Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Iopu 21:1-34

21  Ona tali atu lea o Iopu, ua faapea atu:   “Inā faalogologo lelei mai ia outou i laʻu upu, Ma ia avea lenei mea ma faamāfanafanaga iā te outou.   Ia faapalepale mai iā te aʻu, seʻi oʻu tautala atu; Pe a uma ona ou tautala atu, ona taʻitasi lea o outou ma faifai mai.+   A o aʻu, po ua faailoa atu ea loʻu popolega i le tagata? Pe aiseā foʻi ou te onosaʻi ai?   Ia outou vāai mai iā te aʻu ma pulatoʻa mai, Ma ia tuu o outou lima i o outou gutu.+   Pe ana fai ou te manatuaina, ou te atuatuvale ai foʻi, Ma ua gatete ai loʻu tino.   Aiseā ua ola mai ai pea o ē e amioleaga,+ Ua oo ina matutua, ma ua sili foʻi ona tele a latou oloa?+   Ua matuā faatumauina a latou fanau faatasi ma i latou i o latou luma, Ma ē e tupuga mai iā i latou a o latou vāai atu i ai.   Ua saogalemu o latou fale, e leai se mataʻu ai,+ E lē oo foʻi le faasalaga a le Atua iā i latou. 10  Ua feusuaʻi lana povi poʻa ma le povi fafine, ua tō ai ma e leʻi maʻimau ai le sua; Ua fanau lana povi+ ma e leʻi fanau lē au. 11  E latou te aauina atu pea a latou tamaiti e pei o se lafu mamoe, E taaalo foʻi a latou fanau tama. 12  Ua latou sii aʻe pea o latou leo faatasi ma topa ma kitara,+ Ma olioli pea i le leo o le faaili. 13  Na ola fiafia i latou i mea lelei,+ Ae na vave ona ō ifo i latou i le Tuugamau.* 14  Ua latou fai atu i le Atua moni, ‘Inā liliuese ia mai iā i matou!+ E matou te lē fiafia e iloa ou ala.+ 15  O ai ea Lē e ona le malosi uma lava e matou te auauna ai iā te ia,+ Ma o ā ni aogā e matou te maua pe a matou tatalo atu iā te ia?+ 16  Faauta! E lē o iai i lo latou malosi lo latou manuia.+ E mamao lava ma aʻu o faufauga a ē e amioleaga.+ 17  Ua faafia ona tineia le molī o ē e amioleaga,+ Ua faafia ona oo mai iā i latou o latou mala? Ua faafia foʻi ona ia auina mai i lona toʻasā le faaumatiaga?+ 18  Po ua avea i latou e pei o vao mamago i le matagi,+ Ma e pei foʻi o aputi o saito e lelea ese i le afā? 19  Ua faaputu e le Atua tigā o se tasi mo lana lava fanau;+ E na te tauia o ia ina ia iloa ai e ia.+ 20  E vaai ona mata i lona malaia, E inu foʻi o ia i le toʻasā tele o Lē e ona le malosi uma lava.+ 21  Auā o le ā se mea e fiafia i ai o ia i lona fale pe a mavae atu o ia, Pe a vaeluaina le aofaʻi o ona masina?+ 22  Po o le a ia aʻoaʻo atu ea le poto i le Atua,+ Ae o Ia lava lenā e faamasinoina o ē e maualuluga?+ 23  E oti o ia a o ia maua mea uma lava e na te manaʻomia,+ A o toʻafilemu ma leai ni mea e popole ai; 24  Ina ua lapopoʻa ona ogāvae Ma ua susū pea foʻi le aano o ona ivi. 25  E oti foʻi le tasi ma le lototigā Ae e leʻi ʻai o ia i se mea lelei.+ 26  E latou te taooto faatasi i le efuefu+ E liloia foʻi i laʻua i ilo.+ 27  Faauta! Ua ou iloa lelei lava o outou mafaufauga Ma faufauga e tou te faasauā mai ai iā te aʻu.+ 28  Auā ua outou fai mai, ‘O fea le fale o le tamālii, O fea foʻi le faleʻie, ma fale o ē e amioleaga?’+ 29  Pe e tou te leʻi fesili atu ea i ē e femalagaaʻi i auala? Pe e tou te leʻi iloiloina ea foʻi ma le faaeteete a latou faailoga, 30  Pe e faasaoina le tagata amioleaga i le aso o le puapuaga,+ Pe e laveaʻiina foʻi o ia i le aso o le maʻemaʻeā? 31  O ai na te faailoa atu iā te ia lona ala i ona luma?+ O ai foʻi na te tauia o ia i le mea na ia faia?+ 32  A o ia, e ave o ia i le fanuatanu,+ E iai foʻi le leoleo i le tuugamau. 33  E suamalie iā te ia eleele o le ālia,+ E taaʻina e ia o tagata uma e mulimuli atu iā te ia,+ E lē mafaitaulia foʻi i latou na muamua atu iā te ia. 34  Pagā le lē aogā o a outou taumafaiga e faamāfanafana mai iā te aʻu,+ O a outou tali mai foʻi ua tumau pea le lē faamaoni!”

Faamatalaga Pito i Lalo

Po o “Seoli.” Tagaʻi i le Faaopoopoga e 6.