Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Iona 2:1-10

2  Ona tatalo lea o Iona iā Ieova lona Atua mai i le manava o le iʻa+  ua faapea atu: “Na ou valaau atu iā Ieova+ ona o loʻu puapuaga ma na tali mai o ia iā te aʻu.+ Na ou valaau atu mo se fesoasoani mai i le mea maulalo o le Tuugamau.*+ Na e faafofoga mai i loʻu leo.+   Ina ua e lafo ifo aʻu i mea loloto, i le moana sausau o le sami,+ Ona siʻomia ai lea o aʻu e āu o le sami. Na lofia aʻu i ou galu fafati ma ou peau.+   A o aʻu na ou faapea ane, ‘Ua tuliesea aʻu mai i luma o ou fofoga!+ E faapefea ona ou toe vaai i lou malumalu paia?’+   Na siʻomia aʻu i vai ma na toetoe lava a ou malemo ai;+ na lofia pea aʻu i vai loloto. Na taataʻai loʻu ulu i vaovao.   Na ou alu ifo i auvae mauga. A o le lalolagi na fusifusia ai aʻu i ona laau faalava mo se taimi umi. Ae ua e aveina aʻe loʻu ola mai i le lua, Ieova e loʻu Atua.+   O Ieova o Lē na ou manatua,+ ina ua ou vaivai lava.+ Ona oo atu lea o laʻu tatalo iā te oe i lou malumalu paia.+   A o ē ua tapuaʻi i tupua pepelo, ua latou tuua lo latou alofa faamaoni.+   A o aʻu ou te fai taulaga iā te oe i le leo o le faafetai.+ O le mea ua ou tautō ai, ou te avatua lava.+ O Ieova e ona le faaolataga.”+ 10  Mulimuli ane, na poloaʻi atu Ieova i le iʻa ona ia luai lea o Iona i le laueleele mātūtū.+

Faamatalaga Pito i Lalo

Po o “Seoli,” e mai le upu Eperu sheʼohl′. Tagaʻi i le Faaopoopoga e 6.