Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iopu 23:1-17

23  Ona tali atu lea o Iopu, ua faapea atu:   “I le aso nei, o le mea ua ou popole ai+ ona o le fouvale; Ma ua mamafa loʻu lima ona o loʻu ōi.   E, ta fia iloa lelei po o fea ou te maua ai o ia!+ Ou te alu atu ai lava i lona afioaga tumau.+   Ou te tuuina atu i ona luma ina ia iloiloina loʻu faamasinoga, Ou te faateleina foʻi aʻu upu ou te finau atu ai;   Ina ia ou iloa upu e tali mai ai o ia iā te aʻu, Ma ou te manatunatu foʻi i le mea e fetalai mai ai o ia iā te aʻu.+   Pe e finau mai ea o ia iā te aʻu i le tele o lona malosi? E leai! Ae e manatu mai lava o ia iā te aʻu.+   O i inā e faasaʻo ai e lē ua amio saʻo o mea ma ia, Ona ou alu ai lea ma le saogalemu e faavavau i lē na te faamasinoina aʻu.   Faauta! Ou te alu i sasaʻe, ae e lē o iai o ia i inā; Ua ou toe foʻi mai, ae ou te leʻi iloa ai o ia;+   Ua ou alu i le itu tauagavale i le mea o loo ia galue ai, ae ou te leʻi vaai ai iā te ia; E afe o ia i le itu taumatau, ae ou te leʻi vaai ai iā te ia. 10  Auā ua silafia lelei e ia le auala ou te ui ai.+ Ina ua uma ona ia tofotofoina o aʻu, ona faamamāina ai lea o aʻu e pei o le auro.+ 11  Ua tumau oʻu vae i ona tulaga aao; Ua ou tausisi pea i lona ala, ou te lē alu ese ai.+ 12  Ou te leʻi alu ese lava mai i poloaʻiga a ona laugutu.+ Ua ou tausia foʻi upu a lona fofoga,+ e sili atu i mea na manaʻomia mai iā te aʻu. 13  E tasi le mea o loo i lona mafaufau, o ai ea se tasi e na te mafaia ona tetee atu iā te ia?+ E iai foʻi le mea ua naunau i ai lona finagalo, ma e na te faia lava.+ 14  Auā e faataunuuina lava e ia o mea ua ia manaʻomia mai iā te aʻu,+ Ma e tele mea faapea iā te ia. 15  O le mea lea ua ou atuatuvale ai ona o ia; Ua ou manatunatu ma ua ou fefe iā te ia.+ 16  E moni lava ua faavaivaia e le Atua loʻu loto,+ Ua faaatuatuvaleina foʻi aʻu e Lē e ona le malosi uma lava.+ 17  Auā ou te leʻi magagana ona ua pōuliuli, Po ona ua ufitia oʻu mata i le pogisa.

Faamatalaga Pito i Lalo