Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ioane 21:1-25

21  Ua mavae nei mea, ona toe faaali atu lea o Iesu i le ʻausoo i le vai o Tiperia, ae o le auala lenei ua faaali atu ai o ia.  Ua faapotopoto faatasi Simona Peteru ma Toma, lē ua taʻua o le Masaga,+ o Natanielu+ mai i Kana i Kalilaia, ma atalii o Sepetaio,+ ma isi ona soo e toʻalua.  Ua fai atu Simona Peteru iā i latou: “Ou te alu ou te fagota.” Ua latou fai mai iā te ia: “Matou te ō foʻi ma oe.” Ona latou ō atu lea ma feosofi i le vaa, ae latou te leʻi maua ni iʻa i lenā pō.+  Ae ina ua oo i le taeao, ua tū mai Iesu i le auvai, a ua lē iloa e soo, o Iesu lea.+  Ona fetalai atu lea o Iesu iā i latou: “Si aʻu fanau e, po o iai ni a outou meaʻai?” Ua latou tali mai iā te ia, “E leai!”  Ua ia fetalai atu iā i latou: “Ia lafo le upega i le itu taumatau o le vaa, ona outou maua ai lea o iʻa.”+ Ona latou lafo lea o le upega, a ua lē mafai ona latou toso mai i luga, auā ua matuā tele lava iʻa.+  Ona fai atu lea o le soo o lē e alofa+ i ai Iesu iā Peteru:+ “O le Alii!” Ina ua faalogo Simona Peteru e faapea o le Alii lea, ona tago lea o ia ma ofu lona ofutino, auā sa faasausau o ia, ma oso i le vai.  A ua ō mai isi soo i le tamaʻi vaa, ma toso mai le upega o loo tumu i iʻa, auā e lē o toe mamao mai i le matafaga, pe e toe tolu selau futu.*  Ae ina ua latou ō ese mai i le vaa, ona latou iloa ai lea o se afi+ ua mālala, ma iʻa o loo taatitia ai i luga, ma falaoa. 10  Ua fai atu Iesu iā i latou: “Ia aumai ni iʻa na outou maua.” 11  Ona alu lea o Simona Peteru i le vaa, ua toso mai i uta le upega ua tumu i iʻa, e selau lima sefulu ma le tolu. Ae e ui lava i le tele o iʻa ua iai, ae e leʻi masae le upega. 12  Ua faapea atu Iesu iā i latou: “Ō mai loa e aai.”+ Ae e leai se tasi o le ʻausoo na mafai ona fesili mai iā te ia: “O ai oe?” auā ua latou iloa, o le Alii lea. 13  Ua maliu mai Iesu ua tago i le falaoa, ma avatu iā i latou,+ faapea foʻi ma iʻa. 14  O le faatolu+ ai lea ona faaali atu Iesu i le ʻausoo, ina ua mavae lona toetū mai i le oti. 15  Ua uma ona latou aai, ona fesili atu lea o Iesu iā Simona Peteru: “Simona e, le atalii o Ioane, pe e sili ea lou alofa* iā te aʻu nai lo o lou naunau i nei mea?”+ Ua fai mai o ia: “Ioe le Alii e, ua e silafia ou te alofa faapelepele* iā te oe.”+ Ua tali atu o ia: “Ia e fafaga i aʻu tamaʻi mamoe.”+ 16  Ua ia toe fetalai faalua atu iā te ia: “Simona e, le atalii o Ioane, pe e te alofa+ iā te aʻu?” Ua ia tali mai iā te ia: “Ioe le Alii e, ua e silafia ou te alofa faapelepele iā te oe.” Ua ia fetalai atu iā te ia: “Ia e leoleo i aʻu tamaʻi mamoe.”+ 17  Ua ia fetalai faatolu atu iā te ia: “Simona e, le atalii o Ioane, pe e te alofa faapelepele* iā te aʻu?” Ua oo ina tigā Peteru ona ua faatolu ona ia fesili atu iā te ia: “Pe e te alofa faapelepele iā te aʻu?” Ona fai mai lea o ia: “Le Alii e, ua e silafia mea uma;+ ua e silafia foʻi ou te alofa faapelepele* iā te oe.” Ona faapea atu lea o Iesu iā te ia: “Ia fafaga i aʻu tamaʻi mamoe.+ 18  E moni, e moni, ou te fai atu iā te oe, A o e tauleʻaleʻa e masani ona e faia ou lava ofu, ma e alu i le mea e te loto i ai. A ua oo ina e toeaina, ua faaloaloa atu ou lima, ma e faaofu+ oe e se isi tagata, ma ave oe i le mea e te lē o loto i ai.”+ 19  Ua ia fai atu nei mea e faailoa ai le auala e oti ai o ia,+ lea e faamamaluina ai le Atua.+ Ua ia fai atu nei mea, ona faapea atu lea o ia: “Ia e mulimuli mai pea iā te aʻu.”+ 20  Ua faliu Peteru ma vaai atu i le soo ua alofa+ i ai Iesu, o loo mulimuli mai. O ia lea na faalagolago i le fatafata o Iesu a o faia le talisuaga afiafi, ma faapea mai iā te ia: “Le Alii e, o ai ea e na te faalataina oe?” 21  Ina ua ia vaai atu iā te ia, ona fai mai lea o Peteru iā Iesu: “Le Alii e, o le ā le mea e fai e lenei tagata?” 22  Ua faapea atu Iesu: “Afai ou te loto ina ia tumau o ia seʻia ou sau,+ o le ā le mea e te popole ai fua? Ia e mulimuli mai pea iā te aʻu.” 23  Ua iʻu ina oo atu lenei tala i le ʻauuso e faapea, e lē oti lenā soo. Ae peitaʻi, e leʻi fetalai atu Iesu iā te ia e faapea, e lē oti o ia, ae ua faapea atu: “Afai ou te loto e tumau+ pea o ia seʻia ou sau, o le ā le mea e te popole ai fua?” 24  O le soo+ lenei na molimau i nei mea, ma na ia tusia nei mea, ma ua tatou iloa e faamaoni lana molimau.+ 25  O le mea moni, e tele isi mea na faia e Iesu, ou te manatu afai e tusia nei mea uma i ni tusi tāʻai, e lē mafai ona ofi nei tusi tāʻai uma i le lalolagi.+  

Faamatalaga Pito i Lalo

Tagaʻi i le Faaopoopoga e 14.
O le upu Eleni, a·ga·pais′.
O le upu Eleni, phi·lo′ se.
O le upu Eleni, phi·leis′ me.
O le upu Eleni, phi·lo′ se.