Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iopu 15:1-35

15  Ona tali mai lea o Elifasa le Timanu, ua faapea mai:   “Pe e tali atu ea le tagata atamai ma le poto e lē aogā,+ Pe e na te faatumuina ea lona manava i le matagi mai i sasaʻe?+   E lē aogā le aʻoaʻi atu tau o le upu, Ma e lē aogā foʻi iā i latou upu.   Ae peitaʻi, o oe lava ua mou atu ai le mataʻu i luma o le Atua, Ma ua e faaitiitia le manatu mamafa i le Atua.   Auā o lou sesē ua aʻoaʻoina ai lou gutu i le upu e tautala atu ai, Ma ua e filifilia foʻi le laulaufaiva o ē e fai togafiti.   Ua taʻusalaina oe e lou lava gutu, ae e lē o aʻu; Ma ua tali foʻi ou laugutu iā te oe lava.+   Po o oe ea le tagata muamua na fanau mai,+ Pe na e fanau mai ma le tigā a o leʻi faia mea maupuʻepuʻe?+   Pe e te faalogo i fetalaiga faalilolilo a le Atua,+ Ma po ua e taofia ea le atamai mo oe lava?   O le ā se mea ua e iloa e matou te lē o iloa?+ O le ā foʻi se mea o e malamalama i ai e matou te lē o malamalama i ai? 10  O loo iā i matou le ulusinā ma lē ua toeaina,+ O lē ua sili atu ona aso e ola ai nai lo o lou tamā. 11  Po ua lē lava ea upu faamāfanafana mo oe, Po o upu filemu ua fai atu iā te oe? 12  Aiseā ua taʻitaʻieseina ai oe e lou loto, Aiseā foʻi ua e foliga ita ai? 13  Auā ua e liliuina lou loto e tetee i le Atua, Ma ua e faapogaia upu mai i lou gutu. 14  O ai ea le tagata e mamā ai o ia,+ Po o ai ea foʻi se tasi e fanau mai i se fafine e tonu ai o ia? 15  Faauta! Ua lē faatuatua o ia i ona tagata paia,+ Ma ua lē mamā foʻi le lagi i lana silafaga.+ 16  E matuā sili ai ona inosia ma piʻopiʻo se tasi,+ O se tagata o loo inu i le amiolētonu e pei o le vai! 17  Ou te faailoa atu lea mea iā te oe. Ia faalogo mai iā te aʻu!+ Auā ua ou vaai i lenei mea, o lea, seʻi oʻu faamatalaina atu, 18  O le mea na taʻu mai e ē atamamai+ Ma e latou te leʻi natiaina mai i o latou tamā. 19  E na o i latou ua tuuina atu i ai le laueleele, Ma e leai foʻi se tagata ese e ui ane i totonu o i latou. 20  Ua puapuagatia le tagata amioleaga i ona aso uma, E oo foʻi i le aofaʻi o tausaga ua tuuina mo le tagata pule sauā. 21  Ua lagona e ia le leo o mea mataʻutia; I le taimi foʻi e filemu ai, ua oo mai ai iā te ia o lē e faomea.+ 22  E lē talitonu o ia e toe foʻi mai nai i le pōuliuli,+ Ma ua taofia o ia mo le pelu. 23  E fealuaʻi solo o ia e saʻili ni meaʻai, a o fea o iai?+ Ua ia iloa lelei ua lata mai lava iā te ia le aso o le pōuliuli.+ 24  Ua atuatuvale pea o ia i puapuaga ma tigā;+ Ua la faatoʻilaloina o ia e pei o se tupu ua sauni mo le osofaʻiga. 25  Auā ua faaloaloa atu e ia lona lima e tetee atu ai i le Atua, Ua ia faaalia foʻi lona fiasili i Lē e ona le malosi uma lava;+ 26  Talu ai ua ia tetee atu iā te ia ma le faauamaaa, Faatasi ai ma ona talita mafiafia; 27  Auā ua ufiufi lava e ia ona mata i lona gaʻo Ua ia tuu foʻi gaʻo i lona sulugātiti,+ 28  Ua nofo o ia i aai o le a faaumatia; I fale foʻi e lē o nonofo ai pea ni tagata, O le a avea ma faaputuga maa. 29  E lē mauoloa o ia ma e lē faatuputeleina ana ʻoa, E lē faasalalauina foʻi e ia i le lalolagi mea na latou maua.+ 30  E lē liliuese o ia mai i le pōuliuli; E mago lona tātupu i le mumū o le afi, E ʻaloese foʻi o ia i le mānava a Lona fofoga.+ 31  Aua neʻi faasesēina o ia i lona faatuatua i mea e lē aogā, Auā e leai sona taui e maua mai ai; 32  E tauia o ia a o leʻi oo i lona aso. E lē tupu olaola foʻi lona tātupu.+ 33  E lafoaʻi e ia ona fua pula e pei o le vine, Ma salaeseina ona fuga e pei o le olive. 34  Auā e lē tupu olaola le faapotopotoga o tagata ua fulitua i le Atua,+ Ma e susunuina foʻi i le afi faleʻie o faiga faatogafalea.+ 35  Ua afuafuaina le faalavelave ma ua fanau mai ai le mea e tigā,+ Ua saunia foʻi e o latou manava le mea faaʻoleʻole.”

Faamatalaga Pito i Lalo