai foʻi ni mea e latou te aafu ai i le mālūlū.+   Ua susū i latou i timuga mamafa o mauga, Ua pipii atu i latou i le papa ona e leai se mea e malu ai.+   Ua latou faoesea le tama ua leai se tamā mai i le susu+ o lona tinā, Ua latou ave foʻi mea a lē ua tigāina e faamau ai le aitalafu.+ 10  Ua lē lavalavā i latou, ma ua feoaʻi solo i latou e aunoa ma ni ofu, Ma ona o le fia aai, ua latou ave ai fusi saito.+ 11  Ua latou galulue pea i le aoauli i le va o pā o le togāvine; Ua latou soli foʻi i mea e soli ai vine, ae ua latou fia feinu pea.+ 12  Ua lagona atu pea lava i tua o le aai le feoi o tagata o le a feoti, E alalaga atu foʻi mo se fesoasoani o ē ua manunuʻa tigāina;+ A ua lē manatu mamafa i ai le Atua.+ 13  A o i latou, ua iai faatasi ma ē e fouvale i le malamalama;+ E latou te leʻi iloa ona ala, E leʻi nonofo foʻi i latou i ona auala. 14  E tulaʻi o lē e fasioti tagata i le ao, E na te fasiotia lē ua mafatia ma lē ua mativa;+ E avea pea o ia ma gaoi i le pō.+ 15  Ua tulimataʻi e mata o lē e mulilua+ le pogisa o le pō,+ Ma faapea ane, ‘E leai se tasi e na te iloa mai aʻu!’+ Ma ua ia ufiufi foʻi ona mata. 16  E na te osofaʻia fale i le pōuliuli; E latou te lokaina i latou lava i totonu i le ao. E latou te lē iloa le malamalama o le ao.+ 17  Ua tutusa iā i latou le taeao ma le pogisa tele,+ Auā ua iloa e i latou mea mataʻutia e vave oo mai o le pogisa tele. 18  E vave ona tafea ese atu o ia i vai. E faamalaiaina lo latou fanua i le lalolagi.+ E lē toe asiasi atu foʻi o ia i le ala o togāvine. 19  O le lāmala ma le vevela, e mitiia ai vai o le kiona; E faapea foʻi ona faia e le Tuugamau iā i latou ua agasala!+ 20  E faagaloina e le manava o ia, e mitiia lelei o ia e le ilo,+ E lē toe manatuaina o ia.+ E gau foʻi lē ua amiolētonu e pei o le laau.+ 21  E faifaimea o ia ma le fafine pā e lē fanau, E faapea foʻi le fafine ua oti lana tane,+ e na te leʻi faia i ai se mea lelei. 22  E tosina ese e le Atua tagata malolosi i lona malosi; E tulaʻi foʻi o ia ma e lē mautinoa i lona ola. 23  E tuuina atu e le Atua ina ia maufaatuatuaina o ia,+ ina ia tausia e ia o ia lava; E silasila ona fofoga i o latou ala.+ 24  Ua faaeaina i latou mo sina taimi, ona leai lea o i latou,+ Ua faamaulaloina i latou;+ ua vavaeeseina foʻi i latou e pei o isi tagata uma, Ua salaeseina foʻi i latou e pei o le tumutumu o le ʻau saito. 25  I le taimi nei la, o ai e na te taʻupepeloina aʻu Pe faalēaogāina laʻu upu?”

Faamatalaga Pito i Lalo