Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ioane 5:1-47

5  Ua mavae nei mea, ona faia ai lea o se tausamiga+ a Iutaia, ona maliu atu ai lea o Iesu i Ierusalema.  E iai se vai tāʻele i le faitotoʻa o mamoe+ i Ierusalema, lea ua taʻua o Petesata* i le faa-Eperu, ma e lima ona faapaologa.  Ua taooto ai i inā tagata e toʻatele o ē mamaʻi, tauaso, pipili, ma i latou e pepē vae ma lima.  * ——  Ua iai i inā se tamāloa o lē na maʻi mo tausaga e tolu sefulu valu.  Ua silasila atu o ia i lenei tagata o loo taoto, ma ua ia silafia foʻi ua leva ona maʻi o ia,+ ona fetalai atu lea o Iesu iā te ia: “Po ua e fia mālōlō ea mai i lou maʻi?”+  Ua tali mai le tagata ua maʻi: “Lau susuga e, e leai lava se tasi e na te tuuina ifo aʻu i le vai tāʻele pe a gaepu; pe a ou alu ifo i le vai, ae ua muamua atu se isi iā te aʻu.”  Ona fetalai atu lea o Iesu iā te ia: “Inā tū ia i luga, ia ave lou moega ma e savali.”+  Ona malosi ai lea o le tagata, ua tū i luga, ua ave lona moega ma savali. O le aso tonu lenā o le sapati.+ 10  Ona fai ane lea o tagata Iutaia i lē ua faamālōlōina: “O le Sapati lenei, ma e sā+ ona e ave ai lou moega.” 11  A ua ia tali atu iā i latou: “O lē na ia faamālōlōina aʻu, ua faapea mai, ‘Ia ave lou moega ma e savali.’ ” 12  Ua latou fesili mai iā te ia: “O ai na fai atu iā te oe, ‘Ia ave lou moega ma e savali’?” 13  A ua lē iloa e lē na faamālōlōina po o ai o ia, auā ua maliu ese Iesu mai i le mea o loo iai le motu o tagata. 14  Ua mavae nei mea, ona maua atu lea o ia e Iesu i le malumalu ma fetalai atu iā te ia: “Vaai, o lenā ua e toe malosi. Aua e te toe agasala, ina neʻi tupu se mea e sili ona leaga iā te oe.” 15  Ua alu atu le tagata ma taʻu atu i tagata Iutaia, o Iesu lea na faamālōlōina o ia. 16  O le mea lea, ua faasauā+ ai tagata Iutaia iā Iesu, auā ua ia faia nei mea i le Sapati. 17  A ua tali atu o ia iā i latou: “O loo galue loʻu Tamā e oo mai i le aso nei, ma o loo oʻu galue foʻi.”+ 18  Ona atili ai lea ona saʻili o tagata Iutaia e fasioti iā te ia,+ auā e lē gata ua ia solia le Sapati, ae ua ia faapea mai foʻi o le Atua o lona Tamā lea,+ ua ia faatutusa+ ai o ia ma le Atua. 19  Ua tali atu Iesu iā i latou: “E moni, e moni, ou te fai atu iā te outou, E lē faia e le Atalii se mea i lona lava loto, a o mea ua ia vaai i ai o loo faia e le Tamā.+ Auā o mea ua Ia faia, ua faapena foʻi ona faia e le Atalii. 20  Auā e alofa faapelepele le Tamā i le Atalii+ ma faailoa mai iā te ia mea uma ua ia faia. Na te faailoa mai foʻi iā te ia o galuega e sili i nei mea, ina ia ofo ai outou.+ 21  Auā e pei ona toe faatūina e le Tamā o ē ua oti i le ola,+ e faapena foʻi ona toe faaolaina e le Atalii o ē ua ia loto i ai.+ 22  Auā e lē faamasinoina e le Tamā se tasi, ae ua ia tuu mai i lona Atalii e na te faia le faamasinoga uma,+ 23  ina ia āva tagata uma i le Atalii,+ e pei ona latou āva i le Tamā. O sē e lē āva i le Atalii, e lē āva foʻi i le Tamā o lē ua auina mai o ia.+ 24  E moni, e moni, ou te fai atu iā te outou, O lē e faalogo i aʻu upu ma talitonu i lē na auina mai aʻu, e ola o ia e faavavau.+ E lē faamasinoina foʻi o ia, a ua oo ina maua le ola, e ui sa oti.+ 25  “E moni, e moni, ou te fai atu iā te outou, E oo mai le itula, ma ua oo nei foʻi i ai, e faalogo ai o ē ua oti+ i le leo+ o le Atalii o le Atua, ma o i latou e faalogo i ai e maua le ola.+ 26  Auā e faapei o le Tamā o loo i totonu iā te ia lava le ola,+ ua ia foaʻi mai foʻi i le Atalii, ina ia i totonu iā te ia lava le ola.+ 27  Ua ia tuuina atu foʻi iā te ia le pule e faamasino ai,+ auā o ia o le Atalii o le tagata.+ 28  Aua tou te ofo i lenei mea, auā e oo mai le itula e faalogo ai i latou uma o loo i tuugamau*+ i lona leo, 29  ma latou ō mai ai, o ē na faia mea lelei e toetutū i le ola,+ a o ē na faia mea leaga e toetutū i le faamasinoga.+ 30  Ou te lē faia se mea i loʻu lava loto; ae ou te faamasino e tusa ma mea ua ou faalogo i ai; ma e tonu lava laʻu faamasinoga+ auā ou te lē faia le mea ou te loto i ai, a o le finagalo+ o lē na auina mai aʻu. 31  “Pe afai ou te molimau+ iā te aʻu lava, e lē moni la laʻu molimau.+ 32  Ae e iai lē o loo molimau iā te aʻu, ma ua ou iloa e moni lana mau+ e uiga iā te aʻu. 33  Ua outou aauina atu tagata iā Ioane, ma ua molimau o ia i le upu moni.+ 34  Ae peitaʻi, ou te lē taliaina le molimau a tagata, a ua ou taʻu atu nei mea ina ia faaolaina ai outou.+ 35  O lenā tagata, o le molī lea o loo mumū ma susulu, ma ua outou loto e matuā olioli i lona malamalama mo sina taimi.+ 36  Ae ua sili atu laʻu molimau i lo o Ioane, auā o galuega na tofia mai e loʻu Tamā ou te faia, o galuega ia o loo oʻu faia,+ auā ua fai ma molimau iā te aʻu e faapea, na auina mai aʻu e loʻu Tamā. 37  Ua molimau foʻi le Tamā o lē na auina mai aʻu e faatatau iā te aʻu.+ Tou te leʻi faalogo lava i lona siʻufofoga, pe vāai foʻi i ona fofoga,+ 38  ma e lē o tumau iā te outou lana afioga, auā tou te lē o talitonu i lē ua ia auina mai. 39  “Ua outou saʻili i Tusitusiga Paia,+ auā ua outou manatu o le auala lenā tou te maua ai le ola e faavavau; ma o mea na o loo molimau iā te aʻu.+ 40  A ua outou lē fia ō mai iā te aʻu ina ia outou maua ai le ola.+ 41  Ou te lē talia le viiga mai i tagata,+ 42  ae ua ou iloa lelei tou te lē alolofa i le Atua.+ 43  Ua ou sau i le suafa o loʻu Tamā,+ a ua outou lē taliaina aʻu; ae afai e sau se tasi i lona lava igoa, tou te taliaina o ia. 44  E faapefea ona outou talitonu, pe afai tou te talia le viiga+ mai i tagata, ae tou te lē o saʻilia le viiga mai i le Atua e toʻatasi?+ 45  Aua tou te manatu ua ou molia outou i le Tamā; ae e iai lē ua moliaina outou, o Mose lea,+ o lē ua outou faatuatua i ai. 46  Afai ua outou talitonu iā Mose, tou te talitonu foʻi la iā te aʻu, auā na ia tusi e faatatau iā te aʻu.+ 47  Ae afai tou te lē talitonu i ana tusitusiga,+ e faapefea la ona outou talitonu i aʻu upu?”

Faamatalaga Pito i Lalo

Ua faapea mai isi tusitusiga anamua, o “Petesa.”
O lenei fuaiupu o loo maua i nisi faaliliuga o le Tusi Paia, peitaʻi e lē o maua i isi manusikulipi Eleni anamua.
O le “tuugamau” e pei ona faaalia i le upu Eleni, o se mea e manatua ai pea le tagata oti.