Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iopu 14:1-22

14  “O le tagata ua fanau mai i le fafine,+ Ua puupuu+ ona aso ma ua tumu i le atuatuvale.+   E tupu aʻe o ia e pei o le fuga ma e salaeseina,+ E sola ese foʻi o ia e pei o le ata lafoia,+ ma e lē toe iai lava.   E moni, ua silasila mai ou fofoga i lenā tagata, Ma ua e aumaia aʻu ia faamasinoina+ faatasi ma oe.   O ai na te mafaia ona fanau mai se tagata mamā mai i se tagata e lē mamā?+ E leai se tasi.   Afai e puupuu le ola o se tagata,+ Ua iā te oe la le aofaʻiga o ona masina; Ua e poloaʻiina foʻi o ia ina ia lē sopo atu.   Ia e silasila ese mai iā te ia ina ia mālōlō ai o ia,+ Seʻia maua e ia le fiafia, e pei ona fiafia o le tagata faigaluega i lona aso.   Auā e oo lava i le laau e iai lona faamoemoe. Pe a tuu i lalo, ona toe tātupu mai lea,+ Ma e tutupu mai pea ona tamaʻi lālā.   Pe a afu ona aa i le eleele Ma mate lona pogati i le efuefu,   Ae i le susū o le vai, e toe tātupu mai ai+ Ma e tupu mai ai lava se lālā e pei o se laau fou.+ 10  Ae e oti le tagata, ma taoto ua faatoʻilaloina; Ua tō le mānava a le tagata, po o fea la o iai o ia?+ 11  E mou atu vai mai i le sami, E alu ese foʻi le vai mai i le vaitafe ma ua mātūtū ai.+ 12  E taoto foʻi le tagata ma e lē toe tulaʻi.+ E latou te lē toe feala mai seʻia mavae atu le lagi,+ E lē toe fafagua foʻi i latou mai i la latou moe.+ 13  E! ia e natia aʻu i le Tuugamau,*+ Ia e faaliloina ai aʻu seʻia toe liliu lou toʻasā, Ma ia e atofaina mai se taimi+ mo aʻu ma manatua mai ai aʻu!+ 14  Pe a oti le tagata, pe e toe ola mai ea o ia?+ Ou te faatali i aso uma o laʻu galuega mamafa,+ Seʻia oo ina tuusaʻoloto aʻu.+ 15  E te valaau mai, ona ou tali atu ai lea iā te oe.+ Auā ua e matuā naunau i le galuega a ou aao. 16  Auā ua e faitauina pea nei oʻu laasaga;+ Ua e lē vaavaai foʻi i se isi mea, ae o laʻu agasala.+ 17  Ua e faamauina laʻu solitulafono i se taga,+ Ma ua e faapipii i loʻu sesē. 18  Ae peitaʻi, o le mauga e paʻū, e mou ese atu, E aveesea foʻi le papa mai i le mea sa iai. 19  E tafiesea e le vai e oo lava i maa; O ona tafega e tafiesea ai le efuefu o le eleele. Ua e faaumatia foʻi le faamoemoe o le tagata. 20  Ua e manumalo iā te ia e faavavau, ona alu ese ai lea o ia;+ Ua e suia ona foliga, ona e auina ese atu ai lea o ia. 21  Ua faamamaluina ona atalii, ae e lē iloa e ia;+ Ua faamaulaloina i latou, ae e leʻi manatu i ai o ia iā i latou. 22  E tigā pea lona tino a o ola o ia, E faavauvau pea foʻi lona loto a o ola o ia.”

Faamatalaga Pito i Lalo

Tagaʻi i le Faaopoopoga e 6.