Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iopu 13:1-28

13  “Faauta! Ua iloa e oʻu mata nei mea uma, Ua lagona foʻi e oʻu taliga ma mafaufau i ai.   O mea ua outou iloa, ua ou iloa lelei foʻi; Ou te lē faatauvaa aʻu iā te outou.+   Ae peitaʻi aʻu, ou te fia tautala atu i Lē e ona le malosi uma lava,+ Ou te fiafia foʻi e finau atu i le Atua.   I le isi itu, o outou o tagata ua fatu fua tala pepelo;+ O outou uma lava o fomaʻi lē aogā.+   Maʻimau pe ana outou fifilemu, Ina ia atamamai ai outou!+   Faalogo mai ia faamolemole i laʻu finau atu,+ Ia uaʻi mai foʻi i ʻaiʻoiga a oʻu laugutu.   Pe e tou te tautatala ea ma le lē tonu mo le Atua, Pe e tou te tautatala faaʻoleʻole foʻi mo ia?+   Pe e tou te faailoga tagata ea iā te ia,+ Pe e tou te finau ea foʻi i le tulafono mo le Atua moni?   Pe e lelei iā te outou ona ia suʻesuʻeina o outou?+ Pe e tou te faaʻoleʻole iā te ia e pei ona faaʻoleʻole o se tasi i le tagata? 10  E na te aʻoaʻia lava outou+ Pe afai e tou te faailoga tagata faalilolilo;+ 11  Pe e lē faamataʻuina ea outou i lona mamalu, Ma ua outou matataʻu ai ona o ia?+ 12  O a outou upu faamanatu o faataoto o lefulefu ia; O a outou talita o talita o ʻele ia.+ 13  Ia outou fifilemu i oʻu luma, ina ia ou tautala atu ai. Ia oo mai iā te aʻu o so o se mea lava! 14  Aiseā ua ou ū ai loʻu aano i oʻu nifo Ma tuu loʻu lava ola i loʻu lima?+ 15  E tusa lava pe na te fasiotia aʻu, po ou te lē faatalitali ea?+ Ou te finau atu pea i ona luma ona o oʻu lava ala. 16  E avea foʻi o ia ma oʻu faaolataga,+ Auā e leai sē e fulitua i le Atua e alu atu i ona luma.+ 17  Ia outou faalogologo lelei mai i aʻu upu,+ Ma ia outou uaʻi mai foʻi i aʻu folafolaga. 18  Faauta! Faamolemole, ua ou faia le faamasinogatonu;+ Ua ou iloa lelei, e saʻo aʻu. 19  O ai ea e finau mai iā te aʻu?+ Auā afai ou te filemu, ona tō ai lea o laʻu mānava! 20  E na o le lua lava mea e aua neʻi e faia iā te aʻu; O le mea lea, ou te lē natia ai aʻu i ou luma;+ 21  Ia e aveese mamao lou aao mai iā te aʻu, Aua foʻi neʻi faamataʻuina aʻu i le mataʻu iā te oe.+ 22  Ia e valaau mai, ona ou tali atu ai lea; Po ou te tautala atu foʻi, ona e tali mai lea iā te aʻu. 23  E fia ea ni oʻu sesē ma ni aʻu agasala? Ia e faailoa mai iā te aʻu loʻu fouvale ma laʻu agasala. 24  Aiseā ua e natia ai ou fofoga+ Ma manatu ai iā te aʻu e pei o sou fili?+ 25  Pe e te faateteina le laulaau ua lelea, Pe e te tuliloaina pea tagutugutu o saito ua mamago? 26  Auā ua e tusia pea mea oona e faasaga iā te aʻu+ Ma ua e faaoo mai foʻi iā te aʻu iʻuga o mea sesē o loʻu talavou.+ 27  Ua e taofia oʻu vae i faamau,+ Ma e tulimataʻia oʻu ala uma; Auā ua e faailogaina tuaoi o oʻu alofivae. 28  Ua pei o ia o se mea ua pala ua lē aogā;+ E pei foʻi o se ofu ua ʻaina e le lelefua.*+

Faamatalaga Pito i Lalo

O “lelefua” e maua i Isaraelu. O se iniseti e fā ona apaʻau e tai pei o se pepe, ma a o leʻi oo ina maua ona apaʻau, e na te ʻatiʻatia lavalava o tagata.