Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iopu 17:1-16

17  “Ua mou atu loʻu malosi,+ ua mavae atu oʻu aso; Ua saunia le fanuatanu mo aʻu.+   Ua siʻomia aʻu e tagata faaʻamuʻamu,+ Ma ua vaai pea oʻu mata i a latou amioga fouvale.   Faamolemole, seʻi e faamautinoa loʻu saogalemu.+ O ai ea la se tasi e ma te lūlū lima+ ina ia faia ai le tautoga?   Auā ua e punitia o latou loto ina ia lē faautauta.+ O le mea lea ua e lē faaeaina ai i latou.   Ua ia fai atu i ana aumea ina ia ave ni a latou mea, Ae ua fole mata+ o lana lava fanau.   Ua ia faia aʻu ma upu faatusa+ a nuu, Ma ua latou tuufeanu mai foʻi i oʻu mata.+   Ua puaoa oʻu mata ona o puapuaga+ Ua pei foʻi oʻu itutino uma o se ata lafoia.   Ua vaavaai ma le ofo tagata amio saʻo i lenei mea, E oo foʻi i lē e lē sala, ua ita i le tagata ua fulitua i le Atua.   E taofimau pea le tagata amiotonu i lona ala,+ A o lē e mamā ona lima,+ e faateleina pea lona malosi.+ 10  Ae peitaʻi, ua toe amata foʻi ona outou finau mai. Inā ō mai ia faamolemole, Auā ou te leʻi maua lava se tasi e atamai iā te outou.+ 11  Ua mavae atu oʻu aso,+ ma ua faalēaogāina aʻu fuafuaga,+ O moomooga o loʻu loto. 12  Ua latou faia pea le pō ma ao:+ ‘Ua latalata mai le malamalama ona o le pōuliuli.’ 13  Afai ou te faatalitali pea, ua fai le Tuugamau* ma oʻu fale;+ Ma ou fofola loʻu moega i le pōuliuli.+ 14  Ou te valaau atu i le lua,+ ‘O oe o loʻu tamā!’ O le ilo+ foʻi, ‘O loʻu tinā ma loʻu tuafafine!’ 15  O lea, o fea la o iai loʻu faamoemoe?+ Po ua iloa e se tasi e iai soʻu faamoemoe? 16  E la te ō ifo i faamau faalava o le Tuugamau, Pe a ma ō ifo faatasi uma i le efuefu.”+

Faamatalaga Pito i Lalo

Tagaʻi i le Faaopoopoga e 6.