Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ioane 14:1-31

14  “Aua neʻi atuatuvale o outou loto.+ Ia faatuatua i le Atua,+ ma ia faatuatua mai foʻi iā te aʻu.+  E tele mea e nonofo ai i le maota o loʻu Tamā.+ Ana leai, semanū ua ou taʻu atu iā te outou, auā ou te alu e sauni se nofoaga+ mo outou.  Afai foʻi ou te alu ma sauni se nofoaga mo outou, ou te toe sau+ ona ou talia lea o outou,+ ina ia iai foʻi outou i le mea ou te iai.+  O le mea ou te alu i ai, ua outou iloa le ala.”  Ona fai mai lea o Toma+ iā te ia: “Le Alii e, matou te lē iloa le mea e te maliu atu i ai.+ E faapefea ona matou iloa le ala?”  Ua fetalai atu Iesu: “O aʻu o le ala,+ o le upu moni+ ma le ola.+ E leai se tasi e alu atu i le Tamā pe a lē ui mai iā te aʻu.+  Afai ua outou iloa moni aʻu, ua outou iloa foʻi loʻu Tamā, e amata atu nei ona outou iloa o ia ma vāai iā te ia.”+  Ua fai mai Filipo: “Le Alii e, ia e faailoa mai iā i matou le Tamā, ma ua lava lenā mo i matou.”  Ua tali atu Iesu iā te ia: “Filipo e, ua leva ona ou faatasi ma outou, ae e te leʻi iloa lava aʻu? O lē ua vaai mai iā te aʻu, ua vaai foʻi o ia i le Tamā.+ E faapefea ona e fai mai, ‘Ia faailoa mai le Tamā iā i matou’?+ 10  Pe e tou te leʻi talitonu ea, e autasi aʻu ma le Tamā, ma e autasi foʻi le Tamā ma aʻu?+ O mea ua ou fai atu ai iā te outou, ou te leʻi tautala atu i ni oʻu lava manatu; ae o le Tamā o loo autasi pea ma aʻu o loo faia ana galuega.+ 11  Ia talitonu mai iā te aʻu, o aʻu o loo autasi ma le Tamā, o le Tamā foʻi o loo autasi ma aʻu; a lē o lea, ia outou talitonu ona o galuega.+ 12  E moni, e moni, ou te fai atu iā te outou, O lē e faatuatua mai iā te aʻu; e na te faia galuega na ou faia, ma na te faia foʻi galuega e sili atu,+ auā ua ou alu atu i loʻu Tamā.+ 13  O so o se mea foʻi e tou te talosaga atu ai i loʻu igoa, ou te faia lava, ina ia faamamaluina ai le Tamā ona o le Atalii.+ 14  Afai tou te talosaga atu i se mea i loʻu igoa, ou te faia lava. 15  “Afai tou te alolofa iā te aʻu, e tou te tausia la aʻu poloaʻiga;+ 16  ma ou te talosaga atu i le Tamā e foaʻi mai iā te outou se isi fesoasoani, ina ia iā te outou e faavavau.+ 17  O le agaga* lea o le upu moni,+ e lē mafai ona talia+ e le lalolagi, auā e lē vaaia pe iloa foʻi e le lalolagi le agaga. Ua outou iloa le agaga, auā o loo tumau pea iā te outou, ma o loo i totonu iā te outou.+ 18  Ou te lē tuua outou e faanoanoa.+ E moni ou te sau iā te outou. 19  E toeitiiti ona lē toe vāai mai lea o le lalolagi iā te aʻu,+ ae tou te vāai mai iā te aʻu,+ auā ou te ola aʻu ma e ola ai foʻi outou.+ 20  O le a outou iloa i lenā aso, e autasi aʻu ma le Tamā, e autasi outou ma aʻu, ma e autasi foʻi aʻu ma outou.+ 21  O lē ua iai aʻu poloaʻiga ma tausi i ai, o ia lea e alofa mai iā te aʻu.+ O lē e alofa mai iā te aʻu, e alofa foʻi loʻu Tamā iā te ia. Ou te alofa iā te ia ma ou te faailoa manino atu foʻi aʻu iā te ia.” 22  Ua fai mai Iuta iā te ia, e lē o Iuta+ le Sekara: “Le Alii e, o le ā le mea ua tupu ua e finagalo e faailoa manino mai ai oe iā i matou ae lē i le lalolagi?”+ 23  Ona tali atu lea o Iesu iā te ia: “Afai e alofa mai se tasi iā te aʻu, e tausia+ e ia aʻu upu, ma e alofa foʻi loʻu Tamā iā te ia, ma te ō atu foʻi iā te ia ma matou nonofo faatasi ma ia.+ 24  O lē e lē alofa iā te aʻu, e lē tausia e ia aʻu upu; ma o upu ua outou faalogo i ai, e lē o ni aʻu upu, ae o upu a le Tamā na auina mai aʻu.+ 25  “Ua ou tautala atu i nei mea iā te outou, a o ou iai pea ma outou. 26  Ae o le fesoasoani, o le agaga paia lea e auina mai e le Tamā i loʻu igoa, e aʻoaʻo iā te outou i mea uma, ma faamanatu atu i o outou mafaufau mea uma na ou taʻu atu.+ 27  Ou te tuuina atu le filemu iā te outou, ma ou te avatu iā te outou loʻu filemu.+ Ou te lē avatua iā te outou e pei ona avatu e le lalolagi. Aua neʻi atuatuvale o outou loto pe faavaivai ona o le matataʻu. 28  Ua outou faalogo na ou fai atu, ou te alu ma ou te toe sau iā te outou. Afai tou te alolofa mai iā te aʻu, tou te olioli i loʻu alu atu i le Tamā, auā e sili+ le Tamā iā te aʻu. 29  O lea, ua ou taʻu atu ai iā te outou a o leʻi tupu lenei mea,+ ina ia outou talitonu ai pe a tupu mai. 30  E lē toe tele ni upu ou te tautala atu ai iā te outou, auā o loo sau le pule+ o le lalolagi, ae e leai sana pule iā te aʻu.+ 31  Ae ina ia iloa e le lalolagi ou te alofa i le Tamā, ma ua tuuina mai e le Tamā iā te aʻu poloaʻiga+ ina ia ou faia, o lea ua ou faia ai. Ia tutū loa i luga, tatou ō.

Faamatalaga Pito i Lalo

Po o le “mana galue.”