Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Ioelu 3:1-21

3  “Faauta foʻi! o ia aso ma lea taimi,+ pe a ou toe aumaia tagata o Iuta ma Ierusalema na ave faapagota,+  ou te faapotopotoina foʻi atunuu uma+ ma ave ifo i latou i le fanua laugatasi o Iosefatu;+ ou te faia le faamasinoga ma i latou ona o loʻu nuu ma loʻu tofi o Isaraelu,+ o ē na latou faataapeapeina i isi atunuu; ma na latou vaevaeina loʻu laueleele.+  Ua latou faia pea le vili ina ia maua ai loʻu nuu;+ ma ua latou avatu le tama tama mo se fafine talitane,+ ma ua latou faatau atu foʻi le tama teine mo le uaina ina ia latou feinu ai.  “Turo e, ma Saitonu+ ma itumalo uma o Filisitia,+ aiseā ua e faia ai faapea iā te aʻu? Po o le mea ea lea e te tauia ai aʻu? Afai foʻi e te tauia mai aʻu faapea, e vave lava ona ou toe tauia atu a outou gaoioiga i o o outou ulu.+  Auā ua outou aveesea aʻu siliva ma aʻu auro,+ ma ua outou avatu aʻu mea tāua ma lelei i o outou malumalu;+  o atalii foʻi o Iuta ma atalii o Ierusalema, ua outou faatau+ atu i atalii o Eleni+ ina ia ave mamao ai i latou mai i o latou vaipanoa;+  o lenei, ou te lagaina i latou e ō mai mai i le mea na outou faatauina atu i ai i latou,+ ma ou te toe tauia atu a outou gaoioiga i o o outou ulu.+  O le a ou faatau atu o outou atalii ma o outou afafine i lima o atalii o Iuta,+ ma e latou te faatau atu i latou i tagata o Seepa,+ i se atunuu mamao;+ auā ua fetalai mai ai Ieova.  “Ia outou faasilasila atu lenei mea i atunuu,+ ‘Ia sauni* mo le taua! Ia lagaina tagata malolosi!+ Ia latou faalatalata mai! Ia latou ō aʻe, o tagata uma o le taua!+ 10  Ia tuʻi uʻamea o a outou suōtosina e fai ma pelu, ma ia tuʻi foʻi a outou pelu teu laau+ e fai ma tao. O le tagata vaivai ia faapea mai o ia: “O aʻu o le toa.”+ 11  Ia ō mai ma fesoasoani le tasi i le isi, o outou atunuu uma o loo siʻomia ai+ ma ia outou faapotopoto faatasi mai.’”+ Ieova e, ia e faaoo ifo au ʻau malolosi i lea mea.+ 12  “Ia laga mai atunuu ma ō aʻe i le fanua laugatasi o Iosefatu;+ auā o i inā ou te nofo ai ma faamasino i atunuu e siʻomia ai.+ 13  “Ia outou tuu atu le selesaito+ auā ua matua le fuata o le seleselega.+ Ia ō ifo auā ua tumu mea e soli ai vine.+ Ua taumasuasua le mea e tali ai suāvine; auā ua matuā tele mea leaga ua faia e atunuu.+ 14  E matuā anoanoaʻi tagata i le fanua laugatasi o le faasalaga,+ auā ua lata mai le aso o Ieova i le fanua laugatasi o le faasalaga.+ 15  O le a pogisa le lā ma le masina, o le a lē fepulafi mai le malamalama o fetu.+ 16  O le a leotele mai Ieova mai i Siona, o le a tulei mai lona siʻufofoga mai i Ierusalema.+ O le a lūlūina le lagi ma le lalolagi;+ ae o le a fai Ieova ma sulufaʻiga mo lona nuu,+ o se malu foʻi mo le fanauga a Isaraelu.+ 17  O le a outou iloa ai o aʻu o Ieova lo outou Atua,+ o lē e nofo i Siona o loʻu mauga paia.+ E avea Ierusalema ma mea paia;+ e lē toe ui ane ai ni tagata ese.+ 18  “O lea aso o le a tautulu mai ai le uaina suamalie i mauga,+ e tafe ifo le suāsusu i aʻega, ma o le a tafe mai le vai i ālia uma o Iuta.+ O le a tafe mai foʻi le punāvai mai i le fale o Ieova, ma e faasūsū ai le vanu o Laau o le Setima.+ 19  O le a matuā faagaogaoina Aikupito,+ o le a avea foʻi Etoma ma toafa e matuā gaogao,+ ona o faiga sauā i le fanauga a Iuta o ē e ona le laueleele, na latou faamasaa ai le toto o tagata lē sala.+ 20  Ae e ʻainā pea Iuta i aso uma,+ faapea foʻi ma Ierusalema mai i lea tupulaga i lea tupulaga.+ 21  Ou te manatu ua lē toe nofosala o latou toto na ou manatu muamua i ai ua nofosala;+ ma o le a afio Ieova i Siona.”+

Faamatalaga Pito i Lalo

O le “Faapaiaina.”