Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ioane 15:1-27

15  “O aʻu o le vine+ moni, a o loʻu Tamā o le galue+ vine o ia.  O lālā uma ua iā te aʻu e lē fua mai, e na te aveeseina,+ a o lālā uma e fua mai, e na te teuteuina*+ ina ia saga fua tele mai.+  Ua uma ona faamamāina outou, ona o le upu na ou tautala atu ai iā te outou.+  Ia tumau ona outou autasi ma aʻu, ma ou te autasi foʻi ma outou.+ E pei ona lē mafai ona fua mai o se lālā pe a lē tumau ona pipii i le vine, e faapena foʻi outou, pe a lē tumau ona autasi ma aʻu.+  O aʻu o le vine, a o outou o lālā. O lē e tumau ona autasi ma aʻu, o aʻu foʻi e autasi ma ia, ona fua tele mai ai lea o ia,+ auā e lē mafai ona outou faia o se mea e tasi pe a ou lē iai.  Afai e lē tumau ona autasi se tasi ma aʻu, e lafoaʻi ese o ia e pei o se lālā ma mago ai. E aoina e tagata na lālā ma lafo i le afi ma susunu ai.+  Afai e tumau ona outou autasi ma aʻu, ma tumau foʻi aʻu upu iā te outou, so o se mea lava e tou te mananaʻo i ai e tou te ōle atu ai, e taunuu lava.+  Ua faamamaluina loʻu Tamā ona o lenei mea, i lo outou saga fua tele mai ma iloa ai o outou o oʻu soo.+  E pei ona alofa mai o le Tamā iā te aʻu,+ ma ou alofa atu iā te outou, ia outou tumau i loʻu alofa. 10  Afai tou te tausi i aʻu poloaʻiga,+ tou te tumau ai i loʻu alofa, e pei ona ou tausi i poloaʻiga a le Tamā,+ ma ou tumau ai i lona alofa. 11  “Ua ou tautala atu i nei mea iā te outou, ina ia iā te outou loʻu olioli, ma faaatoatoaina ai lo outou olioli.+ 12  O laʻu poloaʻiga lenei, ia outou alolofa o le tasi i le isi e pei ona ou alofa atu iā te outou.+ 13  E leai lava se tasi e sili atu lona alofa nai lo o lenei, o le foaʻiina atu lea e se tasi o lona ola mo ana uō.+ 14  O aʻu uō outou pe afai tou te faia mea ua ou poloaʻi atu ai.+ 15  Ou te lē toe taʻua outou o pologa, auā e lē iloa e le pologa le mea e faia e lona matai. A ua ou taʻua outou o uō,+ auā ua ou faailoa atu iā te outou mea uma na ou faalogo ai i loʻu Tamā.+ 16  Tou te leʻi filifilia aʻu, a ua ou filifilia outou. O lea, ua ou tofia ai outou ina ia saga fua tele mai,+ ma ia tumau o outou fua, ina ia foaʻi mai iā te outou e le Tamā so o se mea tou te talosaga atu ai i loʻu igoa.+ 17  “Ua ou poloaʻi atu nei mea iā te outou ina ia outou alolofa o le tasi i le isi.+ 18  Afai ua ʻinoʻino mai le lalolagi iā te outou, ia outou iloa ua ʻinoʻino muamua mai iā te aʻu nai lo o outou.+ 19  Afai o ni tagata o le lalolagi outou, e alofa mai le lalolagi iā te outou auā o ona tagata.+ A o lenei, e lē o ni tagata o le lalolagi outou,+ a ua ou filifilia outou mai i le lalolagi, o le mea lea e ʻinoʻino ai le lalolagi iā te outou.+ 20  Ia outou manatua upu na ou fai atu ai iā te outou, E lē sili le pologa i lona matai. Afai na latou faasauā mai iā te aʻu, e latou te faasauā foʻi iā te outou.+ Afai e latou te tausi i laʻu upu, e latou te tausi foʻi i a outou upu. 21  Ae latou te faia nei mea uma e tetee atu ai iā te outou ona o loʻu igoa, auā latou te lē iloa o ia o lē na auina mai aʻu.+ 22  Pe ana ou lē sau ma tautala atu iā i latou, semanū e leai sa latou agasala,+ a o lenei e leai sa latou faamolemolega mo a latou agasala.+ 23  O lē e ʻinoʻino mai iā te aʻu, ua ʻinoʻino foʻi i loʻu Tamā.+ 24  Pe ana ou lē faia iā i latou galuega e leʻi faia e se tasi,+ po ua leai sa latou agasala,+ a o lenei ua latou vāai i aʻu galuega, ma ua ʻinoʻino mai iā te aʻu, e faapea foʻi ma loʻu Tamā.+ 25  Ae ua tutupu nei mea ina ia taunuu ai le upu ua tusia i la latou Tulafono, ‘Ua latou ʻinoʻino fua mai iā te aʻu.’+ 26  Pe a oo mai le fesoasoani ou te auina mai iā te outou mai le Tamā,+ o le agaga lea o le upu moni e sau mai le Tamā, e molimau iā te aʻu.+ 27  A o outou, tou te molimau atu foʻi,+ auā na ou faatasi ma outou mai i le amataga.

Faamatalaga Pito i Lalo

Po o le “faamamāina.”