Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Iopu 19:1-29

19  Ona tali atu lea o Iopu, ua faapea atu:   “O le ā ea le umi e tou te faatigā mai ai pea iā te aʻu+ Ma tuʻimomomoina ai pea aʻu i a outou upu?+   Ua faasefulu nei ona outou aʻoaʻia aʻu; E tou te lē o māsiasi ona o lo outou soonafai o aʻu.+   E moni ua ou faia le mea sesē,+ E iā te aʻu lava laʻu mea sesē.   Afai lava e moni ua outou faasausili mai iā te aʻu,+ Ma ua outou faaalia e tatau ona faalumaina o aʻu,+   Ia outou iloa la, ua taʻitaʻisesēina aʻu e le Atua, Ma ua siʻomia foʻi aʻu e lana upega tulimanu.+   Faauta! Ua ou alaga atu pea ona o le sauā, ae e leai se tali mai;+ Ua ou alaga atu pea mo se fesoasoani, ae e leai se faamasinogatonu.+   Ua ia punitia loʻu ala i se pā maa,+ ma ua lē mafai ai ona ou sopoʻia atu; Ua ia tuuina foʻi le pōuliuli i oʻu auala.+   Ua ia aveesea loʻu mamalu mai iā te aʻu,+ Ua ia toese foʻi le pale mai i loʻu ulu. 10  Ua ia toso aʻu i lalo i itu uma, ma ou alu ese ai; Ma ua ia liaʻieseina foʻi loʻu faamoemoe e pei o se laau. 11  Ua matuā toʻasā mai o ia iā te aʻu,+ Ua manatu pea o ia iā te aʻu o lona fili. 12  Ua ō mai faatasi ana vaegaʻau ma tanu lo latou ala e faasagatau mai ai iā te aʻu,+ Ua latou tolauapi faataamilo foʻi i loʻu faleʻie. 13  Ua ia ave mamao ese oʻu uso mai iā te aʻu,+ O ē foʻi e latou te iloa aʻu, ua liliuese mai iā te aʻu. 14  Ua tuua aʻu e aʻu uō mamae,+ Ua faagaloina foʻi aʻu e i latou e iloaina aʻu, 15  Atoa ma i latou o loo aumau o ni tagata ese i loʻu fale;+ o aʻu teine pologa foʻi ua latou manatu iā te aʻu o se tagata ese; Ua pei aʻu o se tagata mai i se isi atunuu i la latou vaai. 16  Ua ou valaau atu i laʻu auauna, ae e leʻi tali mai o ia. Ua ou ʻaiʻoi atu pea iā te ia i loʻu lava gutu ina ia alofagia aʻu. 17  Ua inosia laʻu mānava e laʻu avā,+ Ma ua namu leaga foʻi aʻu i le fanau a loʻu tinā. 18  Ua teena aʻu e tauleleʻa;+ Ua ou tulaʻi atu, a ua latou tautatala faasagatau mai iā te aʻu. 19  Ua ʻinoʻino mai iā te aʻu o aʻu uō mamae uma,+ O i latou foʻi ua ou alofa i ai, ua tetee mai iā te aʻu.+ 20  Ua pipii oʻu ponaivi i loʻu paʻu ma loʻu aano,+ Ua ou sao ma le paʻu o oʻu nifo. 21  O outou o aʻu aumea e, ia alolofa mai iā te aʻu, ia alolofa mai iā te aʻu,+ Auā ua papaʻi mai le aao o le Atua iā te aʻu.+ 22  Aiseā ua outou faasauā mai ai pea iā te aʻu e pei ona faia e le Atua,+ Ma ua outou lē maoona ai i loʻu tino? 23  E! ua fia tusia aʻu upu! E! ua fia tusia lava i se tusi! 24  I le peni uʻamea+ ma le pulu uʻamea, E vaneina ai i le papa e faavavau! 25  Ua ou iloa lelei foʻi o loo soifua lē e na te togiolaina+ aʻu, Ma pe a mavae atu aʻu, e tulaʻi mai+ o ia mai i le efuefu. 26  Ina ua uma ona latou saeeseina loʻu paʻu, o le mea lenei o le a iai! Ae peitaʻi, e ui ua mavae atu loʻu tino, ou te iloa atu le Atua, 27  O lē e mafai ona ou vaai lava aʻu i ai,+ Ma o lē e mafai ona vaai i ai oʻu lava mata, ae e lē o se tagata ese. Ua matuā mafatia lava aʻu i oʻu faalogona. 28  Auā e tou te faapea ane, ‘Aiseā e tatou te faasauā+ ai pea iā te ia?’ Ua lē aogā lava oʻu fatugaʻo i totonu iā te aʻu. 29  Ia outou fefefe ona o le pelu,+ Auā e oo atu le pelu iā i latou o ē e fai mea sesē, Ina ia outou iloa o loo iai lē e faamasino.”+

Faamatalaga Pito i Lalo